ROMA 11:2 - KITAB NU TUMPU ALLA LELE MA'IMAI'

² Madi'! Tumpu madi' mongalin mian-Nyo anu palesayamo, anu pinile'an-Nyomo salatanmo pe'e i moona. To Utu-utus monsumbu' apaa na anu tinulis i uno nu Kitab nu Tumpu mongkona i Elia, tempo'nyo ia nompotoka han anu tinimbali i Israel hi Tumpu Allah. I Elia notatae,

ROMA 11:2 ပူးပေါင်းရင်းမြစ်များ

KAJADIAN 44:15

Lantas notataemo na i Yusuf, “Apaamo na anu binaumo nu belemiu aiya? Madi' osumbu' nu belemiu na mian anu susumo aku aiya daagi' ko ilimu' anu madi' otoa, timbali monsumbu' hahan anu ma'idek anu binaumo nu belemiu?”

NEHEMIA 9:30

Taun toka sataun sabaan na Belento mompokinde'i aha; Roh nu Belento mompoto'i aha to nabi-nabi da mompoto'iakon hi aha mian, Panyo mian anu palesayamo hi Belento mongonsongimo bihing nu aha, lantas binee'mo nu Belento na lipu' iwi-iwi' hi to bansa-bansa.

MAZMUR 94:14

Kalana Tumpu madi' hondo mompala'i mian anu palesayamo hi Ia; ia madi' ola mompojohok anu tinimbalimo pusaka'Nyo.

NOSABATMO 32:1

Salatan bansa Israel nontoa i Musa pininmo hondo madi'mo sampa ninsusule' mae lengkat i bungkutnyo dagi' sabole-bole kiita' mae, aha sinihukmo hi Harun ka' notataemo hi ia, “Kita madi' monsumbu' pa' apaa na anu tinimbalimo hi Musa, mian anu nomboamo mae kita nosabat lengkat mae i Mesir; jadi bauimo mae na kami pilogot anu molaya' kami.”

YEREMIA 31:37

De maluanyo ka kaminsanannyo aita' langit timbali o ukun mokiita', ka' lananyo nu tano' opoko alamo oselidiki saba' tempo'nyoje ahi' aijo' na Israel madi'mo Ku ala. Kalana iwi-iwi' na palabuatan nu aha ma'i-ma'idek aijo'. Aku, Tumpu notataemo.”

NOMBILANGMO 16:15

I Musa notambuha'mo hondo ka' notataemo hi Tumpu, “Tumpu, boli mongala palasombahan nu aha. Madi' toho' aku mompolugi' mau pe'e samian anu aijo' hi aha; ka' sa'angu' pe'e na keledai ma'isa toho' ingalangku aijo' hi aha.”

MARKUS 12:26

Ka' mongkona mian silaka po'ule' opotumuu', pa' ma'isa toho' nombasa' i uno nu kitab i Musa mongkona kumbung anu i noak aijo'? I uno nu to ayat-ayat aijo' tinulis saba' Tumpu notatae hi Musa, ‘Akumo na Tumpu i Abraham, Tumpu i Ishak, ka' Tumpu i Yakub.’

LUKAS 4:1

I Yesus kinuasanmo nu Roh nu Tumpu tempo'nyo Ia nompala'imo Kaunyo nu Yordan. Roh nu Tumpu nolaya' Ia nokiijo' i padang bolaa.

YOHANES 4:11

Koonyo nu boune aijo', “Kita Tuan madi' ko pontauk, ka' bubung aiya maleeng hondo. Lengkat mae iya na pohumpakan i Tuan uee kantumuu'an?

SISIKON NU TO RASUL-RASUL 13:48

Tempo'nyo to mia-mian bansa sangga'at anu misa' Yahudi nohongo aijo', aha sinanangmo hondo, lantas nompuji-puji'mo potatae nu Tumpu. Ka' to mia-mian anu tinantukanmo nu Tumpu da mohumpak kantumuu'an ma'ima' ka' sampe toka sidu-sidutu', mian haha aijo' pinalesayamo.

SISIKON NU TO RASUL-RASUL 15:18

Sumo aitumo na koo-Nyo nu Tumpu, anu nompoto'imo han aijo' naipuan pe'e mae.”

SISIKON NU TO RASUL-RASUL 3:17

To Utu-utus! Uuka sinumbu'kumo saba' apaa na anu binaumo miu ka' to pola-polaya' miu mongkona i Yesus, aijo' binaumo miu kalana komiu madi' monsumbu' apaa na anu hau-haunyo binaumo miu.

SISIKON NU TO RASUL-RASUL 7:40

Aha notatae hi Harun, ‘Baui mae na kami pilogot, da pilogot haha aijo' na molaya' kami. Kalana kami madi'mo nonsumbu' pa' apaa na anu tinimbalimo hi Musa anu nomboa mae kami nosabat lengkat i Mesir!’

ROMA 6:16

Osumbu'mo miu, de komiu mombee' butong miu pa' hi he da mombau pongka'oho'nyo, saba' komiu botuanmo nu mian anu ohongo-hongo miu aijo' – ugaat botuan nu dosa' anu momboa komiu i kapatean, kabai posaihon anu mohongo-hongo Tumpu, ka' tiba jalan aitu mompo'ule' ma'ima' tiba Tumpu.

ROMA 9:23

Tumpu mule' ko kahanda' mompotoa hi kita kabilahian anu molabi-labih binee'-Nyo hi kita anu nu Nu kalibosi. Kita tinoukaan-Nyomo mohumpak kabilahian aijo'.

ROMA 9:6

Aku madi' ko kahanda' montaloakon janji' nu Tumpu madi'mo ko kaliangannyo; panyo misa' iwi-iwi' na mian nu Israel mian anu pinile'anmo nu Tumpu.

1 KORINTUS 6:2

Te madi' osumbu' miu, mian anu palesayamo hi Tumpu na momputusi dunia aiya? Jadi, de memang komiu na momputusi dunia aiya, te komiu madi' moko ala mongulus to pala-palakala nu nu putusi nu mian kopian anu madi' ko alati'nyo?

1 KORINTUS 8:3

Panyo anu totu-totu'u mongkalibosi Tumpu, ia nusumbu' nu Tumpu.

FILIPI 1:22

Panyo de tumuu' i dunia aiya, aku moko ala mombau kalaja anu lebe mingguna, saba' madi' kusumbu' iya na anu tionyo ku pile'i.

IBRANI 1:1

Tempo'nyo naipuan mae Tumpu ola saja' basisik hi mompolee'to nupotoka nu to nabi-nabi ka' mompake ngangahan nu anu obau.