ROMA 11:15 - KITAB NU TUMPU ALLA LELE MA'IMAI'

¹⁵ Kalana aha madi'mo tinalima nu Tumpu, sahingga pompahasumbu'an nu dunia tiba Tumpu mompo'ule'mo ma'ima'; apaa mule' de aha otalima nu Tumpu! Tantu aijo' pokakanamo sumo mian mate po'ule'mo tumuu'!

ROMA 11:15 ပူးပေါင်းရင်းမြစ်များ

EFESUS 1:10

Tanga'annyo aijo' da iwi-iwi' na apaa, mau anu i suluga' mau anu i dunia, mosa'angu'mo tiba i Kristus salaku kapala. Ka' han aijo' nu potimbalije nu Tumpu de tokamo na tempo'nyo.

LUKAS 15:32

Panyo kita tionyo mombau-bauon ka' balame-lame', kalana utusum ise' aijo' sinilakamo, panyo uuka po'ule'mo tinumuu'; ia nolapusmo, panyo uuka po'ule'mo kinabot.’ ”

LUKAS 15:24

Kalana anakku aiya i natemo, aiya tinumuu'mo mule'; ia nolapusmo, uuka i humpakkumo mule'.’ Balo aha nombau bau-bauon.

ANU PINOTO'I HI YOHANES 11:11

Ilapas totolu' mintonga' na sinaa, tinokamo na napas bau pompotumuu' lengkat mae hi Tumpu ka' ninsoop mule' i uno nu ua-ua'aha na nabi aijo'. Aha mule' nobungkutmo ka' tinuminjomo, sahingga iwi-iwi' na mian anu nontoa aha nabuhukmo hondo.

DANIEL 9:24

Pimpitun lipat na pitumpulu' na taun, aijo'mo na tempo' anu pinotataapmo nu Tumpu mompobebas bansa nu belemiu tiba kota' nu belemiu anu susi' aijo' da bolimo baladosa' ka' bolimo mombau palabuatan anu ma'idek. Iwi-iwi' na dosa' o'ampunimo ka' mule' ka adilan anu sampe toka sidu-sidutu' aijo' sabole-bolemo ahi' opake sahingga anu lewa' tinoa ka' mule' anu lewa' okila-kila aijo' onyata'mo ahi', ka' Laigan nu Tumpu anu susi' aijo' po ule'mo ahi ponsomban Tumpu.

ROMA 14:1

Mian anu madi' junjuhi' na palesayanyo itina' hi komiu to Utu-utus, otalima ma'i-ma'ima'. Boli painggaga tiba ia anu pa' mosia na pongka'oho'nyo.

ROMA 14:3

Mian anu mongkaan mau mule' apaa, boli mongalu mian anu mongkaan ola kaanon anu tinantukanmo; ka' mian anu mongkaan ola anu tinantukanmo, boli mule' mompisala'i mian anu mongkaan mau mule' apaa, kalana Tumpu nontalimamo ia.