ROMA 11:10 - KITAB NU TUMPU ALLA LELE MA'IMAI'

¹⁰ Bakas da anu nutoa nu aha timbali pintung da aha madi' moko ala montoa; ka' pojohok na aha da timbali tadungkung sampe toka sidu-sidutu'.”

ROMA 11:10 ပူးပေါင်းရင်းမြစ်များ

MAZMUR 69:22

Pakalaus mule' aku pinokanaannyomo mae nu aha lasung; salatan inegotmo aku binee'annyomo mae suka da o'inum.

MAZMUR 69:23

Bakas da aha mongkaan ola da monsaduakon silaka, ka' timbalimo sabab hi aha to mia-mian anu ilagamo nu aha mongkaan da silakamo.

YESAYA 51:23

Kasansala'an aijo' Ku bee'mo hi miana nu nonsansalamo beleyum, anu toho'mo nompalentah belemiu nale' itano', ka' nompahampeja'akonmo belemiu, sumomo lapangnyo belemiu jalan anu saja' kajalanan.”

YESAYA 65:12

Belemiu iwi-iwi' silakamo salakumo koloban kalana panggaga. Kalana, salatan Aku nolagamo, belemiu madi' nontaami, ka' salatan Aku notatae, belemiu madi' mompotombihing. Belemiu lebe mongka'ima'i monggagakon Aku ka' mombau anu ma'idek.

ZAKHARIA 11:17

Kinutukan na polaya' potuu'on anu madi' mingkaliangan aijo'! Ia nompala'imo pahasan nu dombanyo. Kakuasa'annyo belentimo de saidi' mae mahampatemo. Limanyo lundengmo ka' mule' matanyo anu sasu koanannyo mapisokmo.”

ROMA 1:21

Mian monsumbu' Tumpu, panyo mian madi' mongadati Ia salaku Tumpu ka' madi' mule' montalima kaseh hi Ia. Ola mule' ahi' mian mompotutugakon anu mamisa-misa'; kinyonyoa nu aha pinintungmo.

ROMA 11:8

Kalana i uno nu Kitab nu Tumpu tinulismo sumo uuka, “Tumpu nompotimbalimo kinyonyoa tiba pikilan nu aha da ponga'; ka' sampe tempo' uuka mata nu aha madi' moko ala montoa, tiba bihing nu aha madi' moko ala mohongo.”

EFESUS 4:18

Pikilan nu aha pinintungmo. Aha madi'mo monsumbu' kantumuu'an anu binee' nu Tumpu. Kalana aha madi' ko anu nu pisumbu-sumbu' nu aha mongkona Tumpu. Aha sumo aijo' kalana bangilan.

2 PETRUS 2:17

To gulu-gulu' anu madi' totu'u aijo' sumo mata nu uee anu noti'imo ka' sumo sehu' anu pinuuhakonmo nu antong. Pinotoukamo nu Tumpu na tampat sa'angu' ponguna'an aha anu talalo hondo pikat.

2 PETRUS 2:4

To mala-malaikat pe'e anu baladosa' madi' nu pojohok nu Tumpu da opobebas madi' mohumpak hukuman, panyo o'alin i uno nu nalaka. Aha oposoopmo i uno nu bolo' anu pintung da opo'una' i kiijo' sampe toka i Sinaa Pomputusianmo.

YUDAS 1:13

Pokakana sumo bokon anu mabohos hondo i ambai sinumelembua'mo sumo aitu mule' na anu nubau nu aha sinumelembua'mo na anu moko ambang. Aha sumomo to manda-mandala' anu madi' tataap na kajojoongannyo ka' anu tinoukanmo na tampat nu Tumpu i uno nu kapintungan anu talalo okabuhuk sampe toka sidu-sidutu'.

YUDAS 1:6

Singkona o inau' na to mala-malaikat anu nolingkuduimo kakuasa'an anu binee'mo hi aha, sahingga namba nompala'imo tampat kajojoongan nu aha. Tumpu nompungumo malaikat haha aijo' nu lante' anu sampe toka sidu-sidutu' i uno nu tampat anu pintung i aluknyo nu dunia. I kiijo' mae na aha o talungku'mo sampe hukuman onabu'akonmo hi aha i Sinaa anu opalias aijo' saidi' mae.