ROMA 11:1 - KITAB NU TUMPU ALLA LELE MA'IMAI'

¹ Aku mompokilawa: Apaa Tumpu nongalinmo mian-Nyo anu pinalesayamo? Tantu madi'! Aku pe'e mian nu Israel lee' mae i Abraham anu tinonsoop i bansa Benyamin.

ROMA 11:1 ပူးပေါင်းရင်းမြစ်များ

2 TOMU-TOMUNDO' 23:27

Tumpu notatae, “Apaa na anu toho'mo binaungku hi aha Israel Ku bauje hi aha Yehuda. Mian nu Yehuda Ku boamo ka' opojoongje i lipu' anu Ku bee'je hi aha. Aku madi'mo nontalima Yerusalem, kota' anu pinile'an-Kumo, ka' suele Laigan-Ku aiya susumo anu tinaeyakon-Kumo baumo tampat ponsomban Aku.”

MAZMUR 77:7

De pihimo sola'mo ku potutugakon, ka' lewa' ogogisa' i uno nu kinyonyoa.

MAZMUR 94:14

Kalana Tumpu madi' hondo mompala'i mian anu palesayamo hi Ia; ia madi' ola mompojohok anu tinimbalimo pusaka'Nyo.

HOSEA 9:17

Tumpu anu kuku bau na anu nu pokauhakon aijo', madi'mo daagi montalima mian-Nyo anu palesayamo hi Ia, kalana aha madi'mo mongka'oho' montuluti Ia. Aha solidi' mae memo saja' mamba momoya hi to bansa-bansa sangga'at.

LUKAS 20:16

Tantu ia toka ka' mompatei anu nombau ale' haha aijo', lantas ale' aijo' nu bee'mo hi sangga'at na mombauakon.” Nohongo aitu, notataemo na to mia-mian hi Yesus, “Imadi' koko totu'u!”

SISIKON NU TO RASUL-RASUL 22:3

“Aku mian nu Yahudi,” koonyo i Paulus, “aku i hampe i Tarsus i lipu' Kilikia, panyo aku pinodaka' i aiya i Yerusalem ka' ingajan ima-ima' nu gulu' daka' i Gamaliel i uno nu atulan anu binee'i Musa hi mompolee'to. Pokakana sumo to Utu-utus iwi-iwi' i aiya sinaa aiya, aku suele talalo mompalahatikan Tumpu Allah.

SISIKON NU TO RASUL-RASUL 26:4

Iwi-iwi' mian nu Yahudi monsumbu' mosia na aku tinumuu' lengkat pe'e ingolitau. Aha monsumbu' saba' lengkat pe'e aku ingolitau, aku tinumuu'mo i totonga' nu posi bansangku i Yerusalem.

ROMA 11:11

Ku pokilawa mule': Tempo'nyo mian nu Yahudi nanabu'mo, te aijo' tinimbalimo da aha mohopu'? Madi' sahondo-hondonyo! Panyo kalana aha baladosa', sahingga ola ahi' bansa sangga'at na pinosalamat, sahingga nonsabapimo mian nu Yahudi nasakitmo na kinyonyoa hi bansa sangga'at aijo'.

ROMA 3:4

Tantu misa'! Kalana manasamo Tumpu saja' totu'u, mau mule' batu-batu mian baleko'. I uno nu Kitab nu Tumpu tinulis, “Kahanda'nyo beleyum saja' o toa totu'u apaa na anu tinaloakonum, ka' mule' beleyum untung de tempo'nyomo oputusi na beleyum.”

ROMA 9:3

kalana to Utu-utusku anu sa'a-sa'angu' na bansa tiba aku. Kalana monginau' aha, aku sanaang na nukutuki nu Tumpu ka' oga'atakon hi Kristus.

2 KORINTUS 11:22

Mian nu Ibrani ugaat na aha! Aku singkona mian nu Ibrani. Mian anu Israel ugaat na aha? Aku singkona mian nu Israel. Lee' i Abraham ugaat na aha? Aku singkona sumo aijo'.

FILIPI 3:5

Aku sinunatmo salatan umun ingialun sinaamo. Aku i hampe sumo mian nu Israel, lengkat mae lee' i Benyamin; aku mian nu Ibrani totu-totu'u. I uno nu han tulu-tulutan i atulan nu agama Yahudi, aku minsoop i tompuk nu Farisi.

1 SAMUEL 12:22

Tumpu binasumpa'mo, tukoonyo, Ia madi' mompala'i belemiu kalana tinantukan-Nyomo da belemiu opotimbalimo mian anu palesayamo hi Ia.