ROMA 10:8 - KITAB NU TUMPU ALLA LELE MA'IMAI'

⁸ Kahanda'nyo sumo uuka, “Lele lengkat hi Tumpu aijo' ohani hondo hi beleyum; i nganga'um tiba i kinyonyoaum.” Aijo'mo na lele anu oleleakon kami; lele tukoonyo tionyo mian palesaya.

ROMA 10:8 ပူးပေါင်းရင်းမြစ်များ

YESAYA 57:19

Aku mombee'ije ka' amanan hi iwi-iwi' na mian, maumo anu ohani kabai anu majo'on. Aku mombee'ije kahosonan hi mian anu palesayamo hi beleng-Ku.

SISIKON NU TO RASUL-RASUL 10:43

Iwi-iwi' to nabi-nabi motatae mongkona Ia. Aha notatae tukoonyo iwi-iwi' mian anu palesaya hi Yesus, o ampunije na dosa'nyo nu kakuasa'an lengkat hi Yesus.”

SISIKON NU TO RASUL-RASUL 16:31

Tinaaman i Paulus ka' i Silas, “Palesayamo hi Tumpu Yesus! Beleyum timbali salamat – beleyum ka' iwi-iwi' mian anu i laiganum!”

ROMA 10:17

Mokonyo aijo' to mia-mian timbali palesaya kalana aha mohongo lele, ka' lele o hongo kalana daagi' ko mian anu mompolele pa' mosia na i Kristus anjo'.

GALATIA 3:2

Soba poto'i mae hi belengku sa'angu' na han aiya: Pa' komiu nontalimamo Roh nu Tumpu kalana nompojalanmo atulan nu agama, kabai o kalana komiu nohongomo Lele Ma'ima' lengkat mae hi Tumpu ka' palesaya hi Kristus?

GALATIA 3:5

Tumpu nombee'mo Roh-Nyo hi komiu ka' nompodaagi'mo anu okabangangi atina' hi komiu. Te Tumpu mombau aijo' kalana komiu mompojalan atulan nu agama kabai kalana komiu nohongomo Lele Ma'ima' aijo' ka' palesaya hi Kristus?

EFESUS 5:26

I Kristus nombau sumo aijo' da Ia timbali mompobelesi' jama'at aijo', nu pangajalan-Nyo, ka' aijo' tinanda'anmo nu uee palamandian, da lapas aijo' timbalimo Nu potalima hi Tumpu.

PO'ULE' INGULIT 30:14

Boli mompokilawa susumo aijo', kalana palentah aijo' ohanimo hondo hi belemiu. Sinumbu'mo nu belemiu ka' timbalimo otaloakon mau madi'mo pilenje o basa', jadi memo samata-mata mombau.

1 TIMOTIUS 4:6

De beleyum mongajanakon iwi-iwi' aijo' hi to Utu-utus anu sampo palesaya, beleyum timbalimo posaihon i Kristus Yesus anu ma'i-ma'ima' na mokalaja. Ka' beleyum tionyo ahi' saja' mompokopiani isi nu kinyonyoa nu beleyum nu potatae nu Tumpu Allah anu opalesayanto, ka' mule' to panga-pangajalan anu totu'u, ka' anu tinulutanumo sumo uukamo na kopinnyo.

1 PETRUS 1:23

Kalana potatae anu tumuu' ka' sampe toka sidu-sidutu' lengkat mae hi Tumpu aijo', belemiu pinotimbalimo manusia bu'ou anu misa' i hampeakon nu manusia, panyo lengkat mae hi Tuuma anu tumuu' sampe toka sidu-sidutu'.

1 PETRUS 1:25

panyo potatae nu Tumpu tataap sampe toka sidu-sidutu'.” Potatae nu Tumpu aijo' Lele Ma'ima' anu binebakonmo hi belemiu.