ROMA 10:4 - KITAB NU TUMPU ALLA LELE MA'IMAI'

⁴ Atulan nu agama pinoko baumo i Kristus. Jadi batu-batu mian anu pinalesayamo hi Kristus, pompahasumbu'annyo tiba Tumpu mompo'ule'mo na'ima.

ROMA 10:4 ပူးပေါင်းရင်းမြစ်များ

YESAYA 53:11

Kalana aitu Tumpu notataemo, “Salatan lapas mo na mongoa'i kasansala'an, ia bilahije ka' sanangmo na kinyonyoanyo. Posaihon-Ku aijo', na momposanang kinyonyoang-Ku, nontanggungmo hukuman nu aha mian da'isan; kalana ia Aku mongampunimo aha.

MATIUS 3:15

Panyo i Yesus nontaami, “Pojohokmo ola uuka aiya. Kalana sumo aitu na kita mombau iwi-iwi' anu nu kahanda'i nu Tumpu Allah.” Jadi i Yohanes nompalamandikanmo i Yesus.

YOHANES 1:17

Atulan nu Tumpu otalimanto hi Musa. Panyo liibos ka' kanonongan nu Tumpu pinonyata'-Nyomo hi Yesus Kristus.

ROMA 3:22

saba' Tumpu nombaumo da mian timbali mompaha ima' tiba Ia, de mian palesaya hi Yesus Kristus. Tumpu nombau sumo aijo' kona hi iwi-iwi' mian anu palesaya hi Yesus Kristus; kalana madi' oposi posangalasan na samian ka' samian.

1 KORINTUS 1:30

Posi Tumpu na nompotimbali sahingga kita Utus nosa'angu' tiba i Kristus Yesus. Ola kalana i Kristus, sahingga kita pinotimbali pande. Ka' mule' ola kalana Ia, Tumpu nompotimbalimo kita po'ule' nompaha ima' tiba butong-Nyo, nompotimbali kita samata-mata mian-Nyo anu palesayamo, ka' nompobebas kita.

GALATIA 3:24

Tiba jalan anu sumo aijo', atulan nu agama timbalimo sumo ponjagai kita sampe i Kristus toka da mombau kita mompo'ule'mo ma'ima' tiba Tumpu kalana kita palesayamo hi Kristus.

GALATIA 4:5

Tiba jalan anu sumo aijo' Ia nompobebasmo to mia-mian anu tumuu' i uno nu kakuasa'an nu atulan nu agama; da kita mule' moko ala timbali to ana-anak nu Tumpu.

KOLOSE 2:10

Ka' kalana kantumuu'an nosa'angu'mo tiba i Kristus, komiu mule' binee'anmo kantumuu'an anu sukup. Kalana i Kristus na mompalentah to roh-roh anu ko kuasa ka' anu mompalentah.

KOLOSE 2:17

Iwi-iwi' aijo' ola lolung nu hahan anu tokaje mae, panyo bukuti' nu hahan aijo', aijo'mo i Kristus!

IBRANI 10:14

Jadi anu ola sa'angu' na koloban aijo', i Kristus nompokopianimo to mia-mian anu pinobelesi'mo na dosa'nyo.