ROMA 10:3 - KITAB NU TUMPU ALLA LELE MA'IMAI'

³ Aha madi' monsumbu' jalannyo nu Tumpu mombau pompahasumbu'an nu mian, tiba Ia mompo'ule' ma'ima'. Ka' kalana aha ola mosi bau pongka'oho' nu aha, sahingga aha madi' tundu' i jalan anu nupotiju' nu Tumpu.

ROMA 10:3 ပူးပေါင်းရင်းမြစ်များ

NEHEMIA 9:33

Kaputusan nu Belento adin, Belento nohukumo kami anu binaladosa'mo; Belento sabole-bole ahi' monginau' kami, maumo kami saja'mo nongoa'i kasansala'an.

AYUB 33:27

Sahingga i ahop nu mian da'isan ia motataemo, ‘Anu ma'idek ku anggapmo ma'ima', dinaka'mo na dosa'ku, panyo Tumpu Allah madi' mohukum aku.’

MAZMUR 71:19

O Tumpu, ka'adilan nu Belento matangkas hondo sumo langit; daka' hondo na hahan anu binaumo nu Belento; ihe na moko ala mompokakanai Belento?

YESAYA 51:1

Tumpu notatae; “Potombihing mae na Aku, o, belemiu anu mongka'ima'i de oposalamat, ka' tokamo mae hi beleng-Ku momoita da otulungi. Inau' na bungkutnyo nu batu anu pinanimpa'atanmo nu belemiu, ka' pinongkekeanmo batu anu pipinongkekeanmo belemiu.

YESAYA 51:6

Tonto'i mokiita' na langit ka' toa na tano'; langit madi'mo otoa-toa susumo tibuk ka' tano' luso'mo susumo baju' anu pininmo na saja' pinusok, iwi-iwi' na anu monjojoongi silakamo susumo momot. Panyo kasalamatan anu Ku bee'mo na tataap ahi' sampe toka sidu-sidutu', ka' kamanangan-Ku na madi' ahi' kokamingkotannyo.

YESAYA 51:8

Aha silakamo ka' mule' madi'mo otoa-toa, pokakanamo susumo baju' anu nu kekedimo nu ane' ka' hude bulu nu domba anu nu kekedimo nu atak. Panyo kasalamatan anu Ku bee' nu tataap ahi' sampe toka sidu-sidutu', ka' kamanangan-Ku na satataapnyo ahi' sampe molundu-lundu na tulunan.”

YESAYA 56:1

Tumpu notatae hi mian anu palesayamo hi Ia, “Baumo apaa na anu adin ka' anu situju hi atulan-Ku. Kalana madi'mo daagi' pin Aku tokamo mae momposalamat belemiu ka' ka'adinan-Ku oponyata'mo.

YESAYA 57:12

Panyo Ku poto'i hi belemiu; kapalesaya'an nu beleyum atina' madi' totu'u, ka' sinin na palabuatan nu belemiu madi' kogunanyo hi belemiu.

YESAYA 64:6

Kami iwi-iwi' mian anu nahenyumo, ka' mule' palabuatan mami anu ma'ima' na'idekmo ka' kinotonmo. Kami mingkotmo kalana palabuatan mami anu na'idekmo susumo hon anu nagayoumo nu lahabakonmo nu mombun.

MOHAANGI 3:22

Liibos nu Tumpu madi' toho' mingkot, balakatnyo madi' toho' mingkot,

DANIEL 9:24

Pimpitun lipat na pitumpulu' na taun, aijo'mo na tempo' anu pinotataapmo nu Tumpu mompobebas bansa nu belemiu tiba kota' nu belemiu anu susi' aijo' da bolimo baladosa' ka' bolimo mombau palabuatan anu ma'idek. Iwi-iwi' na dosa' o'ampunimo ka' mule' ka adilan anu sampe toka sidu-sidutu' aijo' sabole-bolemo ahi' opake sahingga anu lewa' tinoa ka' mule' anu lewa' okila-kila aijo' onyata'mo ahi', ka' Laigan nu Tumpu anu susi' aijo' po ule'mo ahi ponsomban Tumpu.

IMAMAT 26:41

sahingga Aku nongalamo kaputusan molaa'mo aha momboamo ka' opojoongmo i lipu' nu anu monsampobali' aha. Ahennyo, de lee' nu belemiu matundu'mo ka' montalimamo hukuman kalana dosa' ka' kalana noto idekmo na aha.

LUKAS 10:29

Panyo gulu' agama aijo' mompai pototu'u butongnyo. Ia nompokilawa, “Ihe na sangko mianku?”

LUKAS 16:15

Panyo i Yesus notatae hi aha, “Komiumo na mian de i ahop nu san-samianan otoa totu'u, panyo Tumpu monsumbu' isi nu kinyonyoaum. Kalana apaa na anu osangka matangkas nu mian, nutoa nu Tumpu heede'.

ROMA 1:17

Kalana tiba Lele Ma'ima' aijo', Tumpu nompotiju'mo mosia na bau-baunyo pompahasumbu'an nu mian tiba Tumpu po'ule'mo na'ima'; baunyo aijo'mo palesaya hi Tumpu lengkat pe'e imoonanyo toka-toka i kahimpusannyo. Aijo' pokakana sumo anu tinulismo i uno nu Kitab nu Tumpu, “Mian anu palesayamo hi Tumpu sahingga pompahasumbu'an tiba Tumpu po'ule'mo ma'ima', mian aijo' tionyo tumuu'!”

ROMA 10:2

Aku baani na montaloakon aha makeke hondo na palesaya hi Tumpu. Panyo keke nu aha aijo' madi' mimpu'u i kapandean anu lengkat mae hi Tumpu.

ROMA 10:20

I Yesaya lebee binaani mule': Ia notatae, “Sumo uuka na koo-Nyo nu Tumpu, ‘To mia-mian anu madi' molio Aku, nonsingkabotimo Aku; ka' Aku nompotoamo butong-Ku hi aha anu madi' moleleki mongkona Aku.’ ”

ROMA 11:7

Jadi, mosia? Mian nu Israel anu palesayamo madi'mo mohumpak apaa na anu nulio nu aha. Anu mohumpak ola santompuk ise-ise' na mian anu pinile'anmo nu Tumpu. Iwi-iwi' sangga'at ola pinanggaga madi' nompa juli polaga nu Tumpu.

ROMA 3:22

saba' Tumpu nombaumo da mian timbali mompaha ima' tiba Ia, de mian palesaya hi Yesus Kristus. Tumpu nombau sumo aijo' kona hi iwi-iwi' mian anu palesaya hi Yesus Kristus; kalana madi' oposi posangalasan na samian ka' samian.

ROMA 3:26

Panyo uuka aiya Ia nontantukanmo kaputusan nu dosa' bau pomponyata' ka'adinan-Nyo. Tiba jalan aijo' Ia mompotoamo saba' butong-Nyo totu'u; ka' batu-batu mian anu palesayamo hi Yesus Kristus nutantukanmo mian anu po'ule'mo nompaha ima' tiba Tumpu Allah.

ROMA 5:19

Ka' susumo manjoo' na mian timbali mian baladosa' kalana samian anu madi' montapali, sumo aijo' mule' na konjoo'nyo nu mian opotimbali po'ule' ma'ima' tiba Tumpu, kalana samian na anu montapali Tumpu.

2 KORINTUS 5:21

I Kristus madi' baladosa', panyo Tumpu nompotimbalimo Ia bau pontokong dosa'to, da kita nompo'ule' na'ima' tiba Tumpu Allah kalana nosa'angu'mo tiba i Kristus.

PO'ULE' INGULIT 6:25

De kita saja' montuluti iwi-iwi' na anu nupalentahkon nu Tumpu Allahnto, saba' Ia saja' sanang hi kita.’ ”

FILIPI 3:9

ka' totu-totu'u mosa'angu'mo tiba Ia. Pompahasumbu'an anu ma'ima' tiba Tumpu, madi'mo daagi' ku posi lio nu jalan montuluti atulan nu agama. Uuka aiya aku kino pompahasumbu'anmo anu ma'ima' tiba Tumpu, kalana aku pinalesayamo hi Kristus. Jadi, pompahasumbu'an anu ma'ima' aijo' tinoka lengkat mae hi Tumpu Allah, ka' mimpu'u kalana palesaya hi Yesus Kristus.

2 PETRUS 1:1

To Utu-utus anu totu-totu'u pinalesayamo sumo kami! I Yesus Kristus, aijo'mo Tumpu ka' Tomundo anu Momposalamat kita, nompotimbalimo kita palesaya hi Ia, kalana Ia nombaumo anu totu'u. Sulat aiya lengkat mae hi Simon Petrus, samian na posaihon ka' rasul i Yesus Kristus.