ROMA 10:2 - KITAB NU TUMPU ALLA LELE MA'IMAI'

² Aku baani na montaloakon aha makeke hondo na palesaya hi Tumpu. Panyo keke nu aha aijo' madi' mimpu'u i kapandean anu lengkat mae hi Tumpu.

ROMA 10:2 ပူးပေါင်းရင်းမြစ်များ

2 TOMU-TOMUNDO' 10:16

“Batuki mae na aku ka' oposi toaje pa' mosia na langkasku palesaya hi Tumpu.” Lantas aha hingga-hinggat sinumake'mo namba i Samaria.

MAZMUR 14:4

Tumpu notatae, “Pa' madi'mo ko kasinsumbu'annyo na mian toto ide-idek na kinyonyoanyo haha aijo'? Aha tumuu' ola saja' mompahuhui mian anu palesayamo hi Beleng-Ku ka' madi'mo toho' balado'a mae hi Beleng-Ku.”

AMSAL 19:2

Anu makeke de madi' ko ilimu', madi' ma'ima'; mian anu ko sia-sia saidi mae monsaduakon kasala'an.

YESAYA 27:1

Tempo'nyo aijo' Tumpu monggunakonmo bajak-Nyo anu ko aja'nyo ka' ma katajom hondo kalana kahanda'mo mohukum ulo anu lewa'mo nombialos kahanda'mo mombutu', ka' mule' kahanda'mo mompatei talenga'nyo nu ulo i ambai.

YOHANES 16:2

Komiu osabatakon i laigan anu saja-saja' pogalejaan. Ka' tokaje na tempo'nyo saba' mian anu mompatei komiu tukoonyo ia mombau anu nu palentahkon nu Tumpu.

SISIKON NU TO RASUL-RASUL 21:20

Noko hongo sisik i Paulus aijo', aha iwi-iwi' nompuji'mo Tumpu. Lapas aijo' aha notatae hi Paulus, “Utusku Paulus! Kita utus tionyo monsumbu' saba' nomada-madalamo na to mia-mian Yahudi anu pinalesayamo hi Yesus. Aha iwi-iwi' aijo'mo, na to mia-mian anu saja'mo nombatuki atulan i Musa.

SISIKON NU TO RASUL-RASUL 21:28

ka' lewa' noloboo', “O, to mia-mian nu Israel, tulung! Aiyamo na miannyo anu mamba iyaya mae mongajan iwi-iwi' na mian nu to aja-ajalan anu mompisala'i bansa Israel, mompisala'i atulan i Musa ka' mompisala'i Laigan nu Tumpu aiya. Ka' uuka ia ola' o mule' momboa to mia-mian anu misa' Yahudi ninsoop i uno nu Laigan nu Tumpu ka' nombau anu moko pahenggas i tampat anu susi' aiya!” (

SISIKON NU TO RASUL-RASUL 22:22

To mia-mian daagi' saja' mompotombihing i Paulus basisik, panyo tinoka i potatae anu i mihinyomo aijo' aha noloboo'mo daka-daka', “Pateimo na mian anu sumo aijo'. Ia madi' pantas tumuu'!”

SISIKON NU TO RASUL-RASUL 22:3

“Aku mian nu Yahudi,” koonyo i Paulus, “aku i hampe i Tarsus i lipu' Kilikia, panyo aku pinodaka' i aiya i Yerusalem ka' ingajan ima-ima' nu gulu' daka' i Gamaliel i uno nu atulan anu binee'i Musa hi mompolee'to. Pokakana sumo to Utu-utus iwi-iwi' i aiya sinaa aiya, aku suele talalo mompalahatikan Tumpu Allah.

ROMA 10:1

To Utu-utus! Ku indi hondo da bansangku o posalamat. Ka' aku totu-totu'u mondo'akon aha hi Tumpu.

ROMA 10:3

Aha madi' monsumbu' jalannyo nu Tumpu mombau pompahasumbu'an nu mian, tiba Ia mompo'ule' ma'ima'. Ka' kalana aha ola mosi bau pongka'oho' nu aha, sahingga aha madi' tundu' i jalan anu nupotiju' nu Tumpu.

2 KORINTUS 4:4

Pilogot ide-idek anu mongkuasai dunia aiya nongkulubimo pikilan nu to mia-mian anu madi' palesaya aijo'. Iamo na lewa' molingkang aha da aha madi' montoa jingka nu Lele Ma'ima' aijo' mongkona katalasanggoan i Kristus, anu salaku gambalan nu Tumpu Allah.

2 KORINTUS 4:6

Tumpu na notatae, “Tionyo ahi' lengkat i uno nu pintung bete'mo na jingka,” Tumpu ai-aijo'mo na nompobete' jingka aijo' i uno nu kinyonyoanto, da pikilanto timbali majingka ka' monsumbu' kalonyingkaban nu Tumpu anu i lonyingkabanmo hi ohup i Kristus.

2 KORINTUS 8:3

Aku timbali montantukan aha mombee'i apaa na anu nupoko ala nu aha, sadang aijo' pe'e pa' nolabi. Madi' pilenje ko anu nompokau,

GALATIA 1:14

I uno nu han mompojalan agama Yahudi manjoo' na mian nu Yahudi anu pokakana na umun tiba aku, aku na lebe monsumbu'. Ku palahatikan hondo na hahan mongkona to ada-adat nu mompolee' mami.

GALATIA 4:15

Komiu binilahimo hondo tempo'nyo aitu. Panyo uuka, iyamo mae na kabilahian aijo'? Kusumbu' tempo'nyo aitu komiu halala'mo na mongkubetakon posi mataum ka' mombee'mo mae hi belengku, de aijo' timbali obau.

FILIPI 1:9

Aiyamo na do'angku toka hi komiu: o'amalakon da komiu mompaka kalibosi Tumpu ka' sangko gampa, ka' ko pintu-pintuangnyo na monsumbu' anu totu'u ka' mimpikilan pande.

FILIPI 3:6

Aku binaani hondo, sahingga aku nonsakisa jama'at. De o'ala i atulan nu agama Yahudi, aku mian anu ma'ima', anu madi' ko kasala'annyo.

KOLOSE 4:13

Pinosi toangkumo memang na ia nokalajamo totu-totu'u kalana kapentingan miu, ka' bau kapentingan nu to mia-mian i Laodikia ka' i Hierapolis.