ROMA 10:15 - KITAB NU TUMPU ALLA LELE MA'IMAI'

¹⁵ Ka' mosia na mian timbali momboa lele aijo' de aha madi' opokau? I uno nu Kitab nu Tumpu tinulis sumo uuka, “Paya' na ko'ima'nyo na to mia-mian montalima Lele Ma'ima' lengkat hi Tumpu!”

ROMA 10:15 ပူးပေါင်းရင်းမြစ်များ

YESAYA 40:9

Pindakomo pokiita ibungkutnyo mata-matangkas, ka' poto'i na lele ma'ima' hi Yerusalem! Loboo'akon daka-daka', ka' poto'i na lele ma'ima' hi Sion! Poto'i hi kota-kota' nu Yehuda, taalu' Tumpu nu aha tokamo mae!

YESAYA 52:7

Talalo hondo sanang na montoa katokaan nu mian anu sinai mae; ia lumajang notulu i bungkutnyo ka' nomboa lele ma'ima', lele anu moko bilahi kantumuu'an, lele kasalamatan hi aha Sion; koonyo, “Tumpu nu beleyum Tomundo!”

YESAYA 57:19

Aku mombee'ije ka' amanan hi iwi-iwi' na mian, maumo anu ohani kabai anu majo'on. Aku mombee'ije kahosonan hi mian anu palesayamo hi beleng-Ku.

YESAYA 61:1

Kuasa nu Tumpu Anu Matangkas na Kuasanyo aiyamo hi belengku; Ia nompile'imo aku ka' nonsaimo aku da momboa lele ma'ima' hi mian anu kasiasi ka' mompa'alin mian anu ihansunmo na kinyonyoanyo; da mombebakon hi mian anu tinahanmo saba' aha malia'mo opobebas, ka' hi to mia-mian i uno nu talungku' saba' aha osabatakonmo.

YEREMIA 23:32

Aku, Tumpu, mongewamo nabi haha aijo' anu mompoto'i ipionnyo haha aijo' anu baleko' ahi' hondo-hondo aijo'. Aha nompotalasmo pikilan nu mian anu palesayamo hi beleng-Ku nu kabaleko'an tiba sisik-sisik anu bulon aijo' hi aha. Aku madi' nompalentah nabi haha aijo'. Aha madi' hondo-hondo ko gunanyo hi aha mian anu palesayamo hi beleng-Ku. Aku, Tumpu, notataemo.”

NAHUM 1:15

Soba toa samian na anu sinai mae tokamo mae montulu iwi-iwi na bungkutnyo momboa mae lele ma'ima' lele inguntungmo na nahampate. O bansa Yehuda lame'akon na sinaa daka' nu belemiu ka' bayanmo na anu jinanji'mo nu belemiu hi Tumpu. Lipu' nu belemiu madi'mo daagi opalentah nu to mia-mian anu ma'idek na kinyonyoanyo. Aha ihansunmo iwi-iwi'.

MATIUS 9:38

Kalana aijo' poita hi tumpu nu ale' aijo', da ia monsai mae anu mompadak padakonnyo.”

LUKAS 10:1

Lapas aijo' Tumpu nompile'i mule' pitumpulu' na anu saja' mombatuki, lantas nonsai aha toto ua'aha mamba i moona i toto sa'angu' na kota ka' tampat anu okahanda'i o lambani.

LUKAS 2:10

Panyo koonyo nu malaikat, “Boli mabuhuk! Kalana aku toka momboa lele ma'ima' hi komiu – lele anu talalo mompolame' iwi-iwi' mian.

LUKAS 2:14

“Puji' na Tumpu i langit anu matangkas hondo! Ka' i bawo nu dunia, salamatmo na mian anu momposanang kinyonyoa nu Tumpu!”

LUKAS 8:1

Madi' pinin lengkat i aijo', i Yesus nambamo i kota-kota ka' i kampu-kampung da mompolele Lele Ma'ima', saba' Tumpu Allah montampu'unimo mompalentah susumo Tomundo. Sampulu' ohua' na anu saja' mombatuki namba hingga-hinggat ka' Ia.

YOHANES 20:21

Lantas i Yesus po'ule' notatae hi aha, “Tabea' kasalamatan tinokamo hi komiu. Sumo i Tuuma nonsai mae Aku, sumo aitu suele na aku monsai komiu.”

SISIKON NU TO RASUL-RASUL 10:36

Sinumbu'mo nu to Utu-utus na isi nu lele anu pinotoka nu Tumpu hi bansa Israel. Lele aijo' aitumo Lele Ma'ima', mongkona paladamean hi Yesus Kristus, aitumo Tumpu nu iwi-iwi' mian.

SISIKON NU TO RASUL-RASUL 13:26

To Utu-utus lee' i Abraham, ka' iwi-iwi' to Utu-utus anu sangga'atannyo, i aiya anu mohongo hi Tumpu! Tumpu nompakatumo hi kita lele kasalamatan aijo';

SISIKON NU TO RASUL-RASUL 22:21

Panyo Tumpu po'ule' notatae hi belengku, ‘Sampamo lako', kalana Aku monsaimo beleyum mamba mokiijo' i tampat anu majo'on hi aha to mia-mian anu misa' Yahudi.’ ”

SISIKON NU TO RASUL-RASUL 9:15

Panyo kita Tumpu notatae hi Ananias, “Lako'mo! Kalana Aku noko pile'imo ia da mombau anu Ku palentahkon, da ia mompolele mongkona Aku hi to bansa-bansa sangga'at anu madi' ba'agama Yahudi ka' hi to tomu-tomundo, ka' suele mule' hi mian nu Israel.

ROMA 1:15

Mokonyo aijo' ku indi hondo mompolele Lele Ma'ima' aijo' hi komiu anu suele jojoong i Roma.

ROMA 15:20

Anu ku kahanda'i aijo'mo mompolele Lele Ma'ima' anu lengkat mae hi Tumpu i tampat-tampat iya na anu ma'isa nohongo mongkona i Kristus. Kalana aku madi' mongka'oho' mombau kalaja opotinjo i mesen anu binau nu mian sangga'at.

EFESUS 2:17

Mokonyo aijo' i Kristus tinokamo nompolele Lele Ma'ima' mongkona paladamean aijo' hi komiu; mau misa' hi komiu mian nu Yahudi anu naipuan mae majo'on hi Tumpu, maumo hi mian nu Yahudi anu ohani hi Tumpu.

EFESUS 3:8

Iwi-iwi' na mian anu palesayamo hi Tumpu, akumo na anu talalo madi' ko angga'nyo. Panyo Tumpu nombee'imo aku balakat aiya: kalaja da mompolele hi to mia-mian anu misa' Yahudi Lele Ma'ima' mongkona kakaya'an i Kristus anu madi' ko kamingkotannyo;

EFESUS 6:15

Tionyo ahi' halala' na mompolele Lele Ma'ima' anu momboa ka'ima'an timbali bau sapatu miu.

1 PETRUS 1:12

Hi to nabi-nabi haha aijo' Tumpu nompoto'imo tukoonyo apaa na anu nubau nu aha misa' bau kapentingan nu aha, panyo bau kapentingan nu belemiu; atina'mo hahan anu tempo' uuka aiya i hongomo komiu mana-manasa hi to mia-mian anu nompolelemo Lele Ma'ima' mongkona i Yesus Kristus. Aha nomposumbu' hahan aijo' hi belemiu kalana kuasa nu Roh nu Tumpu anu sinai-Nyo mae lengkat i suluga'. To mala-malaikat pe'e mongkahanda'i suele da monsumbu' lele anu nu polele nu aha aijo'.