ROMA 1:5 - KITAB NU TUMPU ALLA LELE MA'IMAI'

⁵ Kalana Ia sahingga Tumpu nombee'imo belengku balakat timbali rasul, da aku – mongangga'i Kristus – molaya' to mia-mian lengkat i songko-songko na bansa da palesaya ka' mohongo-hongo.

ROMA 1:5 ပူးပေါင်းရင်းမြစ်များ

MALEAKHI 1:11

Aku o adati nu mian iwi-iwi' isongko-songko na dunia. Iyayamae kamangian opapui salaku bau pongadati sanggong-Ku ka' osombahkon suele na koloban-koloban anu memang ahi' pantas, kalana iwi-iwi' na bansa mongadati mae Aku!

MALEAKHI 1:14

Mohumpak kutuk na anu topo akali anu mompalasombahkon hi beleng-Ku binatang anu madi'mo mingkaliangan de memang ahi' hi aha aijo' daagi ko potuu'onnyo anu jinanji'nyomo binatang anu ma'ima na osombahkon hi beleng-Ku! Kalana Akumo na Tomundo' anu Talasanggo ka' mule' o adati nu iwi-iwi' na bansa.”

YOHANES 1:16

Ia saja' mongkalibosi; madi' ko kamingkotannyo, Ia mombalakati kita.

SISIKON NU TO RASUL-RASUL 15:14

I Simon sala'je nontalangkan mosia na Tumpu momona-Nyo nompotoa, palahatian-Nyo hi to mia-mian anu misa' Yahudi, ko kahanda' mompile'i to mia-mian anu aijo' hi aha sangga'at da timbali mian anu palesayamo hi Ia.

SISIKON NU TO RASUL-RASUL 6:7

Sumo aitumo na lele lengkat hi Tumpu nompaka togilelemo ka' anu saja' mombatuki Yesus i Yerusalem nompaka da'isanmo. Ka' da'isan mule' na to ima-imam anu pinalesayamo hi Yesus.

SISIKON NU TO RASUL-RASUL 9:15

Panyo kita Tumpu notatae hi Ananias, “Lako'mo! Kalana Aku noko pile'imo ia da mombau anu Ku palentahkon, da ia mompolele mongkona Aku hi to bansa-bansa sangga'at anu madi' ba'agama Yahudi ka' hi to tomu-tomundo, ka' suele mule' hi mian nu Israel.

ROMA 12:3

Tumpu nombee'imo balakat hi belengku. Mokonyo aijo' aku mompokinde'i to Utu-utus iwi-iwi': Boli mongoa'i butong lebe matangkas molingkuduimo anu sahondo-hondonyo. Ola ahi' butong miu na otutugi ka' boli kobubuun; toto samian montoa butongnyo iya na anu opoko ala obau anu binee'mo nu Tumpu hi ia, kalana ia pinalesayamo hi Yesus.

ROMA 16:26

Panyo uuka aiya, kalana palentah nu Tumpu anu madi' ko kamingkotannyo, tanga'an aijo' pinonyata'mo ka' binebakonmo hi iwi-iwi' na bansa, han aijo' tinoa hi anu tinulismo nu to nabi-nabi, da aha iwi-iwi' palesaya ka' mohongo-hongo hi Tumpu Allah.

ROMA 3:29

Kabai o, Tumpu aijo' ola Tumpu nu mian Yahudi? Te misa' Ia suele Tumpu nu bansa sangga'at? O, memang Ia suele Tumpu nu bansa sangga'at!

1 KORINTUS 15:10

Panyo kalana balakat nu Tumpu aku tinimbalimo susumo tinuu'ku uuka aiya. Ka' madi' pinalasuma na Tumpu nongampunimo aku. Pakalaus aku ahi' na mokalaja lebe makeke molingkudui rasul kanjoo'annyo sangga'at. Panyo sabenannyo aijo' misa' usahangku; aijo' usaha nu Tumpu anu mongkalibosi aku ka' mokalaja hingga-hinggat ka' aku.

1 KORINTUS 9:2

Mau mule' to mia-mian sangga'at madi' mongka'oho' mongakui aku salaku rasul, panyo komiu mau sangki-sangkidingmo mongakui aijo'! Kalana kantumuu'an miu salaku mian Kristen timbalimo sa'angu' na bukuti' taalu' aku rasul.

EFESUS 1:12

Bakas, da kita na momonanyo taha'iman hi Kristus, mompuji' Tumpu kalana Ia talasanggo.

EFESUS 1:6

Puji' na Tumpu anu talalo talasanggo kalana palesaya hi Anak-Nyo anu nu nukanonongi hondo, Ia suele nongkalibosimo hondo kita.

IBRANI 5:9

Sahingga salatan Ia pinotimbalimo anu momposalamat totu-totu'u, Ia tinimbalimo pinolengkatan nu kasalamatan anu sampe toka sidu-sidutu' kona hi iwi-iwi'na mian anu tulu-tulutan hi Ia,