ROMA 1:29 - KITAB NU TUMPU ALLA LELE MA'IMAI'

²⁹ Kinyonyoa nu aha nobuke'mo nu anu toto ma'i-ma'idek, anu madi' totu'u; nobuke'mo nu mangoa, kabusikan tiba saja' mongoa'i singgi; nobuke'mo nu kahanda' mompai patei, mahantuda', mongakali tiba mongingu. Aha mongka'ima'i solaa' monsisik mian sangga'at,

ROMA 1:29 ပူးပေါင်းရင်းမြစ်များ

MAZMUR 41:7

To mia-mian anu toka mae montoa aku, madi' hodi'na kinyonyoa nu aha. Aha sola' mongala lele anu ma'idek apaa na anu jinadimo aiya i butongku, lantas sola'mo nu leangakon nu aha iyaya mae.

AMSAL 16:28

Mian anu madi' adin monsaduakon painggagan; anu momboa-boa sisik ma'idek hi sangalu mongga'atakon sampo bela' anu mompahakona hondo.

AMSAL 26:20

De kau' mingkotmo, matemo na apu; de madi'mo ko anu lewa-lewa' monsisik lahasia, madi'mo suele daagi ko painggagan.

MATIUS 5:32

Panyo uuka Aku motatae hi beleyum: De ihe na mongga'atakon bengkele'nyo, padahan boune aijo' madi' noteeba', monsaduakon bengkele'nyo aijo' masala', de bengkele'nyo mo'osoa mule'. Ka' ihe na mo'osoa tiba boune anu gina'atakon aijo' suele masala'.”

ROMA 3:10

Sumo anu tinulis i uno nu Kitab nu Tumpu, “Madi' ko samian pe'e na anu totu'u,

2 KORINTUS 12:20

Aku bata-bata de aku mamba molenga saidi' mae, ku tokai na komiu madi' sumo anu tinahaimanankumo. Boli-boli saidi' mae daagi' ko anu mahantuda', anu sumpu, anu buhingison, anu mompentingkan kapalaluan nu posi butong, anu ola lewa' mompobau-bau, anu ola monsale'i da mombau gau' ma'idek, anu ola kobubuun, ka' anu ola momposubali pikilan.

1 TIMOTIUS 3:11

Bengkele' nu aha suele tionyo ahi' mian anu tobos, misa' mian anu mongka'ima'i lewa' mombebakon sisik anu madi' totu'u. Aha tionyo monsumbu' boli mahasisikon ka' jujun i uno nu han iwi-iwi'.

TITUS 3:3

Kalana naipuan mae kita suele ponga', sala' na jalan, ka' madi' tulu-tulutan. Kita binotuananmo nu ngangahan na napisu tiba anu o ka'ima'i; kita tumuu' ko makisut ma'idek ka' madi' sanang hi sangalu, tiba mule' mompaha ka'i-ka'ideki.