ROMA 1:28 - KITAB NU TUMPU ALLA LELE MA'IMAI'

²⁸ Kalana mian madi'mo mongoa'i palalu monsumbu' Tumpu Allah, sahingga Tumpu mompojohok pikilan nu aha da timbali ma'idek, sahingga aha mombau hahan anu madi' timbali nubau nu aha.

ROMA 1:28 ပူးပေါင်းရင်းမြစ်များ

KAJADIAN 6:5

Tinoa nu Tumpu ma'idek hondo na kalakuan nu to mia-mian i dunia; iwi-iwi' na pikilan nu aha aijo' saja' ma'idek.

2 SAMUEL 22:27

Kakona hi mian anu Nu poto'i na butong nu Belento susi' panyo mian anu mombau anu ma'idek na oka'ideki ahi' nu Belento.

MAZMUR 69:27

Kalana aha nosakisamo mian anu ihukumo nu Belento, ka' lewa'mo nombisalakon to mia-mian anu sinakisamo nu Belento.

AMSAL 1:22

“O to mia-mian anu panggaga! Sampe toka hipian na kopinnyo na belemiu me saja' sumo aijo'. Hipianje na tempo'nyo belemiu madi'mo montee ilimu' ka' montulutimo pangajalan?

AMSAL 1:29

Belemiu sumomo mian anu madi' toho' nongka' ima'i da mohumpak ilimu' ka' madi' montuluti Tumpu.

AMSAL 1:7

Da mohumpak ilimu' anu sahondo-hondonyo momonanyo mian tionyo ahi' mongadati ka' mabuhuk hi Tumpu. Mian anu ponga' madi' mongangga'i kapandean bapikin ka' madi' mongka'oho' opogulu'.

AMSAL 17:16

Palasuma na mian anu ponga' mompomingkot doi da molio kapandean bapikin; kalana ia madi' ko pikilan anu ma'ima'.

YEREMIA 4:22

Tumpu notatae, “Ponga' hondo na mian anu palesayamo hi beleng-Ku aijo' aha madi'mo nonsumbu' Aku. Aha sumomo ahi' to ana-anak anu mabongon hondo madi' ahi' ko anu nupisumbu-sumbu' maumo ola sangkiding. Pinandemo hondo ipalabuatan anu ma'idek, ka' madi'mo nonsumbu' palabuatan anu ma'ima'.”

YEREMIA 6:30

Aha osanggohimo salaka anu o alinmo kalana Aku, Tumpu, nongalinmo aha.”

YEHEZKIEL 14:5

Iwi-iwi' na pilogot haha aijo' nompojo'onmo mian anu palesayamo hi beleng-Ku da madi'mo ingohani mae hi beleng-Ku, panyo o'amalakon da kalana pontaami aijo' mian anu palesayamo hi belengku po ule'mo mae toka hi beleng-Ku.’

YEHEZKIEL 20:25

Lapas aijo' binee'-Kumo hi aha na atulan-Ku iwi-iwi' anu madi' ma'ima' tiba iwi-iwi na palentah-ngKu anu madi' mombee'i kantumuu'an.

HOSEA 4:6

Belemiu to imam-imam, madi' mongadati Aku, sahingga mian-Ku anu palesayamo suele madi'mo mongadati Aku, sahingga aha nohumpakmo balaa'. Belemiu madi'mo montalima to aja-ajalan-Ku. Jadi Aku suele madi'mo montalima belemiu ka' to ana-anak nu belemiu madi'mo Ku talima salaa-Ku to imam-imam-Ku.

SISIKON NU TO RASUL-RASUL 17:23

Kalana tempo'nyo aku kinolalajang nonsongkohi kota miu ka' mompalahatikan tampat-tampat ponsombaan miu, aku nontoa mule' sa'angu' na tampat ponsombahkonan koloban; i tampat aijo' tinulis, ‘Toka hi Tumpu Anu Madi' Osumbu'.’ Jadi, Tumpu Allah anu osombah miu, panyo madi' osumbu' miu, Iamo na anu ku polele hi komiu.

SISIKON NU TO RASUL-RASUL 17:32

Salatan to mia-mian aijo' nohongo mongkona anu natemo po'ule' tinumuu', daagi' ko anu lengkat aijo' hi aha nongkokojoimo i Paulus. Daagi' mule' ko anu notatae, “Kami ka'oho' mohongo kita Utus motatae mule' mongkona han uuka.”

ROMA 1:18

Lengkat mae i suluga' Tumpu nompotoamo tambuha'-Nyo hi iwi-iwi' na dosa' tiba ka'idekan nu mian, kalana ka'idekan mongompo' mian da madi' monsumbu' pokinde' anu totu'u mongkona Tumpu.

ROMA 1:21

Mian monsumbu' Tumpu, panyo mian madi' mongadati Ia salaku Tumpu ka' madi' mule' montalima kaseh hi Ia. Ola mule' ahi' mian mompotutugakon anu mamisa-misa'; kinyonyoa nu aha pinintungmo.

ROMA 1:24

Mokonyo aitu Tumpu nompojohokmo aha nukuasai nu anu okamilui nu kinyonyoa nu aha da mombau anu mahenyu, sahingga aha mombau anu to ide-idek kona hi sangko mian.

ROMA 1:26

Kalana mian nombaumo anu sumo aijo', sahingga Tumpu Allah nompojohokmo aha mombatuki napisu nu aha anu moko ambang. To boboune nu aha madi'mo mongka'ima'i to momo'ane nu aha susumo ahi' biasanyo hi mian, panyo mongka'ima'imo bubuu' sangko boune.

1 KORINTUS 15:34

Sinumbu'mo uuka aiya, ka' bolimo mombau dosa'. Sabenannyo pa'a-pa'ambangmo ahi' na komiu, kalana itina' hi komiu daagi' ko anu ma'isa nonsumbu' Tumpu.

2 KORINTUS 10:5

ka' montumpak to bente-benteng nu kasombongan anu opotinjo bau pongewa kapandean da osumbu' na Tumpu. Ihungku'anmo mami na pikilan nu to mia-mian, ka' mompotimbalimo aha tinundu'mo hi Kristus.

EFESUS 5:4

Madi' mule' pantas hi komiu montaloakon potatae anu mahenyu, anu masala' ka' anu madi' mingkona. Ola ahi' komiu maunyo montalima kase hi Tumpu.

2 TESALONIKA 1:8

ka' ko apunyo anu balea-leak. Ia mintau' da mohukum to mia-mian anu madi' mompajuli Tumpu, ka' anu madi' ka'oho' tumuu' sosok tiba Lele Ma'ima' mongkona i Yesus Tumpunto.

2 TIMOTIUS 3:8

Susumo i Yanes ka' i Yambres nongewa' i Musa naipuan mae, sumo aitu mule' na mian haha aijo' mombahakon ajalan anu lengkat mae hi Tumpu. Pikilan nu aha na'idekanmo, ka' palesaya nu aha madi'mo nintuus.

TITUS 1:16

Aha notatae, tukoonyo aha monsumbu' nu Tumpu, padahan palabuatan nu aha madi' totu'u. Aha monsaduakon da mongkahumimi'i ka' madi' mongka'oho' tulu-tulutan; aha aijo'mo na to mia-mian anu madi' moko ala mombau apa-apaa na anu ma'ima'.

FILEMON 1:8

Mokonyo aijo', salaku mian anu moto utus anu sa'a-sa'angu' na kapalesaya'an, aku timbali ahi' mompalentah kita Utus da mombau apaa na anu tionyo obau nu kita Utus.

2 PETRUS 3:5

Aha memang madi' mongka'oho' mongakui tempo'nyo naipuan mae Tumpu nompodaagi'mo langit ka' tano' ola kalana kuasa nu potatae-Nyo. Tano', uee na pinolengkatan-Nyo, ka' tiba uee;