ROMA 1:25 - KITAB NU TUMPU ALLA LELE MA'IMAI'

²⁵ Tumpu anu totu'u, nubalosi nu aha tiba tulu-tulumo anu madi' totu'u. Misa' anu Nompotimbali, panyo anu pinotimbali, aijo'mo na nusombah ka' nupalesaya nu aha. Padahan ahi' anu Nompotimbali na tionyo o puji' sidu-sidutu'! Amin.

ROMA 1:25 ပူးပေါင်းရင်းမြစ်များ

MAZMUR 72:19

Opuji' na sanggo-Nyo anu talasanggo sampe toka sidu-sidutu'; o'amalakon da songko-songko na dunia mobuke nu anu mompotalasanggo Ia! Jadimo mae sumo uuka, Amin!

YESAYA 44:20

Mian anu nombau aijo' pokakanamo nongkaan abu'. Mian aijo' pinoponga'mo nu pikilannyo pipinonga'mo sahingga ia susa'mo na daagi otulungi. Ia madi'mo daagi' moko ala mongakui saba' patong anu aijo' ilimanyo samata-mata ola ahi' mongakali.

YEREMIA 13:25

Sumo aijo'mo na uki' nu belemiu anu tinantukan-Kumo kalana belemiu nongkolilimimo mae Aku, ka' pinalesayamo hi to pilo-pilot anu madi' totu'u.

YEREMIA 16:19

O Tumpu, Belentomo na nonjagaimo mae aku ka' nombee'imo mae kahosonan hi belengku; Belento nontulungimo mae aku tempo'nyo i uno nu kasusa'an. To bansa-bansa lengkat mae ipuus nu tano' tokamo mae hi Belento ka' motatae, “Mompolee' mami daagi' ko pilogot anu madi' totu'u ka' madi' ahi' hondo-hondo kokaliangannyo.

AMOS 2:4

Tumpu notatae, “Mian nu Yehuda saja'mo nombau dosa' pa' pimpianmo, kalana aijo' Aku tionyo mohukumo aha. Aha madi'mo nombatuki to pale-palentah-ngKu ka madi'mo nohongo-hongo to aja-ajalan-Ku. Aha sinala'anmo nu to tomi-tominuat sangga'at anu nusombah nu mompolee' nu aha.

HABAKUK 2:18

Kinutukan nabeleyum! Beleyum notataemo hi sangkolong na kau', “Pobulamo!” kabai hi batu anu daka' hondo, “Tinjomo!” Te moko ala na patong sa'angu' montaeakon apa-apaa hi beleyum? Maumo patong aijo' ilapisan nu mosoni' tiba salaka, panyo madi' ahi' ko nyawanyo. Apaa na gunanyo patong nu pilogot? Aijo' ola manusia na nombau. Anu nu humpak hi ia ola ahi' anu madi' totu'u. Ola palasuma na kapalesaya'an nu mian anu mombau bapilogotan anu pinosi bau nu limanyo anu madi' moko ala motatae aijo'.

MATIUS 10:37

Mian anu mongkalibosi tumanyo kabai tinanyo molingkudui Aku, madi' pantas timbali anu mombatuki Aku. Sumo aitu mule' na mian anu mongkalibosi anaknyo mo'ane kabai boune, molingkudui Aku.

MATIUS 6:24

“Madi' ko samian pe'e timbali mokalaja hi ohua' na tuan. Kalana ia lebe mongkalibosi samian molingkudui anu sangga'at. Kabai ia lebe mohongo-hongo hi tuan samian molingkudui sangga'at. Sumo aitu suele na komiu. Komiu madi' timbali mokalaja bau kapentingan nu Tumpu ka' bau kapentingan suele i halata'.

YOHANES 2:8

Lantas i Yesus notatae hi aha, “Uuka ala na uee atina' sangkiding ka' boa hi tumpu nu bau-bauon.” Aha nomboa uee aijo' hi tumpu nu bau-bauon.

ROMA 1:18

Lengkat mae i suluga' Tumpu nompotoamo tambuha'-Nyo hi iwi-iwi' na dosa' tiba ka'idekan nu mian, kalana ka'idekan mongompo' mian da madi' monsumbu' pokinde' anu totu'u mongkona Tumpu.

ROMA 1:23

Misa' Tumpu anu sampe toka sidu-sidutu' na anu osombah nu aha, panyo patong-patong anu montiho to bina-binatang anu timbali mate; aijo'mo mian, tomonsi, binatang anu ko tengkenyo opat, ka' binatang anu jumolo.

ROMA 9:5

Aha ilee'akon nu mompolee'to. I Kristus salaku mian nolengkat mae i bansa nu aha. Ia na lebee i bawo molingkudui iwi-iwi' aijo'. O puji' na Tumpu toka sidu-sidutu'! Amin.

2 KORINTUS 11:31

Tumpu Tuuma i Tumpu Yesus monsumbu' saba' aku madi' baleko'. Puji' na sanggo-Nyo sampe toka sidu-sidutu'.

EFESUS 3:21

Tionyo ahi' Tumpu saja' opopodaka' molapi-lapis na tulunan i uno nu jama'at, montului i Kristus Yesus. Puji' na Tumpu sampe toka sidu-sidutu'! Amin.

1 TESALONIKA 1:9

Iwi-iwi' na mian aijo' notatae mongkona mosia na komiu nontalima kami, tempo'nyo kami u'utu mae tinokamo hi komiu. Aha notatae mongkona mosia na komiu nompala'imo to pilo-pilogot ka' tinokamo samata-mata hi Tumpu anu tumuu' da palesaya hi Ia.

1 TIMOTIUS 1:11

Ajalan aijo' daagi' i uno nu Lele Ma'ima' ka' anu mompolele pinalesayakonmo hi belengku, aijo'mo Lele Ma'ima' lengkat mae hi Tumpu anu opopodaka' ka' anu patut o puji'.

1 TIMOTIUS 1:17

Tumpu, Tomundo sampe toka sidu-sidutu', tionyo o'angga'i ka' saja' o puji', kalana Iamo na anu tumuu' sampe toka sidu-sidutu' anu madi' otoa ka' ola sa'a-sa'angu'nyomo! Amin.

2 TIMOTIUS 3:4

Aha lebe mongka'ima'i mongkabisa'i, mohangka-hangkat posi butong, ka' madi' mimpikilan mantan. Aha lebe ma'ima' mongka'ima'i kasanangan nu dunia, panyo aha madi' montuluti Tumpu.

1 YOHANES 5:20

Osumbu'to saba' Anak nu Tumpu tinokamo ka' nompopangalati'mo kita, da kita monsumbu' Tumpu anu totu'u. Kita tumuu' nosa'angu'mo tiba Tumpu anu totu'u, ka' tumuu' mosa'angu'mo tiba Anak-Nyo i Yesus Kristus. Aiyamo na Tumpu anu totu'u, ka' aiyamo na kantumuu'an anu kopian ka' sampe toka sidu-sidutu'.