ROMA 1:21 - KITAB NU TUMPU ALLA LELE MA'IMAI'

²¹ Mian monsumbu' Tumpu, panyo mian madi' mongadati Ia salaku Tumpu ka' madi' mule' montalima kaseh hi Ia. Ola mule' ahi' mian mompotutugakon anu mamisa-misa'; kinyonyoa nu aha pinintungmo.

ROMA 1:21 ပူးပေါင်းရင်းမြစ်များ

KAJADIAN 6:5

Tinoa nu Tumpu ma'idek hondo na kalakuan nu to mia-mian i dunia; iwi-iwi' na pikilan nu aha aijo' saja' ma'idek.

KAJADIAN 8:21

Hongohisnyo nu koloban anu sinombahkonmo aijo' nomposanangmo kinyonyoa nu Tumpu, sahingga Ia notataemo i uno nu kinyonyoa-Nyo, “Aku madi'mo daagi' mongkutuki dunia aiya kalana palabuatan nu manusia; Ku sumbu' saba' aha daagi' pe'e tempo'nyo ma'isa motu'a, pikilan nu manusia aijo' ma'idek. Aku madi'mo daagi' monsilakai iwi-iwi' apaa na anu ko nyawanyo, susumo anu sala'je binaung-Ku aiya.

1 TOMU-TOMUNDO' 20:23

Suludadu i Tomundo' Benhadad anu toto tangka-tangkas na pangkatnyo nompoto'imo hi Benhadad, “To pilo-pilogot anu nu sombah nu bansa Israel balakuasa' aita' mae i bungkutnyo, mokonyo' aijo' kita pinatundu'mo nu bansa aijo'. Panyo' timbali opoko hungku'into na aha de kita mahampate i hatanyo.

2 TOMU-TOMUNDO' 17:15

Israel ka' Yehuda madi' mongka'oho' montuluti iwi-iwi' na palentah nu Tumpu ka' madi' montuluti palajanjian anu binauNyomo tiba mompolee' nu aha. Aha madi' montapali to poki-pokinde'Nyo, panyo ola ahi' monsombah to pilo-pilogot anu madi' ko gunanyo, sahingga aha suele madi'mo ko gunanyo. Aha nombatukimo sonto' apaa na anu nu bau nu to bansa-bansa anu mompaha ohani aha, mau mule' Tumpu nontewa'mo.

MAZMUR 50:23

Mian anu monsombahkon bau pontalima kaseh salaku bau kolobannyo, ia aijo' na moholomati Aku; ka' mian anu momposadiai jalan da kajalanan-Ku Ku potiju'je hi ia na kasalamatan anu lengkat aiya hi beleng-Ku.”

MAZMUR 81:12

Panyo mian anu palesayamo hi belengku, madi'mo mohongo-hongo aku. Israel madi'mo tinulu-tulutan hi belengku.

MAZMUR 86:9

Iwi-iwi' na bansa anu pinotimbalimo nu Belento saidi' mae, tokamo o Tumpu kahanda' monsombah Belento ka' mompuji' Belento anu talasanggo aijo'.

ANU MOMPOLELE POTATAE NU TUMPU 7:29

Ola aiya na anu i humpaku: Tumpu nompojadimo kita, sinaimbangganmo ahi' na kino ima'nyo. Panyo posi kitamo ahi' na nombau kasusa'an ibutongto ka' palabuatan anu minggeo-geo'.

YESAYA 60:2

Dunia sinongkohanmo nu pikat to bansa-bansa sinaputmo nu pintung panyo jingka nu Tumpu binete'mo atina' hi belemiu; sahaya nu kinahampean-Nyo onyata'mo atina' hi belemiu.

YEREMIA 16:19

O Tumpu, Belentomo na nonjagaimo mae aku ka' nombee'imo mae kahosonan hi belengku; Belento nontulungimo mae aku tempo'nyo i uno nu kasusa'an. To bansa-bansa lengkat mae ipuus nu tano' tokamo mae hi Belento ka' motatae, “Mompolee' mami daagi' ko pilogot anu madi' totu'u ka' madi' ahi' hondo-hondo kokaliangannyo.

YEREMIA 17:9

Kinyonyoa nu manusia na madi' ahi' opoko ala osumbu-sumbu' pande hondo, nu lingkudui na sinin na apaa ka' talalo ahi' tadok na belanyo.

YEREMIA 2:5

Tumpu notatae, “Kasala'an apaa na anu tinoa nu mompolee' nu belemiu hi beleng-Ku, sahingga aha pinalagantamo mae hi beleng-Ku? Aha pagala nolio pilogot anu madi' ko angga'nyo ka' ahennyo posi ahamo ahi' na na ambang.

YEREMIA 9:14

Aha pinanggagamo ka' nonsombahmo to pilo-pilogot Baal susumo anu pinogulu'mo nu mompolee' nu aha.

YEHEZKIEL 14:5

Iwi-iwi' na pilogot haha aijo' nompojo'onmo mian anu palesayamo hi beleng-Ku da madi'mo ingohani mae hi beleng-Ku, panyo o'amalakon da kalana pontaami aijo' mian anu palesayamo hi belengku po ule'mo mae toka hi beleng-Ku.’

YEHEZKIEL 20:25

Lapas aijo' binee'-Kumo hi aha na atulan-Ku iwi-iwi' anu madi' ma'ima' tiba iwi-iwi na palentah-ngKu anu madi' mombee'i kantumuu'an.

HOSEA 2:8

Tina nu beleyum madi' toho' mompototu'u saba' Akumo na anu nombee'i ia gandum, anggur, lanya' nu zaitun ka' iwi-iwi na mosoni', salaka, anu pinakenyo nonsombah Baal aijo'.

YOHANES 3:19

Ia otuntut kalana han aiya: Jingka aijo' tinokamo i dunia, panyo mian madi' mongka'ima'i jingka, ola lebe mongka'ima'i pintung kalana apaa na anu nubau nu aha ma'idek.

SISIKON NU TO RASUL-RASUL 26:18

da aha mosabat lengkat i kapintungan ka' minsoop i uno nu jingka; da aha molapas i ponggodaan nu Ibilis, lantas nu kuasaimo nu Tumpu. Kalana palesaya hi beleng-Ku to dosa-dosa' nu aha o ampunimo ka' aha timbalimo mian anu palesayamo hi Tumpu, anu pinile'anmo na aha.’ ”

ROMA 1:19

Apaa na anu nupoko ala nu sumbu' nu mian mongkona Tumpu, i nanasamo i uno nu kinyonyoa nu mian, kalana Tumpu na nomponyata'mo aijo' hi mian.

ROMA 1:28

Kalana mian madi'mo mongoa'i palalu monsumbu' Tumpu Allah, sahingga Tumpu mompojohok pikilan nu aha da timbali ma'idek, sahingga aha mombau hahan anu madi' timbali nubau nu aha.

ROMA 11:10

Bakas da anu nutoa nu aha timbali pintung da aha madi' moko ala montoa; ka' pojohok na aha da timbali tadungkung sampe toka sidu-sidutu'.”

ROMA 15:9

I Yesus suele nompotimbalimo to bansa-bansa sangga'at nompopodaka' Tumpu, kalana ka'ima'an nu kinyonyoa-Nyo hi aha. I uno nu Kitab nu Tumpu tinulismo sumo uuka, “Mokonyo aijo' aku mompuji'mo Kita Tumpu aijo' hi aha to bansa-bansa, aku monyanyije pompuji' sanggon-To.”

PO'ULE' INGULIT 28:29

Sonsu'un na sinaa belemiu me lewa' mahakanyangan susumo mian anu napisokmo, panyo madi' mohumpak jalan. Iwi-iwi' na anu obau nu belemiu madi'mo ko anu timbali. Belemiu me saja' osansalai ka' obulingi, ka' madi' ko anu montulungi belemiu.

2 TIMOTIUS 3:2

Mian mosi pentingkanmo butongnyo, me saja' mongkamata doi, kobubuun ka' mongka'ima'i sisik anu madi' kogunanyo. Aha mongka'ima'i mompopo'ise' mian, panggaga hi tuumanyo, madi' monsumbu' montalima kase ka' mongka'ideki hahan rohani.

1 PETRUS 1:18

Osumbu' nu belemiu apaa na anu binayanakonmo da bau pompobebas belemiu i kantumuu'an anu madi' ko angga'nyo anu pinotatu-tatusakonmo nu mompolee' miu. Pinombayannyo misa' pa' apaa anu timbali ma'idek sumo salaka kabai mosoni',

1 PETRUS 2:9

Panyo belemiu bansa anu pinile'anmo, to ima-imam anu mohongo ka' mombau palentah nu tomundo, bansa anu susi' matungka' bau kapentingan nu Tumpu, mian anu nu Tumpu. Tumpu Allah nompile'imo belemiu ka' nolagamo belemiu nosabat mompala'i mae kapintungan da minsoop i uno nu jingka-Nyo anu lonyingkaban, kahanda'nyo da belemiu mombebakon lele mongkona apa-apaa na anu binau-Nyomo anu madi' opoko lingkudui.

ANU PINOTO'I HI YOHANES 14:7

Malaikat aijo' notatae daka-daka', “Pabuhukmo hi Tumpu Allah ka' o puji' na katalasanggoan-Nyo! Kalana tempo'nyomo na Tumpu momputusimo mian. O sombah na Ia anu nompotimbalimo langit, tano', ambai ka' iwi-iwi' na mata nu uee!”

ANU PINOTO'I HI YOHANES 15:4

Ihe na anu madi' mabuhuk hi Kita Tumpu? Te ihe na madi' mongka'oho' mompolele katalasanggoan-To! Olamo Kita na anu susi'. Iwi-iwi' na bansa tokaje mae monsombah Belento kalana apa-apaa na anu binaumo nu Belento mian iwi-iwi' nontoamo.”