ROMA 1:20 - KITAB NU TUMPU ALLA LELE MA'IMAI'

²⁰ Salatanmo pe'e Tumpu nompotimbali dunia, pikilan nu Tumpu anu madi' otoa-toa, aijo'mo salaku tandanyo Ia aijo' Tumpu tiba kuasa-Nyo anu sampe toka sidu-sidutu', timbalimo nu sumbu' nu mian de montoamo iwi-iwi' apaa na anu pinotimbali-Nyomo. Jadi mian madi' hondo-hondo ko pintoongan da mompototu'u butongnyo.

ROMA 1:20 ပူးပေါင်းရင်းမြစ်များ

KAJADIAN 1:1

Momonanyo, salatan Tumpu nontampu'unimo nompotimbali songko-songko na dunia,

KAJADIAN 21:33

Lantas i Abraham nonsu'anmo sangkau na kau' tamariska kiijo' i Bersyeba ka' mulai tempo'nyo aijo' tampat aijo' binaumo ponsomban Tumpu, Tumpu Allah anu sampe toka sidu-sidutu'.

AYUB 12:7

Pokilawa hi tomonsi' ka' hi binatang sangga'at sahingga belemiu nubee'i pokinde' nu aha.

MAZMUR 104:31

O' amalakon da Tumpu anu talasanggo aijo' tataap sabole-boleh sampe toka sidu-sidutu'! O' amalakon da ia saja' lame' hi anu pinotimbalinyomo!

MAZMUR 104:5

Dunia binaumo hoso-hoson nu Belento i tampat anu pinaningkoannyo, sahingga madi'mo gayu'an sampe toka sidu-sidutu'.

MAZMUR 119:90

Kanonongan nu Belento madi' ko ka'ahenannyo sidu-sidutu', Belento na nompotinjo tano' sahingga sabole-boleh daagi'.

MAZMUR 139:13

Belento na nompotimbali toto sa'angu' na bagian nu butongku, ka' nontali'mo aku i uno nu ma'alum nu tinangku.

MAZMUR 8:3

onyanyiakon nu to ana-anak ka' to bunga-bunga mea'. Belento mompalentah sinukupmo hondo madi'mo opoko ala opoposia sahingga nganga' nu mian anu monsampobali' mae ka' mongewa madi'mo noko ala notatae.

MAZMUR 90:2

Ma'isa pe'e bungkutnyo iwi-iwi' pinotimbali, ma'isa pe'e tano' ka' dunia tinali' nu Belento, Belentomo na Tumpu anu sampe toka sidu-sidutu', madi' ko katampu'unannyo ka' madi' ko ka'ahenannyo.

YESAYA 26:4

Saja' ahi' sabole-boleh palesaya hi Tumpu, kalana Tumpu saja' monjagai mae kita.

YESAYA 40:26

Sinda mokiita' ilangit ka' soba palahatikan! Ihe na nompotimbalimo iwi-iwi na mandala'? Ia na anu nongatunmo aha susumo gombuan nu suludadu, Nu sumbu' na konjoo'nyo nu aha iwi-iwi' ka' molaga totosamian sanggo nu aha. Madi' ko samian pe'e na nolapus, kalana kakuasa'an nu Tumpu daka' hondo.

YESAYA 9:6

Ia mompalentah salaku tomundo' lee' mae i Daud, kakuasa'annyo daka' hondo. Lipu'nyo saja'mo dame ka' mohumpakmo kantumuu'an ma'ima'; pamalentahannyo montoongi atulan tiba ka'adilan mulai uuka aiya sampe toka sidu-sidutu'. Tumpu Anu Daka' na Kuasanyo na tionyo mombau aijo'.

YEREMIA 5:21

“Potombihing mae, o belemiu mian anu ponga' ahi taha-tahahumo! Belemiu ko mata panyo madi' montoa, ko bihing panyo madi' mohongo!

YEREMIA 51:15

Tumpu nompotimbalimo tano' nu kuasa-Nyo, ka' nontali'mo dunia nu Kapandean-Nyo ka' nongkokamo langit nu pikilan-Nyo.

MATIUS 5:45

da komiu timbali to ana-anak nu Tuumaum i suluga'. Kalana Tumpu mompobete' batu nu sinaa bau bagi nu mian anu ma'ima' ka' bagi nu mian anu ma'idek. Ia mombee'i ujan hi mian anu mombau ima', ka' hi mian anu mombau idek suele.

MARKUS 10:6

“Panyo i momonanyo, tempo'nyo Tumpu nompotimbalimo mian, tinaloakonnyo tukoonyo, ‘Tumpu nompotimbali aha mo'ane ka' boune.

YOHANES 1:18

Madi' ko anu toho'mo nontoa Tumpu, de misa' anak nu Tuuma anu samba-sambatumo, anu pokakana tiba Tuuma ka' anu mompahakona hondo Ia. Ia na anu momponyata' Tuuma hi kita.

YOHANES 15:22

De Aku madi' tinoka ka' madi' nontaloakon iwi-iwi' aijo' hi aha, aha madi' baladosa'. Panyo uuka aha madi'mo daagi' ko pintoongan molio kahondoan i dosa' nu aha.

SISIKON NU TO RASUL-RASUL 17:29

Jadi, kalana kita to ana-anak-Nyo, kita madi' timbali monsangka Tumpu pokakana sumo patong mosoni' na binau kabai salaka kabai batu anu binau pokakana sumo kapandean nu mian.

SISIKON NU TO RASUL-RASUL 22:1

“To tutuuma ka' to Utu-utus iwi-iwi'! Aku mompotoka kahondoanku hi komiu. Soba potombihing!”

ROMA 1:19

Apaa na anu nupoko ala nu sumbu' nu mian mongkona Tumpu, i nanasamo i uno nu kinyonyoa nu mian, kalana Tumpu na nomponyata'mo aijo' hi mian.

ROMA 16:26

Panyo uuka aiya, kalana palentah nu Tumpu anu madi' ko kamingkotannyo, tanga'an aijo' pinonyata'mo ka' binebakonmo hi iwi-iwi' na bansa, han aijo' tinoa hi anu tinulismo nu to nabi-nabi, da aha iwi-iwi' palesaya ka' mohongo-hongo hi Tumpu Allah.

ROMA 2:1

Mokonyo aijo', to Utu-utus, te ihe na kita Utus sahingga kita Utus mompisala'i mian sangga'at? Kita Utus madi' koko mohumpak apa-apaa de mompototu'u posi butong! Kalana de kita Utus mompisala'i mian sangga'at, yo aitu posi kita Utus suele mombau hia anu sumo hia nu aha, nyata' kita Utus mosi nabu'akonmo hukuman suele hi butong.

ROMA 2:15

Kalakuan nu aha na mompotiju' apaa na anu pinalentakon nu atulan aijo', tuli-tulis i uno nu kinyonyoa nu aha. Kinyonyoa nu aha suele momponyata' hahan aijo', kalana posi aha toto minsan o pisala'i ka' toto minsan opototu'u nu pikilan nu aha.

1 KORINTUS 1:20

Yo, apaa na gunanyo to mia-mian anu pande haha aijo'? Apaa na gunanyo nu aha anu ko ilimu'? Apaa na gunanyo nu aha anu pande bapikin i dunia aiya? Tumpu nompotoamo saba' kapandean nu dunia aiya palasuma samata-mata.

PO'ULE' INGULIT 33:27

Tumpu Allah saja' monjagai belemiu, botokonnyo sampe toka sidu-sidutu' monsakan belemiu. Ia na molaa' sampobali' nu belemiu anu atina' i ahop nu belemiu ka' mompokau belemiu mompatei aha.

PO'ULE' INGULIT 4:19

Boli baladosa' kalana monsombah ka' palesayamo hi apaa na anu otoa nu belemiu i langit: batu nu sinaa, bitu'on ka' to manda-mandala'. Tumpu Allah nu belemiu nompojohokmo bansa haha aijo' sangga'at monsombah balang haha aijo'.

KOLOSE 1:15

I Kristus te gambalan nu butong nu Tumpu anu madi' kantoan; i Kristus te anak anu tumpe, lebe penting molingkudui iwi-iwi' apaa na anu pinotimbalimo.

KOLOSE 2:9

Kalana iwi-iwi' na lupa nu Tumpu daagi'mo hi Kristus, aijo'mo lupanyo anu sumo mian.

1 TIMOTIUS 1:17

Tumpu, Tomundo sampe toka sidu-sidutu', tionyo o'angga'i ka' saja' o puji', kalana Iamo na anu tumuu' sampe toka sidu-sidutu' anu madi' otoa ka' ola sa'a-sa'angu'nyomo! Amin.

1 TIMOTIUS 6:16

Olamo Ia na anu madi' opoko kuasai nu kapatean; Ia tumuu' i uno nu jingka anu madi' opoko ohani maumo pa' ihe. Madi' ko samian pe'e na manusia anu toho'mo nontoa Ia, kabai anu moko ala montoa Ia. Olamo Ia na o'adati, ka' kakuasa'an-Nyo sampe toka sidu-sidutu'! Amin.

IBRANI 11:27

Kalana bala'iman, sahingga i Musa nompala'imo Mesir ka' madi'mo mabuhuk maumo nu tambuha'i nu tomundo'. I Musa nolausakonmo patujunyo sumomo ia nontoamo Tumpu anu madi' otoa-toa.

IBRANI 9:14

Yo, de baso' tiba abu'nyo aijo' moko ala mompobelesi kahenyuan nu to mia-mian, apaa mule' baso' i Kristus. Kalana kuasa nu Roh anu sampe toka sidu-sidutu', i Kristus nonsombahkonmo posi butong-Nyo hi Tumpu salaku koloban anu ma'ima'. Baso'-Nyo mompobelesi kinyonyoanto da bolimo mombau atulan nu agama anu madi' kogunanyo, da kita timbali mombau palentah nu Tumpu anu tumuu'.