ROMA 1:17 - KITAB NU TUMPU ALLA LELE MA'IMAI'

¹⁷ Kalana tiba Lele Ma'ima' aijo', Tumpu nompotiju'mo mosia na bau-baunyo pompahasumbu'an nu mian tiba Tumpu po'ule'mo na'ima'; baunyo aijo'mo palesaya hi Tumpu lengkat pe'e imoonanyo toka-toka i kahimpusannyo. Aijo' pokakana sumo anu tinulismo i uno nu Kitab nu Tumpu, “Mian anu palesayamo hi Tumpu sahingga pompahasumbu'an tiba Tumpu po'ule'mo ma'ima', mian aijo' tionyo tumuu'!”

ROMA 1:17 ပူးပေါင်းရင်းမြစ်များ

YEHEZKIEL 18:9

Ia montuluti hondo palentah-ngKu ka' mule' tulu-tulutan hondo i atulan-Ku. Mian anu sumo aijo' na osanggohi hodi' na kinyonyoanyo ka' tataap tumuu'. Aku, Tumpu Anu matangkas na Kuasanyo notataemo.

HABAKUK 2:4

Ka' o ingat: Mian anu ma'idek na kinyonyoanyo madi' salamat, panyo mian anu mombau pongka'oho' nu Tumpu saidi' mae tumuu' kalana ia tulu-tulutan hi Tumpu.”

NOMBILANGMO 21:9

Sahingga i Musa nombaumo ulo tambaga ka' pinotedangnyomo i sa'angu' na kau' anu gagana mantan. Batu-batu mian anu bunahe'mo nu ulo haha aijo' timbali ma'alin de montoamo ulo tambaga aijo'.

YOHANES 3:36

Mian anu palesaya hi Anak aijo' tionyo mohumpak kantumuu'an talakana' ka' toka sidu-sidutu'. Panyo mian anu madi' montapali Anak aijo', madi' mohumpak kantumuu'an. Ia ohukum nu Tumpu sidu-sidutu'.

ROMA 10:3

Aha madi' monsumbu' jalannyo nu Tumpu mombau pompahasumbu'an nu mian, tiba Ia mompo'ule' ma'ima'. Ka' kalana aha ola mosi bau pongka'oho' nu aha, sahingga aha madi' tundu' i jalan anu nupotiju' nu Tumpu.

ROMA 3:21

Panyo uuka aiya Tumpu nompotiju'mo jalan, mosia na mian mompaha ima' tiba Ia; ka' jalannyo aijo' madi' ko tuusanannyo tiba atulan nu agama Yahudi. Kitab-kitab i Musa tiba kitab-kitab nu to nabi-nabi memang nompoto'imo han aijo',

ROMA 3:22

saba' Tumpu nombaumo da mian timbali mompaha ima' tiba Ia, de mian palesaya hi Yesus Kristus. Tumpu nombau sumo aijo' kona hi iwi-iwi' mian anu palesaya hi Yesus Kristus; kalana madi' oposi posangalasan na samian ka' samian.

ROMA 3:3

Panyo mosia de sambagian na mian nu Yahudi madi' mohongo-hongo? Pa' kalana aijo' sahingga Tumpu madi'mo mongkalibosi aha?

ROMA 9:30

Jadi, kahondoannyo aijo' sumo uuka: To bansa-bansa sangga'at anu misa' Yahudi madi' ko tanga'an da pompahasumbu'an nu aha tiba Tumpu mompo'ule' ma'ima'. Panyo kalana aha palesaya, sahingga Tumpu nombau pompahasumbu'an nu aha tiba Tumpu mompo'ule' ma'ima'.

2 KORINTUS 3:9

De palajanjian anu mohukum mian aijo', sumo aijo'mo na ko lonyingkabannyo, tantu lebe lonyingkaban mule' na palajanjian anu moko ala mompotimbali mian mompo'ule ma'ima' tiba Tumpu Allah.

2 KORINTUS 5:21

I Kristus madi' baladosa', panyo Tumpu nompotimbalimo Ia bau pontokong dosa'to, da kita nompo'ule' na'ima' tiba Tumpu Allah kalana nosa'angu'mo tiba i Kristus.

GALATIA 3:11

Madi' ko samian pe'e na anu mompo'ule' ma'ima' tiba Tumpu Allah ola kalana mompojalan atulan nu agama. Han aijo' pinonyata'mo i uno nu Kitab nu Tumpu, “Ola mian anu palesaya hi Tumpu, sahingga pompahasumbu'annyo tiba Tumpu timbali mompo'ule' ma'ima', atina' yo tumuu'!”

FILIPI 3:9

ka' totu-totu'u mosa'angu'mo tiba Ia. Pompahasumbu'an anu ma'ima' tiba Tumpu, madi'mo daagi' ku posi lio nu jalan montuluti atulan nu agama. Uuka aiya aku kino pompahasumbu'anmo anu ma'ima' tiba Tumpu, kalana aku pinalesayamo hi Kristus. Jadi, pompahasumbu'an anu ma'ima' aijo' tinoka lengkat mae hi Tumpu Allah, ka' mimpu'u kalana palesaya hi Yesus Kristus.

IBRANI 10:38

Ka' mian-Ku anu madi'mo ko sala'nyo palesayamo ka' tumuu'mo; panyo de daagi' ko anu aijo' hi aha na anu tolo sule', tantu Aku madi'mo sanang hi ia.”