ROMA 1:14 - KITAB NU TUMPU ALLA LELE MA'IMAI'

¹⁴ Kalana aijo' aku ko kahanda' mamba i songko-songko na bansa; anu monsumbu'mo atulan tiba anu ma'isa monsumbu' atulan, anu nosikolahmo tiba anu ma'isa nosikolah.

ROMA 1:14 ပူးပေါင်းရင်းမြစ်များ

AMSAL 1:22

“O to mia-mian anu panggaga! Sampe toka hipian na kopinnyo na belemiu me saja' sumo aijo'. Hipianje na tempo'nyo belemiu madi'mo montee ilimu' ka' montulutimo pangajalan?

AMSAL 8:5

Belemiu ma'isa ko anu opisumbu-sumbu', balagulu' pe'e da kopikilan ahi' anu matajom, belemiu anu madi' sampa mangalati' balagulu' pe'e da timbali pande.

YESAYA 35:8

Ikiijo' mae ko jalanmo anu daka', “Jalan anu mompanjolongi kasalamatan” na sanggonyo. Mian anu baladosa' madi' montulu ikiijo', mian anu ponga' madi' mompotalas mian anu montulu ikiijo'.

MATIUS 11:25

Tempo'nyo aitu i Yesus binala do'amo, “Tuuma, Tumpu anu mongkuasai langit ka' tano'! Aku mompoita talima kaseh hi Kita saba' iwi-iwi' aijo' Belento nolahasiakonmo hi to mia-mian anu pande, ka' ko ilimu', panyo Belento nompotiju'akonmo hi to mia-mian anu madi' ko sikolah.

LUKAS 10:21

Tempo'nyo aitu suele, i Yesus binilahimo kalana kinuasanmo nu Roh nu Tumpu. I Yesus notatae, “Tuuma, Tumpu anu mongkuasai langit tiba tano'! Aku montalima kaseh hi Belento kalana iwi-iwi' aijo' pinohowinintomo hi to mia-mian anu pande tiba anu ko ilimu', panyo pinotiju' nu Belento hi to mia-mian anu madi' binalagulu'. Aijo'mo na nomposanang kinyonyoa nu Kita Tuuma.

SISIKON NU TO RASUL-RASUL 22:21

Panyo Tumpu po'ule' notatae hi belengku, ‘Sampamo lako', kalana Aku monsaimo beleyum mamba mokiijo' i tampat anu majo'on hi aha to mia-mian anu misa' Yahudi.’ ”

SISIKON NU TO RASUL-RASUL 28:2

Mian anu monjoongi togong aijo' lame' hondo hi kami. Aha nolabot kami iwi-iwi' ma'ima' hondo ka' nomposuuni apu bau kapalaluan kami, kalana ujan tinudunmo ka' tempo'mo nu bakin.

SISIKON NU TO RASUL-RASUL 28:4

Salatan mian anu monjoongi togong aijo' nontoa ulo kala-kalayo' i lima i Paulus, aha notatae samian ka' samian, “Mian aiya tantu saja' nompatei, kalana maumo ia madi' binahaya i ambai, Pilogot Boune anu Adin madi' mompobee' ia tumuu'.”

SISIKON NU TO RASUL-RASUL 9:15

Panyo kita Tumpu notatae hi Ananias, “Lako'mo! Kalana Aku noko pile'imo ia da mombau anu Ku palentahkon, da ia mompolele mongkona Aku hi to bansa-bansa sangga'at anu madi' ba'agama Yahudi ka' hi to tomu-tomundo, ka' suele mule' hi mian nu Israel.

ROMA 1:22

Aha mongoa'i butong pande, yo aitu aha ponga'.

ROMA 11:25

To Utu-utus! Kupoita da komiu boli mongoa'i au' aitu nonsumbu'mo iwi-iwi'. Kalana daagi' ko sangahan anu nukahanda'i nu Tumpu Allah, panyo anu ma'isa nusumbu' nu mian. Ka' ku kahanda'i da osumbu' miu; aijo'mo: Sambagian mian nu Yahudi panggaga, panyo kalakuan nu aha aijo' ola toka sampe pa'sangkuka na konjoo'nyo nu to mia-mian misa' Yahudi anu toka hi Tumpu aijo' sukupmo.

ROMA 12:16

Tumuu' mompaha kano-kanonongi samian tiba samian. Boli montige-tige na kinyonyoa, panyo obau na butongum susumo mian anu madi' molabi na kantumuu'annyo. Boli mongoa'i butong lebe pande, padahan madi' pande.

ROMA 13:8

Boli basamaya' apa-apaa mau mule' pa' hi he. Boli mompiakon basamaya' nu liibos hi samian ka' samian. Kalana mian anu mongkalibosi sangko mian nontulutimo atulan iwi-iwi' i Musa.

ROMA 16:19

Iwi-iwi' na mian nonsumbu'mo, komiu mohongo-hongo hondo pangajalan mongkona Lele Ma'ima' anu nolengkat mae hi Tumpu. Ka' aku mule' sanang i han anu sumu aijo' hi komiu. Kugagan da komiu pande i hahan anu ma'ima', ka' ponga' i hahan anu ma'idek.

ROMA 8:12

Mokonyo aijo' to Utu-utus, kita tionyo mohongo-hongo apaa na anu o bau; panyo misa' tionyo mombau anu mombatuki sipat nu mian; kita madi' palalu tumuu' mombatuki pongka'oho'nyo.

1 KORINTUS 14:11

Panyo de aku madi' mangalati' i basa' anu tinaloakon nu toto samian, saba' mian anu mompake basa' aijo' pokakanamo mian anu i salipu'an na basisik hi belengku; sumo aitu mule' aku toka hi ia.

1 KORINTUS 14:16

Kalana de kita Utus ola montaloakon talima kase hi Tumpu Allah nu kinyonyoa, ka' daagi' ko mian sangga'at anu madi' mangalati' i basa' anu okabangangi, anu lengkat mae hi Roh nu Tumpu aijo', saba' mian aijo' madi' moko ala motatae, “Aku setuju” i do'a pontalima kaseum aijo'; kalana ia madi' monsumbu' apaa na anu tinaloakonmo nu kita Utus.

1 KORINTUS 2:13

Kalana aijo' de kami montutuhakon hahan mongkona Tumpu hi to mia-mian anu ko Roh nu Tumpu, kami madi' montutuhakon mombatuki kapandean nu mian, panyo mombatuki pokinde' nu Roh nu Tumpu.

1 KORINTUS 3:18

Boli kosamian pe'e mosi akali butongnyo. De daagi' ko mian itina' hi komiu mongoa'i butongnyo pande sumo kokoonyo nu dunia aiya, mian aijo' tionyo timbali pe'e ponga', da ia totu-totu'u timbali pande.

2 KORINTUS 10:12

Memang ahi' kami madi' baani na momposukatakon kabai montampatakon butong mami pokakana tiba to mia-mian anu mongoa'i butongnyo pande hondo. Ponga' hondo na aha! Aha mosi bau sukatan ka' mosi angga'i butongnyo nu sukatan aijo'.

2 KORINTUS 11:19

Komiu sanang na kinyonyoa monsabaanakon mian anu ponga', kalana komiu mongoa'i butong miu aijo' pande!

KOLOSE 3:11

Salaku kasawe'annyo, aijo'mo iwi-iwi' na anu sangalasan hi mian Yahudi ka' misa' Yahudi, mian basunat ka' mian anu madi' basunat, pinokakanamo mian anu i salipu'an ka' mian anu madi' monsumbu' adat, posaihon ka' mian bebas, kalana iwi-iwi' kiijo'mo hi Kristus, ka' Ia nosa'angu'mo tiba aha iwi-iwi'.

2 TIMOTIUS 2:10

Mokonyo aijo', aku sabaan na montanggung iwi-iwi' aijo' kalana kapentingan nu to mia-mian anu pinile'anmo nu Tumpu, da suele aha mohumpak kasalamatan anu obee' kalana palesayamo hi Kristus Yesus tiba mule' talasanggomo sampe toka sidu-sidutu'.

TITUS 3:3

Kalana naipuan mae kita suele ponga', sala' na jalan, ka' madi' tulu-tulutan. Kita binotuananmo nu ngangahan na napisu tiba anu o ka'ima'i; kita tumuu' ko makisut ma'idek ka' madi' sanang hi sangalu, tiba mule' mompaha ka'i-ka'ideki.