ROMA 1:13 - KITAB NU TUMPU ALLA LELE MA'IMAI'

¹³ To Utu-utusku! Ku indi da osumbu' miu taalu' saja'mo na aku mompai kahanda'i montoa komiu, panyo saja' ko anu monsalempodi. Ku indi da itina' hi komiu suele kalajangku ko hasinnyo susumo kalajangku anu kinohasinnyomo hi to mia-mian anu misa' Yahudi i tampat-tampat sangga'at.

ROMA 1:13 ပူးပေါင်းရင်းမြစ်များ

YESAYA 27:6

Tempo' anu aiya mae o, ahopi, bansa Israel pokakanamo susumo kau' mimbakatmo ka' ko pintu-pintuangnyomo ka' mule' monsongkohimo tano' aiya anu koko buanyo.

YOHANES 12:24

Totu'u hondo na potataeng-Ku aiya: De sambatu na gandum madi' o tugan i uno nu tano' ka' mate, ia tataap samba-sambatunyo. Panyo de batu nu gandum aijo' mate, atina'je ka' mohasinakon manjoo' na gandum.

YOHANES 15:16

Misa' komiu na nompile'i Aku. Aku na nompile'i komiu, ka' nompokau komiu mamba da mimbua' mahampe – bua-bua' anu madi' ko kapa'idekannyo. Sahingga nubee'je i Tuuma hi komiu mau mule' apaa na anu opoita miu hi Ia de mompake sanggong-Ku.

YOHANES 4:36

Mian anu mompadak montampu'unimo montalima tamboonyo, ka' molimu' hasinnyo da bau kantumuu'an anu talakana' sampe toka sidu-sidutu'. Sahingga mian anu montugan tiba mian anu mompadak timbali mongoa'i kasanangan hingga-hinggat.

SISIKON NU TO RASUL-RASUL 1:15

Kinosansinaan aitu, tempo'nyo aha hau-haunyo sinilimu'mo – daagi' kila-kila sa'atu ka' uampulu' na mian anu tinoka – i Petrus tinuminjomo mongka'oho' motatae. Ia notatae,

SISIKON NU TO RASUL-RASUL 14:27

Salatan tinokamo i Antiokhia, aha momposihukmo to mia-mian lengkat i jama'at aijo', lantas nonsisikakonmo iwi-iwi' anu binaumo nu Tumpu anu pinotokakonmo nu aha. Aha suele nonsisikakonmo mosia na Tumpu nombaumo jalan da to mia-mian misa' Yahudi palesayamo hi Yesus.

SISIKON NU TO RASUL-RASUL 15:12

Sahingga nomohokot na iwi-iwi' mian anu balagombu i kiijo'. Lapas aitu aha nompotombihingmo i Barnabas ka' i Paulus po'ule' nonsisik iwi-iwi' anu okabangangi ka' anu ma'isa toho' tinimbali anu binaumo nu Tumpu i uno nu kalaja nu aha kiijo' hi to mia-mian bansa sangga'at anu misa' Yahudi.

SISIKON NU TO RASUL-RASUL 19:21

Salatan haha aiya ilapasmo, i Paulus nompatantumo da mamba mokiijo' i Makedonia ka' i Akhaya, lantas lausmo mokiijo' i Yerusalem. “Ilapas nokiijo',” koonyo i Paulus, “aku mule' tionyo mamba mokiijo' i Roma.”

SISIKON NU TO RASUL-RASUL 21:19

Noko tabea'i aha, i Paulus nonsisikakonmo hi aha iwi-iwi' na apaa anu binaunyomo nolengkat mae hi Tumpu toka hi to mia-mian anu misa' Yahudi.

SISIKON NU TO RASUL-RASUL 28:14

I kiijo' mae kami nompahakabotmo tiba to pia-piangkuka na mian anu palesayamo hi Yesus, ka' kalana kami ilagamo nu aha sahingga kami jinojoongmo tiba aha sina'angu' na duminggu na ko pinnyo. Lantas kami namba nokiijo' i Roma.

ROMA 1:12

Kahanda'ku aijo'mo kalana kita bubuu'mo pinalesaya hi Yesus Kristus sahingga kita timbali paimpoho-pohosonan, kapalesaya'an.

ROMA 11:25

To Utu-utus! Kupoita da komiu boli mongoa'i au' aitu nonsumbu'mo iwi-iwi'. Kalana daagi' ko sangahan anu nukahanda'i nu Tumpu Allah, panyo anu ma'isa nusumbu' nu mian. Ka' ku kahanda'i da osumbu' miu; aijo'mo: Sambagian mian nu Yahudi panggaga, panyo kalakuan nu aha aijo' ola toka sampe pa'sangkuka na konjoo'nyo nu to mia-mian misa' Yahudi anu toka hi Tumpu aijo' sukupmo.

ROMA 7:1

To utu-utusku! Kita Utus iwi-iwi' nonsumbu'mo atulan. Tantu komiu monsumbu'mo taalu' kuasa nu atulan kona hi toto samian, nukona de mian aijo' daagi' tutuu'.

1 KORINTUS 1:10

To Utu-utus! Tiba sanggo nu Tumpunto i Yesus Kristus, kupoita da komiu iwi-iwi' mompaha hongo-hongo; da boli ko anu mahantuda' itina' hi komiu. Tionyo ahi' komiu mosa'angu', oposa'angu' na kinyonyoa, ka' oposa'angu' na pikilan.

1 KORINTUS 10:1

To Utu-utus! Kita Utus saja' ahi' o'inau' apaa na anu tinimbalimo hi mompolee'to, tempo'nyo aha nombatuki i Musa. Aha iwi-iwi' i hohungan nu kundom, ka' mule' sinalamat na aha notaap i Ambai Momea'.

1 KORINTUS 12:1

Uuka aiya mongkona to bala-balakat anu binee'mo nu Roh nu Tumpu. Mongkona han aijo', pongka'oho'ku to Utu-utus monsumbu' ahi' anu sahondo-hondonyo.

1 KORINTUS 14:20

To Utu-utus! Boli bapikin sumo to ana-anak. I han anu ma'idek, bakas da tataapmo na komiu susumo anak ise'. Panyo i han bapikin, tionyo ahi' komiu timbali mian anu motu'amo.

1 KORINTUS 14:26

Jadi to Utu-utus, apaa na alati'nyo iwi-iwi' aijo'? De komiu silimu' monsombah Tumpu, daagi' ko anu manyanyi, daagi' ko anu mompogulu', daagi' ko anu mompoto'i apa-apaa lengkat mae hi Tumpu Allah, daagi' ko anu basisik nu basa' anu okabangangi, ka' daagi' mule' ko anu montalangkan apaa na anu tinaloakonmo aijo'. Panyo iwi-iwi' aijo' tionyo ahi' obau da bau pompogulu' ka' da bau ka'ima'an nu mian iwi-iwi'.

1 KORINTUS 9:2

Mau mule' to mia-mian sangga'at madi' mongka'oho' mongakui aku salaku rasul, panyo komiu mau sangki-sangkidingmo mongakui aijo'! Kalana kantumuu'an miu salaku mian Kristen timbalimo sa'angu' na bukuti' taalu' aku rasul.

2 KORINTUS 1:8

To Utu-utus! Pongka'oho' mami da osumbu' miu na kasusa'an anu ingoa'anmo mami i tano' nu Asia. Sansala anu sinumbu'mo mami aijo' talalo maboat na o'oa'i mami, sahingga kami madi'mo nontaha'imani daagi' tumuu';

2 KORINTUS 2:14

Panyo talima kase hi Tumpu! Ia saja' nolaya' kami nombatuki balondaan i kamenangan i Kristus kalana kami tumuu' nosa'angu'mo tiba Ia. Tumpu nompake kami da lele mongkona i Kristus tolele sumo nohong anu monohongi iyaya mae.

GALATIA 3:15

To Utu-utus! Soba da aku mombau sonto' i han anu ingoa'anmo sansina-sinaa. De mian nojanji'mo ka' janji' aijo' ingakuanmo, saba' madi' ko samian pe'e na timbali mombahakon anu jinanji'mo aijo', kabai montuangi apa-apaa mule' hi ia.

GALATIA 6:18

O amalakon da Tumpunto i Yesus Kristus saja' mombalakati to Utu-utus. Amin. Tabea' mami, I Paulus 17

FILIPI 1:22

Panyo de tumuu' i dunia aiya, aku moko ala mombau kalaja anu lebe mingguna, saba' madi' kusumbu' iya na anu tionyo ku pile'i.

FILIPI 4:17

Aijo' misa' alati'nyo aku ola mongindi da mohumpak anu obee'. Anu kuku indi aijo'mo da kutoa na hasinnyo anu montuangi ka'untungan miu.

KOLOSE 1:10

Tiba jalan anu sumo aijo' komiu timbali tumuu' montuluti kahanda' nu Tumpu, ka' saja' momposanang kinyonyoa-Nyo, sahingga i uno nu iwi-iwi na apaa komiu moko ala mohasinakon hahan anu ma'ima'. Ka' mosia na komiu monsumbu' Tumpu mompaka pintuang suele.

KOLOSE 1:6

Lele lengkat mae hi Tumpu aijo' tinogilelemo i songko-songko na dunia, ka' kantumuu'an nu mian lajangmo binalakatan nu lele aijo', pokakana sumo kantumuu'an miu binalakatanmo salatan pe'e tempo'nyo komiu nohongomo balakat nu Tumpu, ka' totu-totu'u ingoa'anmo.

1 TESALONIKA 2:18

Kami ko tanga'an mamba molenga komiu; ka' aku nonsobamo ninsan ka' pininduanmo, panyo kami nugologo'i nu Ibilis.

1 TESALONIKA 4:13

To Utu-utus, okahanda'i mami na komiu da monsumbu' anu sahondo-hondonyo kona hi aha to mia-mian anu sinilakamo; da komiu boli susa' na kinyonyoa sumo to mia-mian sangga'at anu madi' ko anu otaha'imani.

2 TESALONIKA 2:7

Kahosonan anu mombau ka'idekan aijo' nontampu'unimo nokalaja panyo daagi' sumo anu maninsuluk, ma'isa talalo nyata'. Saidi' mae de anu montahan o alinakonmo,

2 TIMOTIUS 4:17

Panyo Tumpu na nonsangalui aku. Ia na nombee'imo kahosonan sahingga aku noko ala nompolele Lele Ma'ima' aijo' iwi-iwi', da ihongo nu mian iwi-iwi' anu misa' Yahudi. Sahingga aku madi'mo kinona nu bahaya nu kapatean.