ROMA 1:10 - KITAB NU TUMPU ALLA LELE MA'IMAI'

¹⁰ Ku kakase hondo hi Tumpu, bisa-bisa' Ia mongka'oho' mompobee' aku uuka aiya mamba montoa komiu.

ROMA 1:10 ပူးပေါင်းရင်းမြစ်များ

SISIKON NU TO RASUL-RASUL 18:21

Mau pe'e sumo aitu, panyo tempo'nyo kahanda'mo mamba, ia notatae, “De Tumpu mompoloas, aku po'ule'je minsusule' mae i aiya.” Noko potatae sumo aitu, ia nambamo nompala'i Efesus.

SISIKON NU TO RASUL-RASUL 19:21

Salatan haha aiya ilapasmo, i Paulus nompatantumo da mamba mokiijo' i Makedonia ka' i Akhaya, lantas lausmo mokiijo' i Yerusalem. “Ilapas nokiijo',” koonyo i Paulus, “aku mule' tionyo mamba mokiijo' i Roma.”

SISIKON NU TO RASUL-RASUL 21:14

I Paulus madi' mongka'oho' mohongo kami, sahingga kami madi'mo nontewa' ia, “Bakas kahanda'mo nu Tumpu na timbali,” nakoonyo mami.

ROMA 15:29

De aku toka hi komiu, tantu aku momboa manjoo' na balakat lengkat mae hi Kristus toka hi komiu.

1 KORINTUS 1:1

To Utu-utus jama'at nu Tumpu i Korintus! Kita Utus ilagamo nu Tumpu da timbali mian-Nyo anu palesayamo, kalana kita Utus i Kristus Yesusmo, na tumpunyo, tiba iwi-iwi' na mian mau mule' pa' iya mae na anu monsombah hi Tumpunto i Yesus Kristus, aijo'mo Tumpu nu aha tiba Tumpunto suele. Aku, i Paulus, ka' utusto i Sostenes, mongindi da Tumpu Tuumanto ka' Tumpunto i Yesus Kristus mombee'i balakat ka' ka'ima'an hi komiu. Aku montulis sulat aiya salaku rasul i Kristus Yesus, posi pongka'oho'-Nyomo nu Tumpu na nohangkatmo aku.

1 KORINTUS 4:19

Panyo de nupobee' nu Tumpu, aku tionyo ahi' toka hi komiu madi'mo daagi' pin. Tokaje i tempo' aijo' kutoaje suele apaa na anu nupoko ala nubau nu to mia-mian anu kobubuun aijo'; misa' ola potatae nu aha.

FILIPI 4:6

Boli bata-bata maumo pa'apaa. I uno nu iwi-iwi' na han, balado'a ka' potoka na poitaon miu hi Tumpu. Apaa na anu opalalui miu, saja' opoto'i na aijo' hi Tumpu, ka' montalima kase.

1 TESALONIKA 2:18

Kami ko tanga'an mamba molenga komiu; ka' aku nonsobamo ninsan ka' pininduanmo, panyo kami nugologo'i nu Ibilis.

FILEMON 1:22

Ka' mule', tulungi posadiai salipi' na aku i laiganum, kalana kutaha'imani Tumpu montalimakonmo iwi-iwi' na do'a nu to Utu-utus ka' po'ule'mo momboa aku minsusule' hi belemiu.

IBRANI 13:19

Ku poita da komiu sabole-bole mondo'akon aku da Tumpu Allah sampa' monsule'akon aku minsusule' hi komiu.

YAKOBUS 4:15

Sabenannyo ahi' komiu motatae sumo uuka, “De nupobee' nu Tumpu na kami tumuu', ka' mombau aiya kabai aijo'.”