ROMA 1:1 - KITAB NU TUMPU ALLA LELE MA'IMAI'

¹ To Utu-utus iwi-iwi' i Roma anu nunukalibosi nu Tumpu ka' anu ilagamo nu Tumpu da timbali mian-Nyo anu palesayamo. Tumpu nompile'imo ka' nongangkatmo aku samata-mata da mompolele Lele Ma'ima' lengkat mae hi Tumpu.

ROMA 1:1 ပူးပေါင်းရင်းမြစ်များ

1 TAWARIKH 23:13

I Amram aijo'mo na tuuma i Harun tiba i Musa. (I Harun ka' lee'nyo sampe toka sidu-sidutu' tinantukanmo samata-mata mongulus iwi-iwi' na pakakas anu opake de monsombahmo Tumpu, mompapu kamangian bau pongadati Tumpu, mombau anu nu pokauhakon nu Tumpu ka' mombalakati mian da'isan i uno nu sanggo nu Tumpu.

YESAYA 49:1

Potombihing mae na aku, o, lipu' anu toto jo'o-jo'on opalahatikan na potataengku. Tumpu nolagamo aku ma'isa pe'e aku pinohampe, Ia nompile'imo aku daagi' pe'e i uno nu ma'alum.

YEREMIA 1:5

“Ma'isa pe'e Aku nontali' beleyum i uno nu ma'alum nu tina nu beleyum, ka' ma'isa pe'e beleyum ihampe, pinile'an-Kumo ka' ihangkat-Kumo na beleyum da bau nabi nu to bansa-bansa.”

MARKUS 1:14

Salatan i Yohanes tinalungku', i Yesus namba nokiijo' i Galilea, ka' noleleakon Lele Ma'ima' lengkat hi Tumpu i kiijo' mae.

YOHANES 12:26

Mian anu mongka'oho' mohongo Aku, tionyo mombatuki Aku; da posaihon-Ku mo'imboa ka' Aku i tampat kajojoongan-Ku. Mian anu mohongo Aku, nu angga'i nu Tuumang-Ku.”

YOHANES 15:15

Komiu madi'mo Ku laga botuan, kalana botuan madi' monsumbu' apaa na anu hau-haunyo nubau nu tuannyo. Komiu Ku laga bela' kalana iwi-iwi' na anu i hongong-Ku lengkat mae hi Tuuma, pinoto'ingkumo hi komiu.

YOHANES 15:20

O'inau' apaa na anu tinaloakonKumo hi komiu, ‘Botuan madi' lebee daka' molingkudui tuannyo.’ De aha monsakisamo Aku, aha mule' monsakisa suele komiu. De aha mombatuki pangajalan-Ku, aha suele mombatuki pangajalanum.

SISIKON NU TO RASUL-RASUL 13:9

Panyo i Saulus – anu o sanggohi mule' i Paulus – kinuasanmo nu Roh nu Tumpu, sahingga ia nontonto'i anu monsumbu' ilimu' aijo',

SISIKON NU TO RASUL-RASUL 20:24

Panyo aku madi' mompajuli kantumuu'anku aiya, asan aku moko ala mompomingkot kalaja anu binee'mo nu Tumpu Yesus hi belengku ka' asan aku tulu-tulutan toka imihinyo nu kantumuu'anku mompolele Lele Ma'ima' aijo' mongkona balakat nu Tumpu.

SISIKON NU TO RASUL-RASUL 21:40

Sahingga salatan i Paulus pinoloasmo na motatae, i Paulus tinuminjomo i ojan, lantas nombee'i tanda nu limanyo. Iwi-iwi' mian nomohokot. Lapas aijo' i Paulus notataemo hi aha i uno nu basa' Ibrani. Koonyo i Paulus,

SISIKON NU TO RASUL-RASUL 22:21

Panyo Tumpu po'ule' notatae hi belengku, ‘Sampamo lako', kalana Aku monsaimo beleyum mamba mokiijo' i tampat anu majo'on hi aha to mia-mian anu misa' Yahudi.’ ”

SISIKON NU TO RASUL-RASUL 22:7

Aku notua' i tano' lantas aku nohongo ko potatae nontaeakon hi belengku, ‘Saulus, Saulus! Kadaka' beleyum monsakisa Aku?’

SISIKON NU TO RASUL-RASUL 26:1

I Agripa notatae hi Paulus, “Beleyum opobee' motatae da mompototu'u kahondoan nu butongum.” Sahingga i Paulus nohangkat limanyo lantas nompotoka pompototu'u butongnyo sumo uuka.

SISIKON NU TO RASUL-RASUL 26:14

Lantas aku nohongo potatae anu notatae mae hi belengku i uno nu basa' Ibrani, ‘Saulus, Saulus! Kadaka' beleyum saja' monsakisa Aku? Beleyum mongoa'ije sakit, de ola saja' mongewa tuanum anu tinimbalimo polaya'um.’

SISIKON NU TO RASUL-RASUL 27:23

Kalana na'utu pihi-pihi malaikat nu Tumpu anu ku sombah, aijo'mo Tumpu anu monjagai aku, tinoka hi belengku.

SISIKON NU TO RASUL-RASUL 9:15

Panyo kita Tumpu notatae hi Ananias, “Lako'mo! Kalana Aku noko pile'imo ia da mombau anu Ku palentahkon, da ia mompolele mongkona Aku hi to bansa-bansa sangga'at anu madi' ba'agama Yahudi ka' hi to tomu-tomundo, ka' suele mule' hi mian nu Israel.

ROMA 1:16

Ku palesaya hondo na Lele Ma'ima' aijo', kalana lele aijo' kahosonan nu Tumpu momposalamat iwi-iwi' na mian palesaya; momonanyo hi mian Yahudi, ka' bansa suele sangga'at.

ROMA 1:5

Kalana Ia sahingga Tumpu nombee'imo belengku balakat timbali rasul, da aku – mongangga'i Kristus – molaya' to mia-mian lengkat i songko-songko na bansa da palesaya ka' mohongo-hongo.

ROMA 1:9

Aku saja' monginau' komiu de aku balado'a. Tumpu na nonsakisi apaa na anu tinaloakonkumo aijo' memang totu'u. Iamo na Tumpu anu kuku hongo-hongo buke-buke' na kinyonyoangku, aijo'mo mompolele Lele Ma'ima' mongkona Anak-Nyo.

ROMA 11:13

Panyo uuka aiya lebe ma'ima' aku basisik hi to Utu-utus anu misa' Yahudi! Sapinnyo uuka, salaku Rasul hi to bansa-bansa anu misa' Yahudi, aku talalo hondo mongangga'i kalajangku.

ROMA 15:16

Ia nompotimbalimo aku posaihon i Kristus Yesus da osai hi to bansa-bansa anu misa' Yahudi. Ka' aku nompojalanmo sumo salaku imam, anu mompolele Lele Ma'ima' lengkat mae hi Tumpu, da to mia-mian anu misa' Yahudi timbalimo salaku anu osombahkon hi Tumpu Allah anu timbali Nutalima. O amalakon da Roh nu Tumpu mompotimbali aha da timbali salaku anu osombahkon samata-mata hi Tumpu.

ROMA 15:29

De aku toka hi komiu, tantu aku momboa manjoo' na balakat lengkat mae hi Kristus toka hi komiu.

ROMA 16:18

Kalana to mia-mian anu mombau sumo aijo', misa' mokalaja bau kapentingan i Kristus Tumpunto, panyo ola da mompatika'osa apaa na anu nuka'ima'i i uno nu posi kinyonyoa nu aha. Pagala nusale'i nu potatae nu aha anu toto mata-matami', aha mongakali to mia-mian anu madi' ko anu nupisumbu-sumbu'.

ROMA 16:25

O puji' na Tumpu! Matangkas na Kuasanyo nompohosonmo palesaya nu kita Utus sumo anu tinulismo i Lele Ma'ima' anu lengkat mae hi Tumpu, anu pinolelengkumo mongkona i Yesus Kristus. Aku nompolele lele aijo' sumo anu pinonyata'mo nu Tumpu Allah; aijo'mo tanga'an nu Tumpu anu no atu-atumo na taun na kopinnyo ma'isa sinumbu' nu mian.

1 KORINTUS 1:1

To Utu-utus jama'at nu Tumpu i Korintus! Kita Utus ilagamo nu Tumpu da timbali mian-Nyo anu palesayamo, kalana kita Utus i Kristus Yesusmo, na tumpunyo, tiba iwi-iwi' na mian mau mule' pa' iya mae na anu monsombah hi Tumpunto i Yesus Kristus, aijo'mo Tumpu nu aha tiba Tumpunto suele. Aku, i Paulus, ka' utusto i Sostenes, mongindi da Tumpu Tuumanto ka' Tumpunto i Yesus Kristus mombee'i balakat ka' ka'ima'an hi komiu. Aku montulis sulat aiya salaku rasul i Kristus Yesus, posi pongka'oho'-Nyomo nu Tumpu na nohangkatmo aku.

1 KORINTUS 9:1

Te misa' aku mian anu bebas? Te misa' aku rasul? Te aku ma'isa toho' nontoa i Yesus, Tumpunto? Te komiu misa' hasin nu kalajangku da palesaya hi Tumpu?

2 KORINTUS 1:1

To Utu-utus jama'at nu Tumpu i Korintus tiba iwi-iwi' mian anu palesayamo hi Tumpu songko-songko i Akhaya. Aku, i Paulus, rasul i Kristus Yesus, anu i hangkatmo kalana pongka'oho' nu Tumpu hingga-hinggat tiba Utusto i Timotius,

2 KORINTUS 11:5

Aku madi' hondo-hondo mongoa'i lebe i aluknyo nu to “rasul-rasul” anu madi' ko anu mongkakanai aijo'!

2 KORINTUS 11:7

Tempo'nyo aku nompolele hi komiu Lele Ma'ima' anu lengkat mae hi Tumpu, aku madi' nompoita komiu mongongkosi aku mau pe'e sangkiding; ka' tiba jalan anu sumo aijo' saba' aku nompotimbalimo butongku madi' talakana'. Kubau na aijo' da mohangkat komiu. Pa' aijo' sa'angu' na kasala'anku hi komiu?

2 KORINTUS 12:11

Aku totu'u timbalimo sumo mian ponga' – panyo komiumo na nonsaduakon aku tinimbali sumo aijo'. Sabenannyo komiu ahi' na tionyo mompuji' aku. Kalana mau mule' aku madi' ko kaliangannyo apa-apaa, aku madi' hondo-hondo mahungku' hi to “rasul-rasul” anu madi' ko anu mongkakanai aijo'!

2 KORINTUS 2:12

Tempo'nyo aku tinoka i Troas kahanda' mompolele Lele Ma'ima' mongkona i Kristus, Tumpu nombuka'mo jalan hi belengku da mokalaja i tampat aijo'.

2 KORINTUS 4:5

Lele anu opotokakon mami aijo' misa' lele mongkona posi butong mami. Lele aijo' te lele mongkona i Yesus Kristus; saba' Iamo aijo' na Tumpu; ka' kami te to posa-posaihon miu kalana Ia.

GALATIA 1:1

To Utu-utus jama-jama'at i da'erah Galatia, Aku, i Paulus, ka' iwi-iwi' moto utus Kristen anu tiba aku, montaha'imani ka' o amalakon da Tumpu Tuumanto ka' Tumpu Yesus Kristus mombee'i balakat ka'ima'an hi komiu. Aku tinimbali rasul misa' ola pongka'oho' nu manusia kabai kalana i hangkat nu manusia, panyo i Yesus Kristus ka' Tumpu Allah Tuumanto anu nompo'ule'mo nompotumuu' Ia sinilaka.

EFESUS 1:1

Mian anu palesayamo hi Tumpu kiijo' i Efesus, anu mohongo-hongo i Kristus Yesus!

EFESUS 1:13

Belemiu suele tinimbalimo mian anu palesayamo hi Tumpu Allah tempo'nyo belemiu nohongomo potuunon nu Tumpu, aijo'mo Lele Ma'ima' anu mombee'i kasalamatan hi komiu. Belemiu palesaya hi Yesus Kristus, kalana aijo' Tumpu nombee'imo tanda hi komiu ponsumbu'an komiu anunyomo, aijo'mo Roh-Nyo anu jinanji'-Nyomo.

EFESUS 4:11

Iamo na anu “mombee'i palasen-palasen hi mian”; sambagian i hangkat-Nyo tinimbali rasul, sangga'at tinimbali nabi; sangga'at mule' tinimbali pompolele Lele Ma'ima' aijo', ka' sangga'at mule' i hangkat-Nyo tinimbali to gulu-gulu' ka' pongatun jama'at.

PO'ULE' INGULIT 10:8

I bungkutnyo aijo' pinoto'imo nu Tumpu na tulunan nu bansa Lewi da samata-mata mongkalesang Peti' Palajanjian ka' mombau anu nu palentahkon nu Tumpu, ka' mule' montaeakon balakat hi mian anu pinalesayamo hi Ia. Aijo'mo na kalaja nu aha sampe uuka aiya.

FILIPI 1:1

To Utu-utus mian anu palesayamo hi Tumpu iwi-iwi' anu jojoong i Filipi, ka' anu nosa'angu'mo tiba i Kristus Yesus. Tiba suele to Utu-utus polaya' ka' pabantun nu jama'at! Aku, i Paulus, tiba i Timotius to posa-posaihon i Kristus Yesus,

FILIPI 2:11

Aha iwi-iwi' mongakuimo taalu' i Yesus Kristusmo na Tumpu; tiba jalan anu sumo aijo' Tumpu Tuumanto opopodaka'mo.

KOLOSE 1:1

To Utu-utus mian anu palesayamo hi Tumpu i Kolose anu tulu-tulutan hondo na mosa'angu' tiba i Kristus!

KOLOSE 1:25

Tumpu nonsaimo aku da timbali posaihon hi jama'at-Nyo bau kapentingan miu. Aku tionyo mompotokakon lele lengkat mae hi Tumpu, iwi-iwi';

1 TESALONIKA 2:2

Komiu monsumbu' saba' ma'isa pe'e kami tinoka hi komiu i Tesalonika, kami po'ule'mo kinabisa'an ka' pinopo'ambang kiijo' mae i Filipi. Panyo mau mule' manjoo' na mian mombahakon kami, Tumpunto nombee'imo kami kabaanian da mompolele hi komiu Lele Ma'ima' anu lengkat mae hi Ia.

1 TESALONIKA 2:8

Kalana pongkalibosi mami, kami sanang na mombee' hi komiu misa' ola Lele Ma'ima' anu lengkat mae hi Tumpu aijo', panyo mule' kantumuu'an mami. Kalana mami talalo hondo mongkalibosi komiu.

1 TESALONIKA 2:9

Tantu komiu daagi' tonginau' mosia na kosigonyo na kami bala usaha ka' bakalaja. Sinaa ka' pihi kami mokalaja da kami madi' monsusa'i mau ola samian anu itina' hi komiu, tempo'nyo kami nompolele Lele Ma'ima' anu lengkat mae hi Tumpu aijo' toka hi komiu.

1 TIMOTIUS 1:1

Timotius, anakku anu totu-totu'u palesayamo hi Tumpu! Sulat aiya lengkat hi belengku i Paulus, rasul i Kristus Yesus anu pinalentahmo nu Tumpu, Pomposalamat kita ka' palentah i Kristus Yesus anu otaha'imaninto. O'amalakon da Tumpu Tuumanto ka' i Kristus Yesus Tumpunto mombee'i balakat, kalibosan ka' ka'ima'an hi beleyum.

1 TIMOTIUS 2:7

Ka' aijo'mo na sababnyo aku pinokau namba hi to mia-mian anu misa' Yahudi da mompolele hi aha lele mongkona kapalesaya'an anu totu'u. Anu pinotoingkumo aiya, memang totu'u, aku madi' baleko'.

2 TIMOTIUS 1:11

Da Lele Ma'ima' aijo' opolele Tumpu nohangkatmo aku da tinimbali rasul ka' gulu'.

TITUS 1:1

Anakku i Titus! Aku i Paulus nontulis sulat aiya salaku posaihon nu Tumpu ka' rasul i Yesus Kristus. Aku pinile'anmo ka' sinai da montulungi to mia-mian anu pinile'anmo nu Tumpu da timbali mahoson i kapalesaya'an nu aha. Aku mule' tionyo molaya' aha da monsumbu' pangajalan anu totu'u, anu ingajalakonmo nu agamanto.

IBRANI 5:4

Madi' ko samian anu mosi hangkat posi butongnyo timbali Imam Daka'. Mian timbali Imam Daka' de Tumpu na molaga ia da mompojalan palentah aijo' – pokakana sumo i Harun.

IBRANI 7:26

Jadi, i Yesus aijo'mo na Imam Daka' anu opalaluinto. Ia susi'; hi Ia madi' ko anu i humpak na kasala'an kabai pa' dosa' apaa. Ia gina'atakon nompala'i to mia-mian anu baladosa', ka' i liba'akon nokiita' i tampat anu lebe matangkas moliu-liu langit.

YAKOBUS 1:1

To utu-utus mian anu palesayamo hi Tumpu iwi-iwi', anu nobagi-bagimo i songko-songko na dunia! Salam do'a lengkat hi belengku, i Yakobus, posaihon nu Tumpu ka' posaihon i Tumpu Yesus Kristus.

1 PETRUS 4:17

Tinokamo na tempo'nyo Tumpu momputusimo dunia. Ka' mian anu pinalesayamo hi Tumpu na anu o putusi momonanyo. Jadi, de nutampu'unimo nu Tumpu hi kita, mosiamo ahi' na katimbaliannyo saidi' mae tiba to mia-mian anu madi' palesaya i Lele Ma'ima' anu lengkat mae hi Tumpu aijo'?

2 PETRUS 1:1

To Utu-utus anu totu-totu'u pinalesayamo sumo kami! I Yesus Kristus, aijo'mo Tumpu ka' Tomundo anu Momposalamat kita, nompotimbalimo kita palesaya hi Ia, kalana Ia nombaumo anu totu'u. Sulat aiya lengkat mae hi Simon Petrus, samian na posaihon ka' rasul i Yesus Kristus.

YUDAS 1:1

To Utu-utus anu i lagamo ka' anu talalo hondo nu kalibosi nu Tumpu Tuuma, ka' mule' anu o jagai da palesaya hi Yesus Kristus. Salaku posaihon i Yesus Kristus, aku – i Yudas – utus i Yakobus,

ANU PINOTO'I HI YOHANES 1:1

Isi nu kitab aiya, mongkona apaa na anu pinoyata'mo i Yesus Kristus mongkona to hahan anu saidi' mae jadi. Tumpu nompoto'imo hi Kristus da Ia mompotiju'akon hi to posa-posaihon nu Tumpu apaa na anu malia'mo, tionyo jadi. I Kristus nonsaimo malaikat-Nyo hi Yohanes, posaihon-Nyo aijo' da mompoto'iakon han haha aijo' anu timbali hi ia.

ANU PINOTO'I HI YOHANES 22:6

Lantas malaikat aijo' notatae mae hi belengku, “Potatae haha aiya totu'u ka' timbali opalesaya. Tumpu na mombee' Roh-Nyo aijo' hi to nabi-nabi, nompokaumo malaikat-Nyo da mompoto'iakon hi to posa-posaihon-Nyo apaa na anu malia'mo timbali.”

ANU PINOTO'I HI YOHANES 22:9

panyo ia notatae hi belengku, “Boli! Boli monsombah aku! Sombahmo na Tumpu! Kalana aku suele posaihon sumomo beleyum, ka' sumo to utu-utusum to nabi-nabi, ka' iwi-iwi' na mian anu tinulu-tulutanmo i potuunon anu i uno nu kitab aiya!”