PO'ULE' INGULIT 9:7 - KITAB NU TUMPU ALLA LELE MA'IMAI'

⁷ Inau' mosia na belemiu nonsabapi Tumpu Allah nu belemiu pinusa i padang bola. Salatanmo pe'e belemiu nompala'imo mae Mesir sampe tinoka i aiya belemiu saja' pinanggaga hi Tumpu.

PO'ULE' INGULIT 9:7 ပူးပေါင်းရင်းမြစ်များ

NOSABATMO 14:10

Salatan mian nu Israel nontoamo i tomundo Mesir ka' to sulu-suludadunyo tinokamo mae, aha nabuhukmo hondo ka' noloboo'mo hi Tumpu nomoita tulung.

NOSABATMO 14:11

Notataemo na aha hi Musa, “Pa' kiijo' mae i Mesir madi' ko polamunan sahingga beleyum nomboamo mae kami da mate i tampat aiya? Toa misa' mingahenmo ma'idek na palabuatan nu beleyum atina'!

NOSABATMO 16:2

I padang bola aijo' aha iwi-iwi' nososonmo hi Musa ka' hi Harun.

NOSABATMO 17:2

Lantas aha nososonmo hi Musa ka' notatae, “Bee'i mae na kami uee anu o inum.” Tinaaman i Musa, “Kadaka' komiu nososonmo ka' monsobaimo Tumpu?”

NOSABATMO 23:21

O intomakon ka' otuluti na ia. Boli moto idek hi ia kalana ia Aku na nonsai ka' ia madi' mongampuni kasala'an nu belemiu.

YESAYA 48:8

Ku sumbu' na beleyum madi' timbali opalesaya, naipuan pe'e mae na beleyum tinalasanggomo mian anu palaganta. Mokonyo aijo' madi' nu sumbu' nu beleyum, mau santaa' pe'e na potatae, madi' ko anu tinoka ibihing nu beleyum.

YEREMIA 11:10

Aha nombaumo dosa' bibinaunyo nu mompolee' nu aha kalana madi'mo nontuluti Aku, aha nonsombahmo pilogot sangga'at ka' madi'mo ka'oho' montuluti palentah-ngKu. Mau Israel kabai Yehuda nolanggaimo palajanjian anu binaung-Kumo tiba mompolee' nu aha.

YEREMIA 32:30

Salatanmo pe'e sisikon nu kantumuu'an nu aha, mian nu Israel tiba mian nu Yehuda nonsaduakonmo Aku da madi'mo sinanang hi aha. Aha nompolubatmo mae tambuha'-Ku nu palabuatan-palabuatan nu aha anu ma'idek.

YEREMIA 44:9

Te kinolilimanmo nu belemiu na palabuatan iwi-iwi' anu ma'idek bibinaumo nu belemiu i tano' Yehuda tiba ijalan-jalan ikota' Yerusalem aijo'mo palabuatan nu mompolee' nu belemiu, ka' to tomu-tomundo' Yehuda tiba to bengke-bengkele' nu aha tiba belemiu ka' mule' bengkele' nu belemiu?

YEHEZKIEL 20:13

Panyo ipadang tampat anu kaho bone'nyo aijo' suele ahi' aha madi' mohongo-hongo mae Aku. Aha nolanggaimo iwi-iwi na palentah-Ku ka' madi'mo daagi' nontalima atulan-Ku, anu nompatikolomo tukoonyo mian anu montuluti aijo' tataap tumuu'. Aha talalomo nohumimi'i sinaa nu Sabat. Kalana aijo' ipadang tampat anu kaho bone'nyo Aku sabenannyo mompotudunmo ahi' tambuha'-Ku hi aha ka' monsilakaimo aha.

YEHEZKIEL 20:43

Ikiijo' mae belemiu tonginau'je iwi-iwi' na palabuatan anu okahegati anu nohumimi'imo butong nu belemiu. Sahingga bubunje na belemiu de tonginau'mo ipalabuatan aijo' iwi-iwi'.

YEHEZKIEL 20:8

Panyo aha madi' montuluti Aku ka' madi' mongka'oho' mohongo Aku. Aha madi' mongka'oho' mongalin iwi-iwi na patong nu aha anu okahegati aijo' ka' mule' madi' ahi mongka'oho' belenti na monsombah pilogot haha aijo' anu lengkat mae i Mesir. Tempo'nyo aha daagi' kiijo' mae, Aku sabenannyo mompotudunmo ahi' tambuha'-Ku hi aha.

YEHEZKIEL 36:31

Belemiu tonginau'mo anu u'utu mae i kalakuan nu belemiu anu ma'i-ma'idek ka' palabuatan nu belemiu anu madi' pantas aijo', lantas oposi kahegatimo nu belemiu na butong nu belemiu kalana nu saduakon nu dosa-dosa' ka' palabuatan anu ma'idek nu belemiu aijo'.

NOMBILANGMO 11:4

Aha namba na mian nu Israel haha aijo', daagi' ko to mia-mian anu lengkat mae i Salipu'an na nombatuki. Aha aijo' mongkahanda'i hondo mongkaan ponoka', ka' mian nu Israel suele nontampu'unimo nososon. Aha notatae, “Yoh, soba pa' ko ponoha' hi kita!

NOMBILANGMO 14:22

saba' mian haha aiya madi'mo daagi' ko samian pe'e na anu daagi' tumuu' minsoop i lipu' anu jinanji'-Kumo hi mompolee' nu aha. Kalana aha madi' mongka'oho' tulu-tulutan hi beleng-Ku ka' saja' monsoba-soba Aku. Padahan aha nontoamo jingkang-Ku anu jongkilaban ka' anu okabangangi, anu binaung-Kumo i Mesir ka' i padang bola.

NOMBILANGMO 17:10

Lantas Tumpu notataemo hi Musa, “Po'ule' potimpas na tokon i Harun i ahop nu Peti' Palajanjian. Tokon aijo' tionyo ahi' opo'una' salaku bau tanda saja' o'inau' nu aha mian Israel, anu saja' moto'idek saba' aha matemo de aha saja' mososon.”

NOMBILANGMO 21:5

ka' nososonmo hi Tumpu Allah ka' hi Musa. Aha notatae, “Kadaka' belento nomboamo mae kami nosabat lengkat i Mesir? Pa' kahanda'mo mompatei kami i padang bola aiya? I aiya madi' ko anu okaan, ka' uee mule' imadi'an. Kami na osamo na nongkaan anu madi' ko nyamitnyo aiya!”

NOMBILANGMO 25:2

To bou-boune ikiijo' lewa'mo nonsale'i da mamba i lamean monsombahkon koloban bau pongadati pilogot nu aha. Mian nu Israel suele nongkaanmo koloban aijo' ka' nonsombahmo pilogot nu aha mian Moab.

1 KORINTUS 15:9

Aku te Rasul nu Tumpu anu talalo i aluknyo. Aku misa' konanyo na osanggohi rasul, kalana aku nonsakisamo jama'at nu Tumpu.

EFESUS 2:11

To Utu-utus anu misa' mian nu Yahudi! Inau' na kantumuu'an miu tempo'nyo naipuan mae: Komiu sinanggohanmo “mian anu madi' o sunat”, nu mian Yahudi anu mangaku butongnyo sinunatmo (makisutnyo anu nohumpakmo tanda anu binau nu mian i butong nu aha).

PO'ULE' INGULIT 31:27

Ku sumbu' na aha talalo hondo panggaga ka' saja' moto'idek. Tempo'nyo aku daagi' tutuu' aha noto'idekmo hi Tumpu; apaa mule' saidi' mae, de aku silakamo!

PO'ULE' INGULIT 8:2

O' inau'! Patompulu' na taun na kopinnyo Tumpu Allah miu nolaya'mo mae belemiu i uno nu lumambanan anu majo'on nontului mae padang bola. I uno nu lumambanan aijo' niat nu Tumpu Allah da monsobai belemiu, da Nu toa apaa na anu i uno nu kinyonyoa nu belemiu ka' apaa belemiu montuluti sagala palentah-Nyo.

PO'ULE' INGULIT 9:24

Salatan pe'e aku nonsumbu'mo belemiu, belemiu saja' madi' mohongo-hongo Tumpu.

PO'ULE' INGULIT 9:4

Noko laa' aha na Tumpu Allah nu belemiu, kalana monsangaja'i belemiu boli monsangka belemiu Nu boamo mokiijo' da mongalamo tano' aijo' kalana belemiu ma'ima' ka' nombaumo pongka'oho' nu Tumpu Allah miu, sahingga pantas na montalima. Totu-totu'u madi'! Tumpu nolaa'mo bansa haha aijo' kalana monsangaja'i belemiu, kalana aha ma'idek na gau'nyo. Tumpu nompobee'mo belemiu mongala tano' nu aha, kalana Ia ka'oho' mongganapi janji-Nyo hi mompolee' miu i Abraham, i Ishak ka' i Yakub.