PO'ULE' INGULIT 9:29 - KITAB NU TUMPU ALLA LELE MA'IMAI'

²⁹ Panyo inau', Tumpu, saba' aha aiya bansa anu pinile'anmo nu Belento da timbalimo mian anu pinalesayamo hi Belento, ka' binoamo mae nu Belento lengkat i Mesir tiba kahosonan ka' kakuasa'an nu Belento anu daka'.”

PO'ULE' INGULIT 9:29 ပူးပေါင်းရင်းမြစ်များ

1 TOMU-TOMUNDO' 8:15

Ia notatae, “Naipuan mae Tumpu nojanji'mo hi tuumangku i Daud, sumo uuka, 'Saltanmo pe'e Aku nomboa mian anu pinalesayamo hi beleng-Ku nosabat mae i Mesir, songko-songko na lipu' nu Israel mae pe'e sa'angu' na kota madi' ko anu pinile'an-Ku da timbali tampat pombauan laigan bau ponsomban Aku. Panyo beleyum Daud pinile'an-Kumo da mompalentah mian anu pinalesayamo hi beleng-Ku.' O Puji' na Tumpu Allah Israel anu nongganapimo janji'-Nyo aijo'!”

1 TOMU-TOMUNDO' 8:51

Aha mian anu pinalesayamo hi Belento anu binoamo mae nu belento nosabat lengkat i Mesir lipu' anu pinonsansala'an aha.

NEHEMIA 1:10

O Tumpu, kami aiya to posa-posaihon nu Belento, mian anu pinalesayamo hi belento anu pinosalamatmo nu Belento nu kuasa ka' kahosonan nu Belento anu daka' hondo.

MAZMUR 100:3

Boli okolilimi kalana Tumpu aijo', Tumpu. Ia na nompotimbali kita ka' kita aiya Ia na tumpu-Nyo; kita mian anu palesayamo hi Ia, bansa anu pinotuu'-Nyomo.

MAZMUR 106:40

Lantas i noakmo na tambuha' nu Tumpu hi aha, binuaganmo na Ia kalana miannyo haha aijo'.

MAZMUR 136:12

kalana lima mahoson ka' baani; kalibosan-Nyo sampe toka sidu-sidutu'.

MAZMUR 28:9

Posalamatakon mae na mian anu palesayamo hi Belento, o Tumpu, balakatiakon mae na to mia-mian anu Belentomo na tumpunyo. Jadimo ahi' susumo samian na polaya' aijo' hi aha, ka'jagaiakon na aha sampe toka sidu-sidutu'.

MAZMUR 77:15

Belentomo na Tumpu anu nombaumo hahan anu okabangangi, kuasa nu Belento, pinonyata'mo nu Belento hi to bansa-bansa.

MAZMUR 95:7

Kalana Iamo na Tumpunto, kita mian anu, Nu potuu' susumo domba anu lewa' Nu laya'. Sinaa uuka aiya potombihing mae na potatae-Nyo:

NOSABATMO 19:5

Uuka aiya de belemiu tulu-tulutan hi beleng-Ku ka' mohongo-hongomo palajanjian-Ku, belemiu Ku potimbalimo mian anu palesayamo hi beleng-Ku. Songko-songko na dunia aiya Aku na tumpunyo, panyo belemiu akumo na tumpunyo anu talalo Ku kalibosi,

NOSABATMO 33:13

Desumo aijo', yo poto'imo mae mosia na tanga'an nu Belento o Tumpu, da ku bau apaa na anu opalentahkon nu Belento ka' saja' momposanang kinyonyoa nu Belento. Ka' suele o inau' mae saba' bansa aiya pinile'anmo nu Belento, belentomo na tumpu-Nyo.”

NOSABATMO 34:9

Ia notatae, “O Tumpu, de Belento totu-totu'u mongkanonongi aku, ku poita da sana-sanang pe'e mae na belento Tumpu monsangalui kami. Bansa aijo' memang panggaga hondo, panyo ampuniakon mae na ka'idekan ka' dosa' mami ka' alapakon na kami salaku mian anu pinalesayamo hi Belento.”

NOSABATMO 6:6

Belemiu Ku potimbalimo mian anu palesayamo hi beleng-Ku ka' Aku timbalimo Tumpu Allah nu belemiu. Sahingga osumbu'mo nu belemiu taalu' Aku aiya Tumpu, Tumpu Allah nu belemiu, anu nompobebasmo belemiu binotuanan i Mesir.

YESAYA 11:11

Toka isinaa aijo' Tumpu po ule' mule' monggunakon kakuasa'an-Nyo ka' monsule'akonmo mae mian anu palesayamo hi Ia anu tinasisa i Asyur ka' i Mesir, ka' mule' i iwi-iwi na lipu' Patros, Sudan tiba Elam anu kiijo' i Babel, ka' mule' Hamat tiba iwi-iwi' na togong anu toto jo'o-jo'on.

YESAYA 63:19

Belento nongatunmo kantumuu'an mami susumo au'aitu Belento madi' toho' nongkuasai kami; susumo au'aitu kami madi' toho' tinimbali mian anu palesayamo hi Belento.

YESAYA 64:8

Panyo Belentomo ahi' na Tuuma mami, kami tano' ponto na pinotimbali, ka' Belentomo ahi' na nontali' ka' Belento na nompotimbali.

YEREMIA 27:5

“Tiba kakuasa'anKu anu daka' hondo ka' mule' tiba kahosonan-Ku, Aku noko alamo nompojadi' tano' tiba manusia ka' mule' sinin na binatang, ka' timbali Ku bee' na aijo' maumo pa' hihe na mian anu Ku kahanda'i.

PO'ULE' INGULIT 32:9

Panyo lee' mae i Yakub aiya na pinile'anmo nu Tumpu ingala-Nyomo bau bagi-Nyo.

PO'ULE' INGULIT 4:20

Panyo belemiu bansa anu pinosalamat-Nyomo lengkat mae i Mesir, tampat belemiu nongoa'i sansala anu taha-tahahumo. Belemiu binoa-Nyomo mae nosabat lengkat i lipu' aijo' da timbalimo bansa-Nyo susumo balu-balu'nyo belemiu uuka aiya.

PO'ULE' INGULIT 4:34

Pa' toho'mo kino pilogot anu baani nongala sa'angu' na bansa, hi aha to bansa-bansa anu aiya i dunia lantas nompotimbalimo aha mian anu pinalesayamo hi Ia, susumo anu binaumo nu Tumpu Allah miu hi belemiu kiijo' mae i Mesir? Pinosi toamo nu belemiu mosia na Tumpu Allah nompotoka balaa' ka' pahampatean, ka' nombaumo hahan anu okabangangi ka' mule' nombaumo hahan anu opalias kalana kahosonannyo anu tahahumo hondo aijo'.

PO'ULE' INGULIT 9:12

Lantas Tumpu notataemo hi belengku, ‘Pintatau'mo lia-lia', kalana bansa nu beleyum anu binoa mae nu beleyum nosabat lengkat mae i Mesir nombaumo anu ma'idek. Aha nolempangmo madi'mo nontuluti palentah-ngKu, ka' nombaumo patong da osombah.’

PO'ULE' INGULIT 9:26

ka' binalado'a sumo uuka: O Tumpu Anu Matangkas na kuasanyo, boli osilakai na mian anu kitamo Tumpu na tumpunyo aiya. Bansa anu pinobebasmo nu belento ka' i laya'mo mae nu belento nosabat mae lengkat i Mesir tiba kahosonan ka' kakuasaan Nu belento anu daka'.