PO'ULE' INGULIT 9:26 - KITAB NU TUMPU ALLA LELE MA'IMAI'

²⁶ ka' binalado'a sumo uuka: O Tumpu Anu Matangkas na kuasanyo, boli osilakai na mian anu kitamo Tumpu na tumpunyo aiya. Bansa anu pinobebasmo nu belento ka' i laya'mo mae nu belento nosabat mae lengkat i Mesir tiba kahosonan ka' kakuasaan Nu belento anu daka'.

PO'ULE' INGULIT 9:26 ပူးပေါင်းရင်းမြစ်များ

2 SAMUEL 7:23

Songko-songko na dunia madi' ko sa'angu' na bansa anu pokakana sumo Israel. Olamo sa'a-sa'angu'nyo bansa Israel na anu pinobebasmo nu belento, da bolimo timbali posihon da timbalimo mian anu pinalesayamo hi belento Tumpu. Iwi-iwi' na han anu to daka-daka' ka' anu okabangangi, anu binaumo nu belento Tumpu hi aha, sahingga sanggo nu belento tinalasanggomo hi songko-songko na dunia. Aha bansa sangga'at ka' mule' to pilo-pilogot nu aha, i laa'mo nu belento tempo'nyo mian anu pinalesayamo hi belento Tumpu nambamo nahampate.

1 TOMU-TOMUNDO' 8:51

Aha mian anu pinalesayamo hi Belento anu binoamo mae nu belento nosabat lengkat i Mesir lipu' anu pinonsansala'an aha.

1 TOMU-TOMUNDO' 8:53

Belento o Tumpu Allah nompile'imo aha aijo' i bansa sangga'at iwi-iwi' da opotimbali mia anu pinalesayamo hi Belento, susumo anu tinaloakonmo nu Belento hi aha anu pinoto'imo hi Musa posaihon nu Belento aijo', tempo'nyo Belento nolaya' mae mompolee' mami nosabat lengkat mae i Mesir.”

NEHEMIA 1:10

O Tumpu, kami aiya to posa-posaihon nu Belento, mian anu pinalesayamo hi belento anu pinosalamatmo nu Belento nu kuasa ka' kahosonan nu Belento anu daka' hondo.

MAZMUR 106:23

Sahingga Tumpu kinoniatmo da opateimo na mian anu palesayamo hi Ia, panyo tinewa'mo i Musa mian anu pinile'an-Nyomo aijo'. I Musa na nombisalai aha poti-potimbiha', sahingga Tumpu madi'mo pinusa.

MAZMUR 107:2

Saja' opo uli-ulit na montaloakon aijo', o belemiu anu nongoa'imo kasusa'an panyo pinosalamatmo.

MAZMUR 28:9

Posalamatakon mae na mian anu palesayamo hi Belento, o Tumpu, balakatiakon mae na to mia-mian anu Belentomo na tumpunyo. Jadimo ahi' susumo samian na polaya' aijo' hi aha, ka'jagaiakon na aha sampe toka sidu-sidutu'.

MAZMUR 57:1

Anu mongkapalai panyanyi. Ingala i lagu nu nyanyian: Boli mompatei. Mazmur i Daud, tempo'nyo ia nopalaimo ninsoop i uno nu liang da madi' nukabot i Saul.

MAZMUR 77:15

Belentomo na Tumpu anu nombaumo hahan anu okabangangi, kuasa nu Belento, pinonyata'mo nu Belento hi to bansa-bansa.

MAZMUR 78:35

Aha tonginau'mo saba' Tumpu aijo'mo na nonjagai aha, ka' saba' Anu Matangkas na Kuasanyo aijo'mo na nomposalamat aha.

MAZMUR 99:6

I Musa tiba i Harun minsoopmo to ima-imam-Nyo, i Samuel sala'samian na anu binalado'amo hi Ia. Aha nonkakasemo hi Tumpu, ka' tinaaman-Nyomo mae.

NOSABATMO 15:13

I laya'mo nu belento na bansa anu pinosalamatmo nu Belento aiya, kalana Belento totu-totu'u montoongi janji' nu Belento. Tiba kahosonan anu daka' hondo, aha jinagaanmo nu Belento ka' i laya'mo nu Belento, i tano' nu Belento anu susi'.

NOSABATMO 33:13

Desumo aijo', yo poto'imo mae mosia na tanga'an nu Belento o Tumpu, da ku bau apaa na anu opalentahkon nu Belento ka' saja' momposanang kinyonyoa nu Belento. Ka' suele o inau' mae saba' bansa aiya pinile'anmo nu Belento, belentomo na tumpu-Nyo.”

NOSABATMO 34:9

Ia notatae, “O Tumpu, de Belento totu-totu'u mongkanonongi aku, ku poita da sana-sanang pe'e mae na belento Tumpu monsangalui kami. Bansa aijo' memang panggaga hondo, panyo ampuniakon mae na ka'idekan ka' dosa' mami ka' alapakon na kami salaku mian anu pinalesayamo hi Belento.”

YESAYA 44:23

Pontaligalaimo lame-lame' o, langit pontaligalimo hoso-hoson o, anu i uno nu tano'! Pontaligalaimo lame-lame o, to bungku-bungkutnyo! ka' suele alas ka' mule toto sa'angu' na kau' anu kiijo' i alas! Kalana Tumpu nompotoamo kakuasa'an-Nyo anu daka' hondo, aijo'mo ia nomposalamatmo mian anu palesayamo hi Ia.

YESAYA 63:19

Belento nongatunmo kantumuu'an mami susumo au'aitu Belento madi' toho' nongkuasai kami; susumo au'aitu kami madi' toho' tinimbali mian anu palesayamo hi Belento.

YEREMIA 14:21

Inau' na palajanjian nu Belento, boli mae o ambangi nu Belento na kami; palajanjian nu Belento tiba kami boli ahi' madi' opotimbali nu Belento. Yerusalem tampat kasuhangan nu Belento anu talasanggo hondo boli ahi' o ambangi nu Belento.

YEREMIA 15:1

Tumpu notataemo mae hi belengku, “Aku madi'mo daagi' mongkalibosi bansa aiya, maumo ahi' i Musa tiba i Samuel tuminjomo i aiya momoita mae da Ku kalibosi na aha. Saimo na bansa aiya da mambamo, madi'mo Ku ka'ima'i na montoa aha!

MOHAANGI 2:20

O Tumpu toamo ahi' ka' palahatikan na aha anu sinsalamo nu belento aijo'! Pa' daagi ko anu toho'mo binau nu belento susumo aijo'? Tinanyo nongkaanmo posi anaknyo anu talalo hondo nu kalibosi, imam tiba nabi pinateanmo i uno nu Laigan nu belento anu susi'.

MIKHA 6:4

Belemiu binoang-Kumo nosabat nompala'i Mesir ka' pinolapas-Kumo da madi'mo binotuanan; Aku nonsaimo i Musa, i Harun tiba Miryam da molaya' belemiu.

PO'ULE' INGULIT 15:15

O inau' ahi' na belemiu naipuan mae binau botuan i Mesir lantas pinobebasmo nu Tumpu Allah nu belemiu; mokonyo aijo' Aku mombee'i palentah aiya hi belemiu.

PO'ULE' INGULIT 21:8

Tumpu, ampuniakon mae na Israel mian anu pinalesayamo hi belento anu pinobebasmo nu belento lengkat mae i Mesir. Ampuniakon mae na kami ka' boli kami na montanggungi kasala'an nu anu nompateimo mian anu madi' ko sala'nyo aijo'.’

PO'ULE' INGULIT 32:9

Panyo lee' mae i Yakub aiya na pinile'anmo nu Tumpu ingala-Nyomo bau bagi-Nyo.

PO'ULE' INGULIT 7:8

Panyo Tumpu nompile'imo belemiu kalana Ia nongkalibosimo belemiu ka' kahanda'mo momponyata' janji'-Nyo anu binau-Nyomo tiba mompolee' nu belemiu. Mokonyo aijo' Ia momposalamatmo belemiu nu kuasa-Nyo anu daka' hondo, ka' mompobebasmo belemiu temponyo binoatuanan i tomundo Mesir.

PO'ULE' INGULIT 9:12

Lantas Tumpu notataemo hi belengku, ‘Pintatau'mo lia-lia', kalana bansa nu beleyum anu binoa mae nu beleyum nosabat lengkat mae i Mesir nombaumo anu ma'idek. Aha nolempangmo madi'mo nontuluti palentah-ngKu, ka' nombaumo patong da osombah.’

PO'ULE' INGULIT 9:27

Inau'akon pe'e na to posa-posaihon nu Belento i Abraham, i Ishak ka' i Yakub, ka' boli mompalahatikan aha talalo hondo panggaga, ka'idekan ka' dosa' nu bansa aiya.

PO'ULE' INGULIT 9:29

Panyo inau', Tumpu, saba' aha aiya bansa anu pinile'anmo nu Belento da timbalimo mian anu pinalesayamo hi Belento, ka' binoamo mae nu Belento lengkat i Mesir tiba kahosonan ka' kakuasa'an nu Belento anu daka'.”

TITUS 2:14

Ia nongkulubanakonmo butong-Nyo kalana kahanda' mompobebas kita da iwi-iwi' na anu ma'idek bolimo obaunto, ka' mompotimbalimo kita mian anu binebasmo madi'mo ko dosa'nyo ka' samata-mata iamo na tumpu-Nyo, ka' makekemo na mombau anu ma'ima'.

IBRANI 9:12

I Kristus ninsoop i Salipi' anu Susi' hondo i uno nu kemah aijo', ola ninsan sampe toka sidu-sidutu'. Tempo'nyo aijo' Ia madi' nomboa baso' nu mee' mo'anenyo kabai baso' nu anak nu sapi' da osombahkon; Ia nomboamo posi baso'-Nyo ka' tiba jalan anu sumo aijo' Ia nompobebasmo kita sampe toka sidu-sidutu'.

ANU PINOTO'I HI YOHANES 5:9

Aha nonyanyiakonmo sa'angu' na nyanyian anu sala'je aitu na i nyanyi: “Belento pantas mongala kitab aijo' ka' mombeak segen haha aijo'. Kalana Belento pinateanmo, ka' kalana Beleyum sinilakamo, mian i iwi-iwi' na tulunan, sisik, negara, ka' bansa ingolimo nu Belento da timbalimo anu nu Tumpu.

1 SAMUEL 7:9

Kalana aijo' i Samuel nongkolotmo sa'angu' na anak nu domba anu daagi bata'nyo lantas sinombahkonnyomo salaku bau koloban hi Tumpu anu opotunu. Lapas aijo' ia binalado'amo hi Tumpu da otulungi mae na mian nu Israel, ka' do'anyo aijo' tinalima-Nyomo.