PO'ULE' INGULIT 9:25 - KITAB NU TUMPU ALLA LELE MA'IMAI'

²⁵ Ku sumbu' na Tumpu kahanda'mo mompagala monsilakai belemiu. Sahingga kopinnyo pinatompulu' na sinaa ka' pinatompulu' na pihi, na aku dinumaladupu i ahop nu Tumpu

PO'ULE' INGULIT 9:25 ပူးပေါင်းရင်းမြစ်များ

MAZMUR 106:23

Sahingga Tumpu kinoniatmo da opateimo na mian anu palesayamo hi Ia, panyo tinewa'mo i Musa mian anu pinile'an-Nyomo aijo'. I Musa na nombisalai aha poti-potimbiha', sahingga Tumpu madi'mo pinusa.

NOSABATMO 34:28

Patompulu' na sinaa ka' patompulu' na pihi na i Musa jinojoongmo ikiijo' tiba Tumpu, ka' tempo'nyo aijo' ia madi'mo nongkaan ka' madi'mo nonginum. Onyi' nu potatae nu palajanjian aijo', aijo'mo Sampulu' na Palentah nu Tumpu Allah anu tinulisnyomo i kobakan nu batu.

PO'ULE' INGULIT 9:16

Tinoangku na belemiu nolangkasakonmo palentah nu Tumpu Allah nu belemiu. Belemiu binaladosa'mo hi Tumpu kalana nombaumo sa'angu' na patong sapi' logam na tinutuk.

PO'ULE' INGULIT 9:18

Lantas daagi' minsan na aku dinumaladupu i ahop nu Tumpu aita' i bungkutnyo kinopinnyo pinatompulu' na sinaa ka' pinatompulu' na pihi, madi' nongkaan kabai nonginum. Aijo' binaungku kalana belemiu nombaumo dosa' hi Tumpu, kalana nombaumo apaa na anu moko pa'idek Ia sahingga Ia notambuha'mo.