PO'ULE' INGULIT 9:21 - KITAB NU TUMPU ALLA LELE MA'IMAI'

²¹ Patong sapi' logam na tinutuk, i lumbu'akonku i apu. Lantas i hansunanku ka' inguja'ku sampe nahute susumo abu', ka' abu' aijo' i lumbu'akonku i sepe' anu ko ueenyo mo'ili mae lengkat i bungkutnyo aijo'.

PO'ULE' INGULIT 9:21 ပူးပေါင်းရင်းမြစ်များ

1 TOMU-TOMUNDO' 15:13

Kele'nyo i Maakha pinobelentinyomo i pangkatnyo da boli mo saja' Mombee'i sonto' bapilogot, kalana ia nombaumo patong nu pilogot Asyera anu masala', pilogot boune anu moko lumba' sosu'anon. I Asa nohobo'akonmo bapilogotan haha aijo' ka' pinapuaannyomo i Bangka'nyo nu Kidron.

2 TAWARIKH 34:7

Iwi-iwi na mezbah ka' to pato-patong Asyera anu i songko-songko na Kalaja'an sasu Utara i hobo'akonmo i Yosia, lantas to pato-patongnyo ka' iwi-iwi' na mezbahnyo anu pompapuan kamangian pinahan ideannyomo. Lapas aijo' i Yosia ninsusule'mo namba i Yerusalem.

NOSABATMO 32:20

Lapas aijo' ingalanyomo na patong sapi' anu binau nu aha mian Israel haha aijo', ingideannyo, pinahanguja'akonnyo sampe nohimpunyu susumo abu', lantas ginalo'akonnyomo i uee. Lapas aijo' pinokaunyomo na aha mian nu Israel da monginum.

YESAYA 30:22

Iwi-iwi na patong bapilogotan nu belemiu anu ilapisan nu salaka tiba mosoni' saidi' mae o, alinmo nu belemiu susumo duhehe ka' motatae, “Lako' pala'imo na aku!”

YESAYA 31:7

Tokaje mae na tempo'nyo saba' belemiu iwi-iwi' sola'mo mongalin iwi-iwi na patong bapilogotan nu belemiu anu salaka ka' mosoni' na binau nu belemiu ka' kaho dosa' aijo'.

HOSEA 8:11

Lebe manjoo' na mezbah anu nu bau nu mian Israel da pongalini dosa' panyo mompaka panjoo' mule' ahi' na tampat nu aha pombauan dosa'!

MIKHA 1:7

Iwi-iwi' na patong anu mahan na olinyo ohansunimo ka' balang anu binee'mo hi to bou-boune anu mokalaja' i kuil opapuimo, ka' mule' iwi-iwi' na pilogotnyo ohansunimo. Balang haha aijo' anu ohumpak de aha monsombahmo pilogot momombee'i kalumba'an nu tano'. Uuka aiya iwi-iwi' aijo' oboamo nu sampobali' da bau palasombahan salaku pontalimakase hi to pilo-pilogot nu aha.”

PO'ULE' INGULIT 9:20

Tumpu notambuha'mo hondo suele hi Harun, sahingga kahanda'mo Nu patei, panyo aku nondo'akonmo ia.