PO'ULE' INGULIT 9:10 - KITAB NU TUMPU ALLA LELE MA'IMAI'

¹⁰ Lapas aijo' Tumpu nombee'mo hi belengku ohua' na batu anu pinosi tulisan nu Tumpu Allah. I batu aijo' tinulis na potatae-Nyo anu tinaeakon lengkat mae i totonga' nu apu toka hi belemiu, tempo'nyo belemiu sinihukmo i tengke nu bungkutnyo.

PO'ULE' INGULIT 9:10 ပူးပေါင်းရင်းမြစ်များ

NOSABATMO 31:18

Noko potatae tiba i Musa aita' i Bungkutnyo nu Sinai, Tumpu Allah nombee'mo hi ia ohua' na kobakan nu batu anu tinulisanmo nu Tumpu Allah iwi-iwi' na palentah-Nyo.

MATIUS 12:28

Panyo aku molaa' roh ma'idek tiba kuasa nu Roh nu Tumpu Allah. Ka' aijo' alati'nyo, saba' Tumpu montampu'unimo mompalentah atina' hi komiu.

LUKAS 11:20

Panyo Aku molaa' roh ma'idek tiba kuasa nu Tumpu, ka' aijo' alati'nyo, saba' Tumpu montampu'unimo mompalentah atina' hi komiu.

2 KORINTUS 3:3

Posi aha timbali montoa saba' komiu Utus pokakanamo sulat anu tinulis i Kristus, anu pinakatunyo ka' pinotokakon mami. Sulat aitu misa' tinulis nu tinta, panyo Roh nu Tumpu anu tumuu'; misa' mule' i batu tulis, panyo i kinyonyoa nu mian.

PO'ULE' INGULIT 10:4

I batu aijo' Tumpu nontulisimo Sampulu' na Palentah Pokakana anu uuka mae momona, aijo'mo to pale-palentah anu binee'-Nyomo hi belemiu, tempo'nyo Ia notatae i totonga' nu apu i sinaa kinasihukanmo nu belemiu i tengke nu bungkutnyo. Lapas aijo' Tumpu nombee'mo mae batu anu tinulisanmo aijo' hi belengku

PO'ULE' INGULIT 18:16

I sinaa kasihukanmo nu belemiu aijo' i Bungkutnyo nu Sinai, belemiu nongkakasemo da belemiu bolimo mohongo Tumpu Allah nu belemiu motatae ka' bolimo montoa Ia toka i uno nu apu anu moak kalana belemiu mabuhuk dumo silaka.

IBRANI 8:10

Panyo uuka aiya, aiyamo na palajanjian anu Ku baumo tiba mian nu Israel, i sina-sinaa anu tokaje mae, koonyo nu Tumpu: Aku monguna'mo atulan-Ku i uno nu pikilan nu aha, ka' montulismo i kinyonyoa nu aha. Aku timbalimo Tumpu nu aha, ka' aha timbalimo mian anu palesayamo hi beleng-Ku.