PO'ULE' INGULIT 8:5 - KITAB NU TUMPU ALLA LELE MA'IMAI'

⁵ O inau' ahi' kalana Tumpu Allah nu belemiu nongajanmo belemiu susumo samian na tuuma nongajanmo to ana-anaknyo.

PO'ULE' INGULIT 8:5 ပူးပေါင်းရင်းမြစ်များ

2 SAMUEL 7:14

Aku timbalimo tuumanyo ka' ia baumo anak-Ku mo'ane. De ia mombau kasala'an ia Ku hukum susumo samian na tuuma mohukum anaknyo.

MAZMUR 89:32

de aha madi' mompajuli anu tinantukan-Kumo ka' madi'mo montuluti atulan-Ku,

MAZMUR 94:12

Mohumpak kantumuu'an ma'ima' na mian anu lewa'mo pinokinde'an nu Belento, o, Tumpu, mian anu lewa'mo pinogulu' atulan nu Belento iwi-iwi'.

AMSAL 13:24

Madi' mondoke anak bala alati' madi' mongkalibosi ia; panyo de mongkalibosi ia tionyo ahi' baani na mondoke ia.

AMSAL 3:11

De Tumpu mondoke belemiu, o anakku, otalima na aijo' salaku sa'angu' na pokinde', ka' boli belemiu mompele-pele' i ajalan-Nyo aijo'.

AMSAL 3:12

Tumpu mondoke mian anu Nu kanonongi, susumo tuuma mondoke anak anu nu kalibosi.

ANU MOMPOLELE POTATAE NU TUMPU 7:14

Jadi bilahimo ahi' de beleyum nohumpakmo dale'. Panyo de beleyum nu tokaimo nu balaa' boli okolilimi saba' Tumpu nombee'mo ohu-ohua' aijo'. Apaa na anu jadi mule' madi' osumbu'to.

YESAYA 1:3

Sapi' monsumbu' tumpunyo, keledai nusumbu' na pongkaanannyo anu saja' nuposadia nu tumpunyo. Panyo mian-Ku Israel anu palesayamo madi'mo aha madi' monsumbu'.”

YEHEZKIEL 12:3

Kalana aijo' o, manusia anu madi' tumuu' batu. Bau na uuka, panyo obau sinaa potouka na bala-balang nu beleyum ka' obaluni isa'angu' na balunan susumo anu saja' nu bau nu aha anu oboamo ka' opojoongmo ilipu' sangga'at. Ka' ma'isa pe'e pihi pala'imo na laigan nu beleyum panyo boli ahi' matikohowini hi mian susumo ahi' mian anu oboamo itampat pompojoongan. Bolo'i na pimpi' nu laigan nu beleyum panyo nu toa ahi' nu mian anu sasaja' motomuhuk haha aijo', ka' boamo na balunan anu ko isinyo nu balang nu beleyum ka' posabatmo montulu bolo' ai-aijo'. Ka' simbumo na balunan atina ibekoang nu beleyum. Ka' lambamo panyo pihije ahi'; kukubi na mata nu beleyum sahingga madi' nu toa-toa na jalan anu nu tului. Pobakas da iwi-iwi' na bansa Israel montoa iwi-iwi' apaa na anu binaumo nu beleyum, da baumo salaku pokinde' hi aha. Da ihe na monsumbu' ugaat tiba jalan anu sumo aijo' aha mangalati'je taalu' aijo'mo aha na anu saja' motomuhuk.”

YEHEZKIEL 18:28

Ia nongakuimo kasala'annyo ipalabuatannyo anu ihukuhakonmo lantas madi'mo sola' mombau dosa'. Tiba jalan anu sumo aijo' ia madi'mo silaka, panyo tataapmo tumuu'.

1 KORINTUS 11:32

Panyo de kita nu hukum nu Tumpu, Ia mondoke kita, da kita boli nukona nu hukuman mohingga-hinggat dunia aiya.

PO'ULE' INGULIT 1:31

ka' i padang bola. Komiu nontoamo mosia na Tumpu Allah miu, nomboa komiu tiba salamat i kalajangan jalan aijo toka i tampat aiya, madi' ko gampanyo sumo samian na tuuma monguba', anua'nyo.

PO'ULE' INGULIT 4:23

Tutugi ima-ima'! Boli okolilimi na anu jinanji'mo nu Tumpu Allah miu hi belemiu. Tuluti na palentah-Nyo; boli hondo-hondo mombau patong na belemiu maumo sumo apaa da osombah,

PO'ULE' INGULIT 4:36

Aita' mae i langit Ia nompohongomo potatae-Nyo hi belemiu da mompokinde'i belemiu, i dunia aiya Ia nompotoamo hi belemiu apu-Nyo anu tahahumo hondo, ka' aijo' mae i apu Ia notataemo hi belemiu.

PO'ULE' INGULIT 4:9

Boli okolilimi ka' otutugi ima-ima', da sidu-sidutu' i uno nu kantumuu'an miu madi' okolilimi nu belemiu apaa na anu pinosi toamo nu belemiu. Sisikakon hi to maku-makumpu nu belemiu,

PO'ULE' INGULIT 8:6

Jadi, baumo iwi-iwi' apaa na anu pinalentahkonmo nu Tumpu Allah nu belemiu. Tumuu' ka' tuluti na atulannyo iwi-iwi' ka' o adati na Ia.

ANU PINOTO'I HI YOHANES 3:19

To mia-mian anu Ku ku kalibosi, ahamo na anu Ku tewa' ka' Ku pohos. Kalana aijo' tionyo ahi' belemiu bikas ka' balatobatmo i to dosa-dosa' miu.