PO'ULE' INGULIT 8:2 - KITAB NU TUMPU ALLA LELE MA'IMAI'

² O' inau'! Patompulu' na taun na kopinnyo Tumpu Allah miu nolaya'mo mae belemiu i uno nu lumambanan anu majo'on nontului mae padang bola. I uno nu lumambanan aijo' niat nu Tumpu Allah da monsobai belemiu, da Nu toa apaa na anu i uno nu kinyonyoa nu belemiu ka' apaa belemiu montuluti sagala palentah-Nyo.

PO'ULE' INGULIT 8:2 ပူးပေါင်းရင်းမြစ်များ

KAJADIAN 22:1

Ma'isa talalo pinin ilapas na aijo' Tumpu Allah nonguji'mo pa' totu-totu'u i Abraham tulu-tulutan. Tumpu Allah nolagamo, “Abraham!” Lantas tinaamanmo i Abraham, “Apaa, Tumpu.”

2 TAWARIKH 32:31

Ka' tempo'nyo to mia-mian anu sinai mae lengkat i Babel tinoka nompokilawa mosia ka' po'ule' na'alin, kalana ia na'alin aijo' memang okahelani hondo, Tumpu nompojohokmo i Hizkia mosi batanga' da o uji' na kinyonyoanyo.

2 TAWARIKH 33:12

Tempo'nyo ia nonta'upmo kasansalan aijo', ia nongakuimo kasala'annyo hi Tumpu Allah-nyo ka' ia binalado'amo nongkakaasemo da otulungi na ia.

2 TAWARIKH 33:19

I Uno nu kitab Sisikon nu to Nabi-nabi tinulismo suele na do'a i Manasye ka' mosia na Tumpu nontaami do'a aijo', ka' mule' sisikon mongkona iwi-iwi na dosa'nyo tempo'nyo ia ma'isa binalatobat, iwi-iwi na tampat bau ponsomban pilogot ka' iwi-iwi na patong Pilogot boune Asyera anu binaunyomo ka' to pilo-pilogot anu nu sombah.

NEHEMIA 9:19

Panyo i padang anu mateges aijo' aha madi' ahi' pinala ian nu Belento, kalana Belento talalo ahi' mongkalibosi. Kundom anu tinumatampokmo ka' mule' apu madi'mo ingalinan nu Belento. Binaumo pompotiju'jalan nu aha sinaa ka' mule' pihi.

AYUB 33:17

Ia mongkahanda'i da aha bolimo mombau dosa' ka' bolimo lewa' mombuulakon butong nu aha, ka' bolimo nubau nu aha.

MAZMUR 103:2

O, puji' na Tumpu, o santuu'ku boli okolilimi na kanonongan-Nyo iwi-iwi'!

MAZMUR 106:7

Tempo'nyo kiijo' mae i Mesir mompolee' mami madi' mangalati'; kalaja nu Belento anu talalo hondo okabangangi, madi' nusumbu' nu aha. Kinolilimanmo nu aha na kalibosan nu Belento anu nolabi-labimo, ka' anu koko Ambai Gelagah, aha notomuhukmo hi Anu Matangkas na Kuasanyo.

MAZMUR 136:16

I laya'-Nyomo na mian anu pinalesayamo hi Ia notulu i tampat padang anu mateges; kalibosannyo sampe toka sidu-sidutu'.

MAZMUR 77:11

Lantas aku notataemo, “Aiyamo na anu monsakiti kinyonyoangku, tukoongku Anu Matangkas na Kuasa-Nyo madi'mo daagi' balakuasa.”

MAZMUR 81:7

“Aku nompasi'akonmo kolonon anu maboat atina' i bikoang nu beleyum, ka' nompengasmo kalanjang anu o kolon atina' totoong i lima nu beleyum.

NOSABATMO 15:25

I Musa binala do'amo totu-totu'u hi Tumpu, lantas pinotiju'mo nu Tumpu sangkolong na kau' hi ia. Kau' aijo' i lumbu'akonmo i Musa nokiijo' i uee, lantas uee aijo' natawasmo, sahingga timbalimo o inum. I tampat aijo' Tumpu nombee'imo atulan-atulan hi aha ka' ikiijo'mo suele na Ia nonsobai aha.

NOSABATMO 16:35

Manna aijo' binaumo kaanon nu aha mian Israel kopinnyo pinatompulu' na taun, i lambakonnyo tinoka i Kana'an, tampat anu kinajojoonganmo nu aha. (

NOSABATMO 16:4

Tumpu notataemo hi Musa, “Uuka aiya Ku tau'akonmo mae na anu okaan manjoo' hondo sumo ujan bau bagi miu iwi-iwi'. Sansina-sinaa belemiu tionyo ahi' molimu' anu okaan aijo' saimbanggan anu okaan sansinaa. Tiba jalan anu sumo aijo' Aku monguji'mo mian anu pinalesayamo hi beleng-Ku da Ku sumbu' pa' aha mohongo-hongo to pale-palentah-ng-Ku kabai madi'.

NOSABATMO 20:20

Tinaaman i Musa, “Boli mabuhuk. Tumpu Allah toka mae ola monsobai belemiu da belemiu tataap montuluti Ia, ka' madi' baladosa'.”

AMSAL 17:3

Mosoni' tiba salaka o uji' iponsuangan; panyo kinyonyoa nu mian nu uji' nu Tumpu.

YESAYA 2:17

Mian anu buulon opopo ambangmo ka' mule' mian anu lewa' montige-tige opota'alukmo. Ola-olamo ahi' Tumpu na anu opopodaka'.

YEREMIA 2:6

Aku madi'mo pinajulian; Aku na nontakamo aha ijalan, ka' nomboamo aha nosabat lengkat mae i Mesir nontulu padang tampat anu bone'on, daerah anu kinunmo ka' kaho lingkobaknyo, ka'mule' nanggasmo ka' okabuhukmo – padang tampat anu madi'mo ojojoongi ka' madi'mo daagi' otului!

YEHEZKIEL 20:19

Akumo ahi' na Tumpu nu belemiu. Saboleh-boleh otuluti na atulan-atulan tiba iwi-iwi na palentah-ngKu.

AMOS 2:10

Belemiu binoang-Kumo mae nosabat lengkat mae i Mesir ka' i laya'-Ku mae nontulu padang bone' anu ewa patompulu' na taun na Kinopinnyo. Tano' nu mian Amori binee'-Kumo hi belemiu da baumo lipu' nu belemiu.

NOMBILANGMO 14:33

Patompulu' na taun na kopinnyo to ana-anak nu belemiu mololo i padang bola. Kalana belemiu madi' tulu-tulutan, anak nu belemiu haha aijo mongoa'imo kasansala'an sampe to tu'a-tu'anyo anu daagi' mae i hampe i Mesir silakamo.

LUKAS 18:14

“Palesayamo” na koonyo i Yesus, “salatan ninsusule'mo i laigan, topo tage hasin aijo' na tinalima nu Tumpu, misa' mian nu Farisi aijo'. Kalana batu-batu mian anu mohangkat butongnyo otau'akon, ka' batu-batu mian anu montau'akon butongnyo, o hangkat.”

YOHANES 2:25

Madi' pilenje mian mombee'i katalangan hi Ia mongkona mian pa' ihe, kalana nu posi sumbu' pa' apaa na i uno nu kinyonyoa nu mian.

PO'ULE' INGULIT 1:3

Tinoka tanggan saangu bituon sampulu ka'saangu i uno nu taun ko patompulu'nyo salatan aha nompala i Mesir, Musa nompoto'imo bangsa aijo iwi-iwi na pinalentah nu Tumpu da opotokakon hi aha.

PO'ULE' INGULIT 1:33

anu i lumajang i ahop miu da molioi tampat pombauan tahop. Ia nompotiju' jalan hikomiu tempoknyo pihi tuminjo na apu sumo ohi, ka tempoknyo sinaa tuminjo na kunoom sumo ohi.”

PO'ULE' INGULIT 13:3

boli montapali mian aijo'. Tumpu Allah nu belemiu mompake mian aijo' kahanda' da monsobai belemiu kalana ko kahanda' montoa pa' totu-totu'u na belemiu mongkalibosi Tumpu totu-totu'u kabai madi'.

PO'ULE' INGULIT 2:7

O'inau' mosia na Tumpu Allah nu belemiu nombalakatimo belemiu i han iwi-iwi' anu binaumo nu belemiu. Ia nompotuu'mo belemiu tempo'nyo belemiu lewa' nonsongkohi padang bola anu ewa aiya. Ia nonjagai belemiu pinatompulu' na taun ka' nombee'imo belemiu iwi-iwi' na anu opalalui.

PO'ULE' INGULIT 29:5

Patompulu' na taun na kopinnyo Tumpu nolaya'mo belemiu nontulu padang bola, panyo baju' ka' sandaan miu madi' naluso'.

PO'ULE' INGULIT 32:7

O inau' na tempo' naipuan mae, palahatikan na tulunan nu aha anu u'utu mae, Pokilawa hi to tu'a-tu'anyo nu belemiu, da nupoto'i nu aha hi belemiu.

PO'ULE' INGULIT 7:18

Panyo boli okabuhuk na aha; o' inau' apaa na anu binaumo nu Tumpu Allah nu belemiu hi tomundo nu Mesir ka' hi iwi-iwi' na layatnyo.

PO'ULE' INGULIT 8:16

I padang bola Ia nombee'i manna da okaan nu belemiu, kaanon anu ma'isa nusumbu' nu mompolee' miu. Tumpu nompodaagi' aijo' da monsobai belemiu da momposanang kinyonyoa miu, da i mihinyo mae Ia timbali mombau anu ma'ima' hi belemiu.

YAKOBUS 1:3

Kalana osumbu' miu, de komiu tataap palesaya hi Tumpu tempo'nyo nongoa'imo soba'an, ahennyo: komiu timbalimo sabaan.

YAKOBUS 4:10

Tionyo ahi' komiu mompati'alukakon butong hi ahop nu Tumpu, sahingga nu hangkatje nu Tumpu na komiu.

YAKOBUS 4:6

Mau mule' sumo aijo', balakat nu Tumpu anu binee'nyomo hi kita lebe daka' molingkudui pongka'oho' nu rohto aijo'. Mokonyo aijo' i uno nu Kitab nu Tumpu tinulis mule', “Tumpu mompisala'i anu ko bubuun, panyo mule' Ia mongkalibosi mian anu kinyonyoanyo mati aluk.”

1 PETRUS 1:7

Anu nupatui aijo'mo kahanda' momponyata' pa' komiu totu-totu'u palesaya hi Tumpu kabai madi'. Mosoni' pe'e anu timbali ma'idek, o uji' nu apu. Jadi, palesaya miu anu totu-totu'u molingkudui oli nu mosoni', jadi tionyo ahi' o uji' suele da timbali mahoson. Ka' tiba jalan sumo aijo' komiu o puji' ka' o angga'i tiba opopodaka' toka i sinaa-Nyo de i Yesus Kristus po'ule'mo toka.

ANU PINOTO'I HI YOHANES 2:23

Anu mombatuki ia Kupatei suele da iwi-iwi' na jama'at sinsumbu' saba' Akumo na Ia anu mompangalati'i pikilan ka' kinyonyoa nu mian. Komiu Ku balosije sumo apaa na anu binaumo miu i toto samian.

TO MIA-MIAN KOPIAN 2:22

Ku potimbalimo na bansa haha aijo' da monguji' bansa Israel, da Ku sumbu' pa' aha mian nu Israel mongka'oho' mombatuki iwi-iwi' na anu Ku palentahkon susumo mompolee' nu aha kabai madi'.”

TO MIA-MIAN KOPIAN 3:4

Aha jojoong kiijo' mae da timbali batu bau ponguji' bansa Israel. Tiba jalan anu sumo aijo' timbalimo osumbu' pa' bansa Israel mombatuki iwi-iwi' palentah anu binee'mo nu Tumpu hi mompolee' nu aha susumo anu pinoto'imo i Musa.