PO'ULE' INGULIT 8:18 - KITAB NU TUMPU ALLA LELE MA'IMAI'

¹⁸ O' inau' kalana Tumpu Allah nu belemiu na anu mombee'i kakaya'an aijo' hi belemiu.

PO'ULE' INGULIT 8:18 ပူးပေါင်းရင်းမြစ်များ

1 TAWARIKH 29:12

Iwi-iwi' na kakaya'an ka' kabilahian nolengkat mae hi belento; iwi-iwi' nu kuasai nu Belento nu kahosonan ka' kakuasa'an nu Belento anu madi'mo ko anu molingkudui. Belento ko kuasa mompotimbali mian maumo pa' ihe timbali mian anu ko angga'nyo ka' baani.

2 TAWARIKH 25:9

“Panyo mosia na salaka iwi-iwi' anu binee'kumo hi aha?” na koonyo i Amazia. Tinaaman nu nabi aijo', “Tumpu timbali monsule'akon hi belento tomundo lebe manjoo' molingkudui aijo'!”

MAZMUR 144:1

Lengkat hi Daud. Opuji' na Tumpu anu binaumo pihohungan'anku! Ia nompogulu'mo aku nahampate, ka' nongajanmo aku mosia na mahangewa.

MAZMUR 44:3

Posi Belentomo ahi' na nolaa' to bansa-bansa da mian anu palesayamo hi Belento tataapmo ilipu' nu aha. To bansa-bansa sangga'at sinilakanmo nu Belento panyo mian anu palesayamo hi Belento na pinoloasmo ahi' nu Belento da ko pintu-pintuangnyo.

AMSAL 10:22

Ola ahi' kalana balakat nu Tumpu na mian timbali kaya, panyo mokalaja makeke madi' moko ala montuangi halata.'

ANU MOMPOLELE POTATAE NU TUMPU 12:1

O inau' ahi' na anu Nompotimbalimo belemiu daagi pe'e olitau ka' daagi pe'e lalangkoyang, anu ma'isa pe'e tinoka i taun-taun anu saja'mo sinansala. Tempo'nyo aijo' belemiu notataemo, “Kantumuu'aku madi' nohumpak kabilahian.”

ANU MOMPOLELE POTATAE NU TUMPU 9:11

I dunia aiya daagi mule' ko anu tinoangku; pailomba'an madi' saja'mo ko kamanangan na mian anu mopadeka', pahampatean madi' saja'mo ko kamanangan na mian anu mahoson. Mian anu pande madi' saja'mo mohumpak pakalaja'an polioan, ka' mian anu mangalati' madi' saja'mo mohumpak kakaya'an. Ka' mule' suele mian anu ahali madi' saja'mo talasanggo, Kalana maumo ahi' pa' ihe timbali nu tokai mae nu nasib soe'.

YEREMIA 23:27

Tantu nu tutugi nu aha tiba ipion haha aijo' anu nu sisikakon nu aha mian anu palesayamo hi beleng-Ku timbalimo mongkolilimi mae Aku susumo mompolee' nu aha nongkolilimimo mae Aku ka' nonsombahmo Baal.

HOSEA 2:8

Tina nu beleyum madi' toho' mompototu'u saba' Akumo na anu nombee'i ia gandum, anggur, lanya' nu zaitun ka' iwi-iwi na mosoni', salaka, anu pinakenyo nonsombah Baal aijo'.

PO'ULE' INGULIT 26:10

Kalana aijo', o Tumpu, ku sombahkonmo i aiya na isi momona nu ale' anu binee'mo nu belento na tano' hi belengku.’ Lantas potimpasmo na basung aijo' i ahop nu Tumpu Allah nu belemiu ka' sombah na Ia.

PO'ULE' INGULIT 6:11

Laigannyo iwi-iwi' nobuke'mo nu to bala-balang anu to ima-ima', ka' misa' belemiu na nongisii. Komiu montoaje to bubu-bubung ka' misa' belemiu na nongkeke. Belemiu mohumpakmo ale' nu anggur tiba zaitun ka' misa' belemiu na nonsu'ani. De nuboamo nu Tumpu na belemiu i lipu' aijo', ka' iwi-iwi' na anu okahanda'i nu belemiu okaan daagi'mo,

PO'ULE' INGULIT 7:12

“De o intomakon nu belemiu na palentah haha aijo' ka' obau ma'i-ma'ima' saba' Tumpu Allah nu belemiu suele sabole-bole momponyata' palajanjian-Nyo anu binau-Nyomo tiba belemiu. Nu potoaje na kalibosan-Nyo anu saja' Nu bau hi belemiu susumo anu jinanji'Nyomo hi mompolee' nu belemiu.

PO'ULE' INGULIT 7:8

Panyo Tumpu nompile'imo belemiu kalana Ia nongkalibosimo belemiu ka' kahanda'mo momponyata' janji'-Nyo anu binau-Nyomo tiba mompolee' nu belemiu. Mokonyo aijo' Ia momposalamatmo belemiu nu kuasa-Nyo anu daka' hondo, ka' mompobebasmo belemiu temponyo binoatuanan i tomundo Mesir.

PO'ULE' INGULIT 8:1

“Iwi-iwi' na atulan anu binee'kumo hi belemiu sinaa aiya tionyo ahi' obau miu ka' boli panggaga, da belemiu tataap tumuu', mompaka pintuang ka' manjoo'mo ka' jojoongmo i tano' anu jinanji'mo nu Tumpu hi mompolee' nu belemiu.

TO MIA-MIAN KOPIAN 3:7

Aha mian nu Israel binaladosa'mo hi Tumpu, Tumpu Allah nu aha. Aha nongkolilimimo Ia sahingga aha nonsombahmo to pilo-pilogot nu Baal tiba Asyera.

TO MIA-MIAN KOPIAN 7:2

Tumpu notataemo hi Gideon, “Anu monsangalui beleyum talalo manjoo'. Aku madi' mombee'i ka'untungan mahampate hi aha mongewa mian nu Midian, kalana dumo nusangka' nu aha tukoonyo aha inguntung na nahampate kalana posi kahosonan nu aha, sahingga aha madi'mo mompuji' Aku.

1 SAMUEL 2:7

Daagi ko mian anu pinokasiasiNyomo hondo, daagi mule' ko anu pinotimbaliNyomo da kinayamo. Daagi ko mian anu tinau'akonNyomo daagi mule ko mian anu ihangkatNyomo mata-matangkas.