PO'ULE' INGULIT 8:15 - KITAB NU TUMPU ALLA LELE MA'IMAI'

¹⁵ Tumpu nolaya' mae belemiu nongkua mae padang bola anu ewa ka' okabuhuk, ka' manjoo' na ulo anu ko bisa'nyo ka' ko beyua'nyo. I tano' anu mapeges madi' ko ueenyo Ia nompodaagi' uee mo'ili ka' i lubat mae i batu, da belemiu monginum singko-singko ma'osa.

PO'ULE' INGULIT 8:15 ပူးပေါင်းရင်းမြစ်များ

MAZMUR 105:41

Biniha'-Nyo na bungkutnyo nu batu sahingga tinolotimbimo mae na uee, anu no'ilimo susumo kaunyo i tampat padang anu mateges na tano'nyo.

MAZMUR 114:8

anu nombali'imo batu gahanggan da tinimbali talaga nu uee, ka' bungkutnyo nu batu tinimbalimo mata nu uee.

MAZMUR 136:16

I laya'-Nyomo na mian anu pinalesayamo hi Ia notulu i tampat padang anu mateges; kalibosannyo sampe toka sidu-sidutu'.

YESAYA 30:6

Sumo uuka na potuunon nu Tumpu kona hi aha binatang-binatang anu jojoong i tano' sasu salatan, “Tomia-mian anu sinai aijo' nompaha posake'imo keledai tiba unta nu aha anu opalasenakon, lantas nololonga'mo daerah anu manjoo' hondo na anu okabuhuk kalana kajojoongan nu singa, ulo anu kobisa'nyo ka' mule' ulo anu kopolipiknyo. Palasen haha aijo' nu palasombahkon nu aha hi sa'angu' na bansa anu madi' moko ala montulungi aha.

YESAYA 35:7

Bone' anu mapanas timbalimo talaga, tano' anu kinunmo timbalimo kaho mata nu uee. Tampat anu u'utu mae kinajojoonganmo nu dedeng nu kuhat, nu tumuu'imo nu biho' tiba pondan

YESAYA 43:19

Soba palahatikan, Aku mombaumo apaa na anu sala'je obau; uuka aiya tinampu'unanmo pa' ma'isa, o tinoa nu beleyum? Ku baumo na jalan i padang tampat anu mateges, ka' mule' kaunyo i padang tampat anu ewa.

YEREMIA 2:6

Aku madi'mo pinajulian; Aku na nontakamo aha ijalan, ka' nomboamo aha nosabat lengkat mae i Mesir nontulu padang tampat anu bone'on, daerah anu kinunmo ka' kaho lingkobaknyo, ka'mule' nanggasmo ka' okabuhukmo – padang tampat anu madi'mo ojojoongi ka' madi'mo daagi' otului!

HOSEA 13:5

Itano' anu mateges ka' mule' i padang anu ewa, Akumo na anu nonjagai belemiu.

NOMBILANGMO 20:11

Lantas i Musa nohangkatmo tokon aijo' ka' nonsapahi bungkutnyo nu batu aijo' pininduan. Sahingga i lubatmo mae na uee mabohos hondo, sahingga mian iwi-iwi' ka' potuu'on nu aha nonginumo.

NOMBILANGMO 21:6

Sahingga Tumpu nompotokamo mae ulo anu toto bisa-bisa' hi bansa aijo'. Manjoo' na aha mian nu Israel sinilaka binahe' nu ulo haha aijo'.

1 KORINTUS 10:4

ka' nonginum inumon nu Tumpu bubuu' pokakana. Aha iwi-iwi' nonginumo i bungkutnyo nu batu rohani anu nonsangaluimo aha; bungkutnyo nu batu aijo', atina'mo i Kristus.

PO'ULE' INGULIT 1:19

“Salatan susumo anu pinalentakon Tumpu Allahnto kita nompala'i Bungkut nu Sinai ka i lumajang non tulu padang bola anu ewa ka'okabuhuk mokijo da'erah bungkut nu mian Amori.

PO'ULE' INGULIT 32:13

Ia nompotimbalimo aha mongkuasai iwi-iwi' na bungkutnyo; aha mongkaan isi nu ale' ka' monginum juu' nu uani' anu ola i bungkutnyo nu batu. Aha nohumpak lanya' nu kau' zaitun anu tumuu' i tano' anu ko batunyo.