PO'ULE' INGULIT 7:9 - KITAB NU TUMPU ALLA LELE MA'IMAI'

⁹ Otutugi ahi' saba' Tumpu Allah nu belemiu ola sa'a-sa'angu'nyomo Ia na Tumpu Allah, ka' Iamo na Tumpu Allah anu talalo manonong. Tumpu mongganapimo apaa na anu jinanji'-Nyomo ka' nompotoamo kalibosan-Nyo sidu-sidutu' sampe samadala na lapisan nu lee'nyo nu aha mian anu mongkanonongi Ia ka' tulu-tulutan hi iwi-iwi' na palentah-Nyo.

PO'ULE' INGULIT 7:9 ပူးပေါင်းရင်းမြစ်များ

KAJADIAN 17:7

Ku totu'uakonje na palajanjian-Ku hi beleyum, ka' toka-toka hi lee' nu beleyum molundu-lundu, ka' palajanjian aijo' sampe toka sidu-sidutu'. Aku timbalimo Tumpu Allah nu beleyum ka' Tumpu Allah nu lee' nu beleyum.

KAJADIAN 28:15

O inau' Ku tulungi ka' Ku jagai na beleyum, mau mule' pa' moya na beleyum ka' po'ule' Ku boa mae na beleyum i lipu' aiya. Madi' Ku pala'i na beleyum, sampe toka i tempo'nyo de apaa na anu jinanji'-Kumo hi beleyum, Ku baumo iwi-iwi'.”

KAJADIAN 9:15

Aku monginau'mo palajanjian-Ku hi beleyum, ka' hi iwi-iwi' anu ko nyawanyo, aijo'mo iyaba' madi'mo daagi' monsilakai iwi-iwi' anu tumuu'.

1 TOMU-TOMUNDO' 8:23

ka' binalado'a, “O Tumpu, Tumpu Allah nu Israel! Aita' i langit kabai aiya i Tano' madi' ko anu pokakana sumo Belento!

1 TAWARIKH 16:15

Saja' nu inau' na palajanjian-Nyo, anu jinanji'-Nyomo saja' oganapi sampe toka sidu-sidutu'.

2 TAWARIKH 6:14

“O, Tumpu, Tumpu Allah nu Israel! Aita' i langit kabai aiya i tano' madi' ko anu sumo belento! Belento nongganapimo janji' nu Belento ka' nompotoamo kalibosan nu Belento hi mian anu pinalesayamo hi belento, anu mohongo-hongo ka' tulu-tulutan lengkat i konyonyoanyo anu totu-totu'u hondo hi belento.

NEHEMIA 1:5

“O Tumpu Allah anu daka' na kuasanyo kiita' i Suluga'. Belento Tumpu Allah anu Daka' na kuasa nu belento, ka' kami mangadap hi belento mabuhuk hondo. Belento sabole-bole monginau' kami ka' saja' sabole-bole montoongi apaa na anu jinanji'mo nu Belento hi mian anu mongka'ima'i belento ka' sabole-bole montuluti palentah nu Belento.

NEHEMIA 9:32

O Tumpu Allah, Tumpu Allah mami anu mahoson hondo! Tumpu Allah anu daka' na kakuasa'annyo ka' opalias! Otoongi totu-totu'u nu Belento iwi-iwi' apaa na anu jinanji'mo nu Belento; iwi-iwi' na anu jinanji'Mo nu Belento ginanapanmo ka' binaumo nu Belento. Salatanmo pe'e to tomu-tomundo' nu aha Asyur nonsansalamo kami. Sampe uuka aiya nanjoo'mo hondo na kasansala'an anu ingoa'anmo mami. To tomu-tomundo' mami, imam, nabi tiba to tu'a-tu'anyo mami, ka' suele mompolee'mami ka' mule' aha mian da'isan nongoa'imo kasansala'an iwi-iwi'. Boli okolilimi na kasansala'an haha aijo'! Boli madi'mo o'inau' i uno nu pikilan nu Belento!

MAZMUR 103:18

kona hi mian anu montoongi apaa na anu jinanji'-Nyomo, ka' anu tulu-tulutan mombau anu nu palentahkon.

MAZMUR 105:8

Ia madi' mongkolilimi apaa na anu jinanji'-Nyomo anu jinanji'nyomo opake sampe toka sidu-sidutu'.

MAZMUR 119:75

Ku sumbu' na kaputusan nu Belento adin o, Tumpu, Belento nohukumo mae aku kalana Belento nongkanonongi mae.

MAZMUR 146:6

Iamo na nompotimbali langit tiba tano', ambai tiba iwi-iwi' na isinyo; Ia saja' manonong sampetoka sidu-sidutu'.

MAZMUR 36:6

O Tumpu kalibosan nu Belento matangkas hondo sumo langit ka' mule' kanonongan nu Belento toka-tokamo i kundom.

NOSABATMO 20:6

Panyo Ku potoa na kalibosan-Ku hi mada-madala na lee' nu to mia-mian anu mongkanonongi Aku ka' tulu-tulutan hi Palentah-ngKu.

YESAYA 49:7

Tumpu anu susi' anu Momposalamatmo Israel notataemo hi mian anu talalo hondo saja' o, alu, ka' anu oka'ideki nu to bansa-bansa ka' mule' binaumo posaihon nu to mia-mian anu balakuasa, “To tomu-tomundo' montoamo saidi' mae palabuatan-Ku; aha saidi' mae moholomatimo Aku. To mia-mian anu balakuasa saidi' mae suele montoamo ahi' lantas tolodadupumo monsombah.” Han aijo' bisa jadi' kalana Tumpu nompile'imo posaihin-Nyo; Tumpu nu Israel anu susi' madi' mongkolilimi palajanjian-Nyo.

YEREMIA 32:18

Belento nompotoamo kalibosan nu Belento anu sampe toka sidu-sidutu hi aha momada-madala na mian, panyo Belento mule' ahi' mohukum mian kalana dosa' nu tu'anyo nu aha. Belento Tumpu Allah anu talasanggo ka' baani; sanggo nu Belento Tumpu Anu Mahakuasa.

MOHAANGI 3:23

saja' bu'ou de subu-subumo totu'u, Tumpu manonong hondo!

DANIEL 9:4

Iwi-iwi' na dosa' nu bansangku ingakuankumo hi Tumpungku. Aku notatae, “O, Tumpu, belentomo na aku daka'na kakuasa'an, ka' kami mongangga'i Belento. Belento saja' mongganapi palajanjian nu Belento ka' nompotoamo mae kalibosan nu belento anu madi' ko kamingkotannyo hi aha anu mongkalibosi belento ka' mombau anu Nu palentahkon.

NOMBILANGMO 14:18

‘Aku, Tumpu, madi' malia' pusa. Ku potoamo na kalibosan-Ku ka' kanonongan-Ku molabi-labi. Aku mongampuni mian anu baladosa' ka' anu panggaga hi beleng-Ku. Mau mule' sumo aijo', kasala'an nu tu'anyo saidi' mae Ku balosakonje hi to ana-anaknyo ka' hi to maku-makumpunyo, sampe toka i lee'nyo anu ko totolu'nyo ka' ko opatnyo.’

ROMA 8:28

Osumbu'to Tumpu monsipatakon iwi-iwi' na han sahingga mohasinakon anu ma'ima' bau bagi nu to mia-mian anu mongkalibosi Ia, ka' anu ilaga-Nyomo pokakana tiba tanga'an-Nyo.

1 KORINTUS 1:9

Tumpu timbali opalesaya totu-totu'u. Iamo na Tumpu Allah anu nolagamo komiu da timbali mosa'angu' tiba Anak-Nyo, aijo'mo i Yesus Kristus Tumpunto.

1 KORINTUS 10:3

Aha iwi-iwi' nongkaan kaanon nu Tumpu bubuu' pokakana,

1 KORINTUS 8:3

Panyo anu totu-totu'u mongkalibosi Tumpu, ia nusumbu' nu Tumpu.

2 KORINTUS 1:18

Tiba sanggo nu Tumpu anu timbali opalesaya, janji'ku hi kita Utus misa' “Ii'” kabai “Madi'”.

PO'ULE' INGULIT 32:39

Soba toa, olamo Aku sa'a-sa'angu'nyo na Tumpu Allah, madi' ko Tumpu Allah sangga'at, olamo ahi' Aku. Aku mompatei ka' mompotumuu', mombelai ka' mompa'alin. De aku mombaumo apaa na anu ku kahanda'i, madi' ko samian pe'e na anu moko ala mongewa.

PO'ULE' INGULIT 32:4

Tumpu anu baani hondo na Monsangaja'i belemiu, apaa na anu binau-Nyomo na'ima'mo hondo, ka' iwi-iwi' na atulannyo adin hondo. Tumpu Allah nu belemiu madi' baleko' ka' madi' geguan na Ia, Ia saja' mombau anu ma'ima' ka' madi' toho' sala'.

PO'ULE' INGULIT 4:35

Iwi-iwi' aijo' pinotoamo nu Tumpu hi belemiu da bau pomponyata' saba' ola Tumpu, aijo'mo na Tumpu Allah ka' madi'mo ko sangga'atannyo.

PO'ULE' INGULIT 4:39

Kalana aijo' soba ahi' tutugi sinaa aiya ka' bolimo okolilimi, ola Tumpu sa'a-sa'angu'nyomo na Tumpu Allah i langit ka' i dunia; madi' ko anu sangga'at.

PO'ULE' INGULIT 5:10

Panyo Aku mompotoa kalibosan-Ku hi momada-madala na lee' nu to mia-mian anu mongkanonongi Aku ka' tulu-tulutan hi palentah-ngKu.

1 TESALONIKA 5:24

Tumpu anu nolagamo komiu, na nombau han aijo' kalana Ia manonong.

2 TESALONIKA 3:3

Panyo Tumpu mongkanonongi. Ia mompohoson ka' monjagai komiu da te Ibilis madi' mompoposia komiu.

2 TIMOTIUS 2:13

De kita madi'mo tulu-tulutan, Ia tataap mongkanonongi, kalana tanga'an-Nyo madi' timbali madi' pokakana tiba tanga'an nu butong-Nyo.”

TITUS 1:2

Pangajalan aijo' nimpu'u i anu otaha'imani, aijo'mo kita montalimaje kantumuu'an kopian ka' sampe toka sidu-sidutu'. Tumpu Allah nonjanji'mo kantumuu'an aijo' ma'isa pe'e dunia aiya tinimbali – ka' Tumpu madi' toho' baleko'.

IBRANI 10:23

Kita tionyo ahi' mintoongmo hoso-hoson i anu otaha'imaninto, anu ingakuantomo kalana Tumpu timbali opalesaya, ka' apaa na anu jinanji'-Nyomo tionyo ahi' Nupodaagi'.

IBRANI 11:11

Kalana bala'iman, sahingga i Abraham nohumpakmo lee' hi Sarah, maumo i Abraham i langkai'mo hondo, ka' i Sarah mule' i lengke'mo. Pinalesayamo hondo na kinyonyoa i Abraham, kalana nusumbu' tionyo nuganapi nu Tumpu na palajanjian-Nyo.

IBRANI 6:18

Ohua' na han aijo' madi'mo daagi' mongabali': Tumpu madi' toho' baleko' i janji'-Nyo ka' sumpa'-Nyo. Kalana aijo', kita anu ningkongmo hi Tumpu, kinakeha'mo da mahoson na mintoong hi anu otaha'imani anu naningkoyamo i ahopto.

YAKOBUS 1:12

Mohumpak ka'ima'an na mian anu sabaan de ia monta'up soba'an. Kalana de ia moko alamo montahan soba'an aijo', ia mohumpakje tambonyo, aijo'mo kantumuu'an anu jinanji'mo nu Tumpu Allah hi to mia-mian anu mongkalibosi Tumpu.

1 YOHANES 1:9

Panyo de kita mongakui iwi-iwi' na dosa'to hi Tumpu, Ia monsidahakonmo janji'-Nyo ka' mombaumo apaa na anu adin. Ia mongampunimo iwi-iwi' na dosa'to, ka' mompolomasmo kasala'anto iwi-iwi' anu binauntomo.

TO MIA-MIAN KOPIAN 2:1

Malaekat nu Tumpu namba lengkat mae i Gilgal nokiijo' i Bokhim ka' notatae hi aha mian nu Israel, “Aku nonsabatakonmo belemiu lengkat mae i Mesir, ka' nomboamo mae belemiu i lipu' anu jinanji'-Kumo hi mompolee' nu belemiu. Ka' pinoto'ing-Kumo, 'Anu jinanji'-Kumo hi belemiu madi'mo Ku lapasakon.

TO MIA-MIAN KOPIAN 5:31

O amalakon da iwi-iwi' na sampobali' nu belento o Tumpu, mate susumo i Sisera, panyo iwi-iwi' na anu mompahasumbu' belento Tumpu talasanggo susumo jingka aita' i langa! Lapas aijo', madi'mo ko anu nompoposia lipu' aijo' pinatompulu' na taun na kinopinnyo.