PO'ULE' INGULIT 7:6 - KITAB NU TUMPU ALLA LELE MA'IMAI'

⁶ Bau na iwi-iwi' aijo' kalana belemiu anumo nu Tumpu Allah nu belemiu. Iwi-iwi' na bansa anu i dunia aiya belemiumo na anu pinile'anmo nu Tumpu Allah nu belemiu da timbalimo mian anu palesayamo ka' talasanggo.

PO'ULE' INGULIT 7:6 ပူးပေါင်းရင်းမြစ်များ

1 TOMU-TOMUNDO' 3:8

Aku jinojoongmo hinggat-hinggat tiba bansa anu pinile'antomo nu Belento timbal mian anu palesayamo. Aha sa'angu' na bansa anu daka' anu madi' opoko lekeng na konjoo'nyo.

EZRA 9:2

To momo'ane nu aha no'osoamo tiba to boboune nu bansa anu lengkat mae i salipu'an, sahingga mian anu samata-mata anumo nu Tumpu madi'mo tinontilis. Pakalaus anu momonanyo hondo nombau aijo' atina'mo to tu'a-tu'anyo ka' anu kopangkat i Israel.

MAZMUR 114:2

Tumpu nompotimbalimo Yehuda tampat-Nyo anu susi'.

MAZMUR 135:4

Ia nompile'imo i Yakub da nu pake i kapentingan-Nyo, mian nu Israel pinotimbali-Nyomo Ia na tumpunyo.

MAZMUR 50:5

Ia notatae, “Posihukakon iwi-iwi' na mian anu palesayamo hi Beleng-Ku, anu nombaumo palajanjian tiba Aku ka' pinohosonmo nu koloban anu kinolotmo.”

NOSABATMO 6:7

Belemiu Ku boamo i lipu' anu jina-jinanji'-Kumo ka' binauakonmo sumpa' hi Abraham, hi Ishak, ka' hi Yakub; tano' aijo' Ku bee'mo hi belemiu, belemiumo na tumpunyo. Akumo na Tumpu.”

YESAYA 41:8

Panyo beleyum Israel posaihon-Ku, mian anu pinile'an-Kumo beleyum lee' mae i Abram, sampobela'-Ku.

YESAYA 41:9

Beleyum ingalang-Kumo lengkat mae i pupus nu tano' ilagang-Kumo lengkat mae itampat anu toto jo'o-jo'on. Aku notatae, ‘Belentomo na posaihon-Ku; Aku sabole-boleh ahi' montalima anu pinile'an-Kumo.’

YESAYA 6:13

Pakalaus de daagi' ko anu aha sampulu' na mian lantas samian na daagi' jojoong ilipu' aijo' ia suelemo ahi' opatei. Panyo susumo kau' nunuk de otaa'mo daagi' ahi' ko tu'onyo sumo aijo' mule' daagi' ahi' ko tuha'nyo na bansa aijo' anu saidi' mae pomulaian mian anu susi'mo.”

YESAYA 62:12

Aha osanggohimo; ‘Mian anu susi'’; ‘Mian anu pinosalamatmo nu Tumpu’. Yerusalem osanggohimo ‘Kota' anu lewa'mo sinale'an nu Tumpu’, ‘Kota' anu madi'mo daagi' nu pala'i nu Tumpu’.

YEREMIA 2:3

O Israel, beleyum ola Aku na tumpunyo, batu nu kinyonyoangku anu Ku kanonongi. Ku potokamo mae na balaa' hi aha iwi-iwi' nonsaduakonmo beleyum da sinansala, Aku, Tumpu notataemo.”

YEHEZKIEL 20:5

Poto'i apaa na anu tinaloakon-Kumo aiya. Aku nompile'imo Israel ka' binauakon sumpah hi aha. Tempo'nyo i Mesir Aku nanintoamo hi aha ka' nompoto'imo, ‘Akumo na Tumpu nu belemiu.’

IMAMAT 20:24

Tano' anu kaya ka' ma'omuk aijo' jinanji'-Kumo hi belemiu, jadi Ku bee'mo hi belemiu da timbalimo anu nu belemiu. Akumo na Tumpu Allah nu belemiu anu madi'mo nompogalum tiba to bansa-bansa sangga'at.

IMAMAT 20:26

Belemiu madi'mo Ku pogalum tiba bansa-bansa sangga'at da belemiu timbalimo anung-Ku. Belemiu tionyo ahi' susi' kalana Aku na Tumpu ka' mule' Aku susi'.

AMOS 3:2

“Pa' sangkuka na bansang i dunia, ola sa'a-sa'angu'mo na bansa na anu Ku sumbu' ka' Ku palahatikan. Aijo' na sababnyo dosa' nu belemiu talalo daka', ka' Aku totu-totu'u mohukumo belemiu.”

MALEAKHI 3:17

Tumpu Anu Daka' na Kuasanyo notataemo, “Aha timbalimo mian anu palesayamo hi beleng-Ku. Toka isinaanyo Aku momputusimo aha timbalimo. Aku na Tumpunyo ka' Ku kalibosimo. Kukanonongimo na aha, susumo samian na tuuma mongkanonongi anak anu tulu-tulutan hi Ia.

SISIKON NU TO RASUL-RASUL 13:17

Tumpu bansa Israel nompile'imo mompolee'to, ka' nompotimbalimo bansa aiya bansa anu daka' tempo'nyo aha jinojoong i Mesir salaku mian anu isalipu'an. Lapas aitu tiba kuasa anu daka' Tumpu nomboa aha nosabat lengkat i Mesir.

ROMA 9:4

Aha mian anu pinile'anmo ka' Tumpu nompotimbalimo aha to ana-anak-Nyo, ka' nompotoamo kuasa-Nyo hi aha. Ia binajanji'mo tiba aha ka' nombee'imo atulan nu agama hi aha. Tumpu nompoto'i hi aha, mosia na aha tionyo balado'a ka' aha mule' nontalimamo anu jinanji'-Nyo.

PO'ULE' INGULIT 14:2

Belemiu anumo nu Tumpu Allah nu belemiu; iwi-iwi' na bansa i dunia aiya, belemiumo na pinile'an nu Tumpu Allah da timbalimo mian anu palesayamo hi Ia.”

PO'ULE' INGULIT 14:21

Binatang anu mosi pate madi' timbali okaan nu belemiu, panyo mian anu lengkat mae i salipu'an anu jojoong atina' hi belemiu timbali mongkaan kabai opobaluk hi bansa anu lengkat mae i salipu'an. Belemiu mian anu pinosi pogala'mo nu Tumpu Allah da mombau anu Nu pokauhakon. Antoknyo nu anak nu domba kabai anaknyo nu mee' madi' timbali o kola' tiba susu nu tinanyo.”

PO'ULE' INGULIT 26:18

Sinaa aiya, Tumpu nontalimamo belemiu ka' tinimbalimo mian anu pinalesayamo hi Ia susumo anu jinanji'-Nyomo hi belemiu, ka' Ia nompalentahmo belemiu da mombau iwi-iwi' palentah-Nyo.

PO'ULE' INGULIT 26:19

Tumpu nompotimbalimo belemiu lebe daka' molingkudui iwi-iwi' bansa sangga'at anu pinotimbali-Nyomo, ka' belemiu opuji'mo ka' o adatimo. Belemiu tinimbalimo mian anu pinalesayamo hi Tumpu Allah nu belemiu susumo anu jinanji'Nyomo.”

PO'ULE' INGULIT 28:9

De belemiu montulutimo Tumpu Allah nu belemiu, ka' mombaumo palentah-Nyo iwi-iwi', belemiu opotimbalimo mian-Nyo anu pinalesayamo hi Ia, susumo anu jinanji'-Nyomo.

PO'ULE' INGULIT 33:3

Totu-totu'u, Tumpu mongkalibosi bansa-Nyo. Nu jagai na mian iwi-iwi' anu tinimbalimo anu-Nyo. Imbo' da kita tolodadupu i ahop nu tengke-Nyo ka' montuluti iwi-iwi' apaa na anu pinalentahkon-Nyomo.

PO'ULE' INGULIT 4:20

Panyo belemiu bansa anu pinosalamat-Nyomo lengkat mae i Mesir, tampat belemiu nongoa'i sansala anu taha-tahahumo. Belemiu binoa-Nyomo mae nosabat lengkat i lipu' aijo' da timbalimo bansa-Nyo susumo balu-balu'nyo belemiu uuka aiya.

PO'ULE' INGULIT 4:37

Kalana Ia mongkanonongi mompolee' miu sahingga belemiu pinile'an-Nyomo; nu kuasa-Nyo anu daka' hondo ka' belemiu binoa-Nyomo nosabat lengkat mae i Mesir.

TITUS 2:14

Ia nongkulubanakonmo butong-Nyo kalana kahanda' mompobebas kita da iwi-iwi' na anu ma'idek bolimo obaunto, ka' mompotimbalimo kita mian anu binebasmo madi'mo ko dosa'nyo ka' samata-mata iamo na tumpu-Nyo, ka' makekemo na mombau anu ma'ima'.

1 PETRUS 2:9

Panyo belemiu bansa anu pinile'anmo, to ima-imam anu mohongo ka' mombau palentah nu tomundo, bansa anu susi' matungka' bau kapentingan nu Tumpu, mian anu nu Tumpu. Tumpu Allah nompile'imo belemiu ka' nolagamo belemiu nosabat mompala'i mae kapintungan da minsoop i uno nu jingka-Nyo anu lonyingkaban, kahanda'nyo da belemiu mombebakon lele mongkona apa-apaa na anu binau-Nyomo anu madi' opoko lingkudui.

2 PETRUS 2:5

Sumo aitu mule' na dunia tempo'nyo naipuan mae, Tumpu madi' mompojohok aha da opobebas madi' o hukum. Tumpu nompotoka mae iaba' daka' i dunia nu to mia-mian anu ma'idek tempo'nyo aitu. Ola i Nuh tiba popitu' na mian sangga'atnyo na anu pinosalamat, kalana i Nuh nompolelemo lele mongkona kantumuu'an anu nuka'ima'i nu kinyonyoa nu Tumpu.

2 PETRUS 2:9

Jadi, nusumbu' nu Tumpu mosia na momposalamat anu montuluti pongka'oho'-Nyo de aha mongahopimo soba'an-soba'an. Ka' nusumbu' nu Tumpu mosia na mompo'una' to mia-mian anu ma'idek da osakisa i Sinaa Pomputusianmo,

1 SAMUEL 12:22

Tumpu binasumpa'mo, tukoonyo, Ia madi' mompala'i belemiu kalana tinantukan-Nyomo da belemiu opotimbalimo mian anu palesayamo hi Ia.