PO'ULE' INGULIT 7:5 - KITAB NU TUMPU ALLA LELE MA'IMAI'

⁵ Kalana aijo', hobo'akon na mezbah nu bansa haha aijo' anu nupalesaya nu aha ko balakatnyo, tua'akon na anu bau pontandai Asyera, ka' opapui na to pato-patong bapilogotan anu nusombah nu aha.

PO'ULE' INGULIT 7:5 ပူးပေါင်းရင်းမြစ်များ

2 TOMU-TOMUNDO' 10:26

ka' nosabatakonmo patong nu Baal lantas pinapuanmo nu aha.

1 TAWARIKH 14:12

Salatan suludadu nu aha Filistin nopalaimo, aha madi'mo kinokasampatan nomboa to patong-patong nu aha. Pinalentahmo i Daud da patong haha aijo' opapui iwi-iwi'.

2 TAWARIKH 14:3

Pinaha alinannyomo iwi-iwi' na mezbah nu bansa sangga'at ka' iwi-iwi' na tampat ponsomban pilogot. Anu lewa' ototon pontandai pilogot pinaha ideannyomo, ka' to pato-patong nu pilogot Boune Asyera tinua'akonnyomo.

NOSABATMO 23:24

Boli monsombah patong anu monjagai aha ka' boli montiho mosia na aha monsombah. Idei na patong haha aijo' anu monjagai aha ka' hobo'akon na ohi' batu haha aijo' anu nupake nu aha monsombah.

NOSABATMO 32:20

Lapas aijo' ingalanyomo na patong sapi' anu binau nu aha mian Israel haha aijo', ingideannyo, pinahanguja'akonnyo sampe nohimpunyu susumo abu', lantas ginalo'akonnyomo i uee. Lapas aijo' pinokaunyomo na aha mian nu Israel da monginum.

NOSABATMO 34:13

Jadi, boli mombau sumo aijo' panyo hobo'akon na mezbah nu aha, idei na bau ponsomban nu aha pilogot anu nusangka nu aha ko balakatnyo ka' taa' na ohi' nu Asyera, pilogot nu aha.

YESAYA 17:8

Aha madi'mo daagi' montaha'imani hasin nu posi palabuatan nu aha, aijo'mo mezbah-mezbah tampat pompapuan kamangian ka' mule' iwi-iwi na patong Pilogot boune Asyera.

IMAMAT 26:1

Tumpu notataemo, “Boli mombau Bapilogotan kabai mompotinjo patong kabai batu anu o ukin da osombah! Akumo na Tumpu Allah nu belemiu.

NOMBILANGMO 33:52

belemiu tionyo ahi' molaa' iwi-iwi' na anu jojoong i lipu' aijo'. O idei iwi-iwi' na bapilogotan nu aha, anu batu na binau, ka' tambaga ka' mule' tampat bau ponsomban nu aha.

PO'ULE' INGULIT 16:21

De belemiu mombau mezbah nu Tumpu Allah nu belemiu, boli mompokonai patong kau' bau bapilogotan salaku bau pontandai Asyera i sambiha'nyo,

PO'ULE' INGULIT 16:22

ka' boli mompotinjo ohi', bau ponsomban pilogot, kalana Tumpu Allah nu belemiu mongka'ideki palabuatan aijo'.

PO'ULE' INGULIT 7:25

Opapui na to pato-patong nu pilogot anu nusombah nu aha. Boli mongkamilui salaka kabai mosoni' anu kona-kona hi aha ka' boli mongala bau kapalaluan nu posi butong miu. De olanggai miu na palentah aijo' belemiu suele silakamo, kalana Tumpu Allah nu belemiu mongka'ideki de monsombah patong nu pilogot.

PO'ULE' INGULIT 9:21

Patong sapi' logam na tinutuk, i lumbu'akonku i apu. Lantas i hansunanku ka' inguja'ku sampe nahute susumo abu', ka' abu' aijo' i lumbu'akonku i sepe' anu ko ueenyo mo'ili mae lengkat i bungkutnyo aijo'.