PO'ULE' INGULIT 7:3 - KITAB NU TUMPU ALLA LELE MA'IMAI'

³ Belemiu madi' timbali mongosoai aha, ka' boli mompobee' to ana-anak miu mo'osoa ka' aha,

PO'ULE' INGULIT 7:3 ပူးပေါင်းရင်းမြစ်များ

KAJADIAN 24:3

Basumpa' hi Tumpu, Tumpu Allah anu mongkuasai langit ka' tano', saba' beleyum madi' molioi bengkele' i Ishak anakku hi to mia-mian i tano' nu Kana'an aiya.

1 TOMU-TOMUNDO' 11:2

Pinalentahkonmo nu Tumpu tukoo-Nyo mian nu Israel madi' timbali mo osoa mogogalo'an tiba bansa haha aijo', dumo aha saidi' mae monsaduakonmo mian nu Israel monsombahmo to pilo-pilogot sangga'at. Maumo sumo aijo' i Salomo nongosoaimo mule' ahi' aha to bou-boune mian anu isalipu'an.

1 TOMU-TOMUNDO' 16:31

Ma'isa na'osa na ia i kantumuu'annyo lewa' mombau dosa' susumo i Tomundo' Yerobeam, pakalaus ia nongosoai mule' i Izebel anak i Tomundo' Etbaal mian nu Sidon, ka' mule' ia nonsombahmo Baal.

EZRA 10:3

Imbo' da kita basumpa' hi Tumpu Allah, ka' olaa'tomo na boune haha aijo' iwi-iwi' tiba to ana-anak nu aha. Otulutimo mami na pokinde' nu belento iwi-iwi' ka' pokinde' nu mian haha aijo' sangga'at anu mompajuli palentah nu Tumpu Allah. Kami montulutimo Atulan nu Tumpu Allah.

EZRA 9:12

Kami tinewa'mo nu nabi haha aijo' da bolimo mogogalo'an na mo'osoa tiba mian haha aijo', kabai montulungi aha da timbali bilahi kabai da mohumpakmo kantumuu'an anu lebe ma'ima'. De totu-totu'u kami tulu-tulutan, kami mohumpakmo kahosonan ka' mongkaanmo hasin nu tano' aijo' ka' baumo bahagian nu lee' mami sampe toka sidu-sidutu'.

NEHEMIA 10:30

Kami basumpa'mo da madi'mo mogogalo'an na mo'osoa tiba to bansa-bansa sangga'at anu jinojoongmo i lipu' mami aiya.

TO MIA-MIAN KOPIAN 14:3

Panyo tuumanyo tiba tinanyo notatae, “Kadaka' tionyo mamba hi aha mian nu Filistin na pohumpakan bengkele', yo aitu aha madi' minsoop mian anu pinalesayamo hi Tumpu? Te madi' ko anu aiya hi bubu' kita kabai anu hi bansanto iwi-iwi' na madi' ko samian na langkoyang anu mompahakona?” Tinaaman i Simson hi tuumanyo, “Panyo langkoyang nu Filistin aijo'mo na anu ku ka'ima'i. Ka' ku taha'imanimo na belento tuumangku mompokilawakonmo ia da ku alamo.”