PO'ULE' INGULIT 7:26 - KITAB NU TUMPU ALLA LELE MA'IMAI'

²⁶ Boli mompo'una' sa'angu' na patong nu pilogot i uno nu laigan miu, da kutuk anu mongkona ia boli suele mongkona belemiu. Han aijo' tionyo ahi' oka'ideki miu ka' otoa salaku anu madi' ko angga'nyo kalana nukutuki nu Tumpu.”

PO'ULE' INGULIT 7:26 ပူးပေါင်းရင်းမြစ်များ

YESAYA 30:22

Iwi-iwi na patong bapilogotan nu belemiu anu ilapisan nu salaka tiba mosoni' saidi' mae o, alinmo nu belemiu susumo duhehe ka' motatae, “Lako' pala'imo na aku!”

YESAYA 41:24

Memang ahi' belemiu ka' mule' palabuatan nu belemiu imadi'an ahi', ka' anu nusombah nu belemiu ola da okaideki.

YEHEZKIEL 11:18

De aha minsusule'mo mae, iwi-iwi' na pilogot anu mahumimi' ka' okahegati tionyo ahi' nu alin nu aha na anu ingalamo nu aha.

YEHEZKIEL 14:7

Toto samian na aha Israel kabai mian anu isalipu'an mae anu jojoong itina' hi aha bansa Israel anu matijo'onmo madi'mo ohani mae hi belengku ka' mule' mompopalesayamo butong nu aha hi pilogot lantas momoita mule' pokinde' hi samian na nabi, akuje na montaami.

HOSEA 14:8

Aha po ule'mo mae minsusule' hi beleng-Ku ka aha Ku jagaimo. Ka' malia'mo hondo na aha mohumpak kasanangan i uno nu kantumuu'an nu aha sumomo gandum tumuu' i ale' anu tano'nyo ma'omuk, ka' susumo ale' nu anggur susumo uee nu anggur nu Libanon sanggo nu aha talasanggomo i yaya mae.

ZAKHARIA 5:4

Tumpu Anu Daka' na Kuasanyo notataemo tukoo-Nyo pongkutuki aijo' opokona i laigan nu mian anu lewa' mombuling ka' mule' i laigan nu mian anu basumpa' ihan anu madi' totu'u. Laigan haha aijo' saja'mo nu kona nu kutuk sampe timbalimo tambulan nu anu ihansunmo.”

ROMA 2:22

Kita Utus mompogulu' mian da boli masala', yo aitu posi kita Utus masala'! Kita Utus mongka'ideki pilogot, yo aitu posi kita Utus mongala palabuat nu to lai-laigan bapilogotan.

PO'ULE' INGULIT 13:16

Iwi-iwi' na halata' nu anu jojoong i kota aijo' tionyo ahi' otoluki ka' opotambun i tanalapang, lantas iwi-iwi' na halata'nyo tionyo ahi' opapui salaku koloban anu osombahkon hi Tumpu Allah nu belemiu. Lapas aijo' opala'imo nu belemiu da timbalimo tampat salaku bau tanda pinompapuan ka' madi'mo timbali daagi' po'ule' opotinjo.

PO'ULE' INGULIT 13:17

Pakakas haha aijo' anu kinutukanmo madi'mo timbali opo'una' da bau pakakas miu, panyo tionyo ahi' o ideimo hondo totu-totu'u. Da madi'mo Tumpu motambuha' ka' Ia mongkalibosimo belemiu. Ia mongkanonongimo belemiu ka' mompotimbalimo belemiu bansa anu daka' susumo anu jinanji'-Nyomo hi mompolee' nu belemiu,

PO'ULE' INGULIT 13:18

asan belemiu montuluti totu-totu'u iwi-iwi' na palentah-Nyo anu pinotokakonkumo hi belemiu sinaa aiya, ka' mombau iwi-iwi' apaa na anu Nu ka'ima'i.”