PO'ULE' INGULIT 7:25 - KITAB NU TUMPU ALLA LELE MA'IMAI'

²⁵ Opapui na to pato-patong nu pilogot anu nusombah nu aha. Boli mongkamilui salaka kabai mosoni' anu kona-kona hi aha ka' boli mongala bau kapalaluan nu posi butong miu. De olanggai miu na palentah aijo' belemiu suele silakamo, kalana Tumpu Allah nu belemiu mongka'ideki de monsombah patong nu pilogot.

PO'ULE' INGULIT 7:25 ပူးပေါင်းရင်းမြစ်များ

2 TOMU-TOMUNDO' 23:14

Tugu iwi-iwi' nu pilogot tiba patong boune Asyera ihobo'akonmo lantas tano' anu pinombauan tugu haha aijo' tiba patong haha aijo' tinambulanmo i Yosia nu to buku-buku nu manusia.

1 TAWARIKH 14:12

Salatan suludadu nu aha Filistin nopalaimo, aha madi'mo kinokasampatan nomboa to patong-patong nu aha. Pinalentahmo i Daud da patong haha aijo' opapui iwi-iwi'.

NOSABATMO 20:17

Boli mongkamilui anu nu mian sangga'at: laigannyo, bengekele'nyo, to posa-posaihonnyo, potuu'onnyo, keledainyo, kabai mau mule' pa' apaa na anunyo.”

NOSABATMO 32:20

Lapas aijo' ingalanyomo na patong sapi' anu binau nu aha mian Israel haha aijo', ingideannyo, pinahanguja'akonnyo sampe nohimpunyu susumo abu', lantas ginalo'akonnyomo i uee. Lapas aijo' pinokaunyomo na aha mian nu Israel da monginum.

NOSABATMO 8:26

“Sahanyo boli,” tinaaman i Musa, “kalana mian nu Mesir madi'mo sanang na kinyonyoa de montoamo anu osombahkon mami aijo', ka' tantu kami opahambunu'akonmo nu batu sampe mate.

YESAYA 30:22

Iwi-iwi na patong bapilogotan nu belemiu anu ilapisan nu salaka tiba mosoni' saidi' mae o, alinmo nu belemiu susumo duhehe ka' motatae, “Lako' pala'imo na aku!”

YESAYA 41:24

Memang ahi' belemiu ka' mule' palabuatan nu belemiu imadi'an ahi', ka' anu nusombah nu belemiu ola da okaideki.

IMAMAT 13:52

Imam tionyo ahi' mompapuimo balang aijo' kalana anu nahu'mo aijo' sumomo gampanyo nu anu molele, jadi tionyo ahi' opapuimo.

IMAMAT 19:4

Boli monsombah pilogot. Boli mongala besak mosoni', tambaga, salaka obau patong ka' osombah na ia. Akumo na Tumpu Allah nu belemiu.

ZEFANYA 1:3

iwi-iwi' na mian tiba binatang sagalamo tomonsi' tiba ikan. Mian anu ma'idek na kinyonyoanyo Ku hopu'imo. Iwi-iwi' na mian Ku silakaimo madi'mo ko samian na anu Ku potumuu'. Aku, Tumpu na notataemo.

PO'ULE' INGULIT 12:3

Hobo'akon na mezbah nu aha haha aijo' ka' pahantutukakon na ohi' batu haha aijo' anu nusangka nu aha ko balakatnyo. Papui na anu bau pontandai Asyera ka' hansuni na to pato-patong bapilogotan nu aha, sahingga pilogot haha aijo' madi'mo osombah i tampat nu aha haha aijo'.

PO'ULE' INGULIT 13:16

Iwi-iwi' na halata' nu anu jojoong i kota aijo' tionyo ahi' otoluki ka' opotambun i tanalapang, lantas iwi-iwi' na halata'nyo tionyo ahi' opapui salaku koloban anu osombahkon hi Tumpu Allah nu belemiu. Lapas aijo' opala'imo nu belemiu da timbalimo tampat salaku bau tanda pinompapuan ka' madi'mo timbali daagi' po'ule' opotinjo.

PO'ULE' INGULIT 17:1

Boli monsombahkon sapi' kabai domba anu ko ponyakitnyo hi Tumpu Allah nu belemiu, kalana Nu ka'ideki.

PO'ULE' INGULIT 23:18

Ka' mule' suele doi anu o humpak nu aha kalana masala' aijo' madi' timbali oboa i laigan nu Tumpu Allah nu belemiu bau pombayan anu i niatakonmo, kalana Tumpu Allah nu belemiu mongka'ideki anu masala' i tampat-tampat ponsomban pilogot ka' tambonyo nu aha anu nasala'mo.

PO'ULE' INGULIT 27:15

Aha mian nu Lewi montaloakon: ‘Kutukiakon na mian anu mombau batu opotimbali patong, kau', kabai logam, ka' mule' oposuluk na monsombah ia; Nuka'ideki nu Tumpu na monsombah pilogot!’ Iwi-iwi' na mian da'isan montaami: ‘Amin!’

PO'ULE' INGULIT 7:16

Batu-batu bansa anu nubee'mo nu Tumpu Allah nu belemiu da okuasaimo nu belemiu tionyo ahi' opateimo nu belemiu; boli mompotoa kalibosan hi aha. Boli monsombah to pilo-pilogot nu aha, kalana kalakuan anu sumo aijo' mompotoka mae balaa' hi belemiu.

PO'ULE' INGULIT 7:5

Kalana aijo', hobo'akon na mezbah nu bansa haha aijo' anu nupalesaya nu aha ko balakatnyo, tua'akon na anu bau pontandai Asyera, ka' opapui na to pato-patong bapilogotan anu nusombah nu aha.

YOSUA 7:1

Tumpu nompalentahmo aha mian nu Israel da iwi-iwi' na anu kiijo' i kota Yerikho, tionyo ahi' ohopu'imo iwi-iwi', maumo ola sa'angu' madi' timbali o ala. Panyo palentah aijo' madi' tinulutan nu aha. Samian na mo'ane sanggonyo i Akhan madi'mo nompajuli palentah aijo', sahingga Tumpu talalomo hondo nontambuha'i aha mian nu Israel. (Tuumanyo i Akhan sanggonyo i Karmi ka' utusnyo tu'a sanggonyo i Zabdi minsoop tompukan i Zerah tulunan mae nu bansa Yehuda.)

YOSUA 7:21

To bala-balang anu ihumpakto nahampate, sala'sa'angu' tinoangku jubah anu ma'ima' hondo, anu kina'ut nu aha Babilonia, ka' suele salaka ku gantang ohua' na kilogram ka' sangkolong na mosoni' mintonga' na kilogram ko labinyo sangkiding. Kinamiluankumo hondo na balang haha aijo', sahingga ingalangkumo ka' pinosulukumo i uno nu tano' kiijo' i kemah-ku; salaka kaiyong i aluknyo hondo-hondo.”

ANU PINOTO'I HI YOHANES 17:5

I siakannyo tuli-tulis sa'angu' na sanggo anu madi' osumbu-sumbu' na alati'nyo. Sanggo aijo', aijo'mo Babel Anu Daka'; tina nu iwi-iwi' mian masala' ka' mian anu palaganta i dunia.