PO'ULE' INGULIT 7:24 - KITAB NU TUMPU ALLA LELE MA'IMAI'

²⁴ Ia mombee'mo tomundo nu aha haha aijo' hi belemiu. Opateimo nu belemiu na aha, ka' sanggo nu aha okolilimimo nu belemiu. Samian pe'e madi' moko ala mongewa mongahopi belemiu,

PO'ULE' INGULIT 7:24 ပူးပေါင်းရင်းမြစ်များ

MAZMUR 9:5

Kalana Belento mompalentah salaku mian kopian anu adin hondo; Belento nontinjohimo mae palakalangku.

NOSABATMO 17:14

Notataemo na Tumpu hi Musa, “Tulis na ka'untungan aiya nahampate, da saja' o inau'. Poto'i hi Yosua taalu' Aku nompateimo mian nu Amelek.”

AMSAL 10:7

Saja' o inau' na mian anu manonong, aijo' salakumo sa'angu' na balakat; panyo mian anu ma'idek na kinyonyoanyo malia' hondo okolilimi.

YESAYA 54:17

Panyo toto sa'angu' na toongon anu tinutukmo mongewa beleyum, madi' kino hasinnyo. Ka' toto sa'angu' na tuduhan i uno nu pomputusianmo palakala nu pobukutimo taalu aijo' sala'. Ku bee'ije palasen salaku tanda imenangmo hi to posa-posaihon-Ku,” sumo aijo' na koonyo nu Tumpu.

YEREMIA 10:11

Belemiu o manusia tionyo ahi' mompoto'i hi aha taalu' to pilo-pilogot anu madi' nompotimbali langit tiba tano' aijo' opateimo. Aha madi'mo daagi' tumuu' itano' aiya.)

ZEFANYA 1:4

Kuhukumo na mian anu jojoong i Yerusalem ka' anu i songko-songko na Yehuda. Tuha' nu anu lewa' bau ponsomban Baal Ku hansunimo na anu i tampat-tampat haha aijo'. To mia-mian anu lewa' mombau ada-adat nu Baal okolilimimo madi'mo daagi o'inau'.

ROMA 8:37

Madi'! Ola o i uno iwi-iwi' aijo' kita mohumpakmo ka'untungan anu sukup lengkat hi Ia anu mongkalibosi kita!

1 KORINTUS 15:57

Panyo talima kase hi Tumpu; Ia nombee'imo kita ka'untungan da madi'mo nu kuasai nu dosa', anu tinalimantomo hi Yesus Kristus Tumpunto!

PO'ULE' INGULIT 11:25

Songko-songko na lipu' haha aijo' nupotimbalije nu Tumpu Allah nu belemiu na to mia-mian mabuhuk hi belemiu susumo anu jinanji'-Nyomo hi belemiu, sahingga madi' ko samian pe'e na moko ala mompoliwa' belemiu.

PO'ULE' INGULIT 25:19

Mokonyo aijo' de Tumpu Allah nu belemiu mombee'mo lipu' aijo' hi belemiu ka' iwi-iwi' na sampobali' nu belemiu anu kiijo' mae montikubi belemiu madi'mo mompoposia belemiu iwi-iwi' na mian nu Amalek aijo' tionyo ahi' opatei miu sahingga aha madi'mo lewa' o inau'. Boli okolilimi!”

PO'ULE' INGULIT 29:20

Tumpu madi' mongampuni mian anu susumo aijo'. Panyo ola ahi' mohumpakmo tambuha' nu Tumpu anu taha-tahahumo, ka' iwi-iwi' na balaa' anu tinulismo i kitab aiya mongkonamo ia, sahingga ia nupateimo nu Tumpu.

PO'ULE' INGULIT 9:14

Boli soba-soba mongewa Aku. Ku silakaimo na aha, sahingga aha madi'mo daagi' o'inau'. Panyo beleyum Ku potimbalimo Tuuma nu sa'angu' na bansa anu lebe da'isan ka' lebe mahoson molingkudui aha.’

PO'ULE' INGULIT 9:3

Panyo uuka aiya posi toaje nu belemiu mosia na Tumpu Allah nu belemiu lumajang momona lantas belemiu i mihi-mihije susumo apu anu mompapui. Ia na mompatundu' aha i ahop nu mata miu, sahingga belemiu moko ala molaa' ka' sangkinihap na monsilakai aha susumo anu jinanji'mo nu Tumpu.

YOSUA 1:5

Madi' ko samian pe'e na anu moko ala mohungku'i beleyum, Yosua de beleyum daagi' tumuu': Kalana Aku saja' monsangalui susumo naipuan mae Aku nonsangaluimo i Musa. Aku madi' mompala'i beleyum.

YOSUA 10:23

Liang aijo' binukaanmo, lantas to tomu-tomundo nu Yerusalem, Hebron, Yarmut, Laghis ka' Eglon sinabatakonmo mae,

YOSUA 10:40

Songko-songko na lipu' haha aijo' pinatundu'mo i Yosua. Ia nompatundu'mo tomundo haha aijo' anu i da'erah nu bungkutnyo, i tengkenyo nu bungkutnyo haha aijo' i sasu kabete'an, i tengke nu bungkutnyo haha aijo' sasu kinsoban ka' songko-songko na padang sasu selatan. Mau pe'e ola samian madi'mo daagi' ko anu pinotumuu'; iwi-iwi' pinateanmo. Aijo' binau susumo anu pinalentahkonmo nu Tumpu, Tumpu Allah nu aha Israel.

YOSUA 10:42

Ola minsan na nahampate, i Yosua nohungku'imo tomundo haha aijo' iwi-iwi' ka' nompatundu'mo da'erah iwi-iwi' anu nu kuasai nu aha, kalana Tumpu, Tumpu Allah nu Israel nahampatemo nonsangalui Israel.

YOSUA 10:8

Tumpu notataemo hi Yosua, “Boli mabuhuk hi aha. Ka'untungan mahampate Ku bee'mo hi belemiu, kalana aijo' samian pe'e na aha madi' moko ala totahan mongewa belemiu.”

YOSUA 11:17

Ko ewanyo nu da'erah aijo' lengkat pe'e mae i Bungkutnyo anu Madi' ko anu tumuu' i sasu selatan koko Edom, toka-toka i sasu utara kojo'onnyo toka-toka i Baal-Gad i Bangka'nyo nu Libanon sasu selatan Bungkutnyo nu Hermon. Pinin hondo na i Yosua nahampate tiba to tomu-tomundo i da'erah aijo', panyo ahennyo pinaha hakopnyomo na aha ka' pinateannyomo na aha iwi-iwi'.

YOSUA 21:44

Jadi susumo apaa na anu jinanji'mo nu Tumpu hi mompolee' nu aha, lipu' aijo' madi'mo ko anu mompoposia kalana saja'mo nujagai nu Tumpu. Sampobali' nu aha iwi-iwi' madi' ko samian pe'e na moko ala mongewa aha, kalana Tumpu na mombee'i ka'untungan mahampate hi aha mian nu Israel de ihe na aha iwi-iwi' anu monsampobali' aha Israel.

YOSUA 23:3

Belemiu nontoamo iwi-iwi' apaa na anu binaumo nu Tumpu Allah nu belemiu kona hi bansa iwi-iwi' i aiya kalana montutugi belemiu. Aha nahampate monsangaja'i belemiu aijo'mo Tumpu Allah nu belemiu.

YOSUA 23:9

Bansa anu toto daka-daka' ka' mahoson i laa'mo nu Tumpu da mompala'i belemiu; aha aijo' madi' ko anu moko ala mongewa belemiu.

YOSUA 6:2

Tumpu notataemo hi Yosua, “Uuka aiya Ku bee'mo hi beleyum na Yerikho tiba tomundo'nyo ka' suludadunyo iwi-iwi' anu singkaap baani aijo'.