PO'ULE' INGULIT 7:21 - KITAB NU TUMPU ALLA LELE MA'IMAI'

²¹ Jadi boli mabuhuk hi bansa haha aijo'. Tumpu Allah nu belemiu na monjagai belemiu. Ia Tumpu Allah anu talasanggo ka' okabuhuk.

PO'ULE' INGULIT 7:21 ပူးပေါင်းရင်းမြစ်များ

2 TAWARIKH 32:8

Ia ola kalana montaha'imani kahosonan nu manusia, panyo kita ko Tumpu Allah-nto na montulungi ka' mahampate monsangaja'i kita.” Salatan nohongomo potatae nu tomundo nu aha aijo', mian da'isan binaanimo.

NEHEMIA 1:5

“O Tumpu Allah anu daka' na kuasanyo kiita' i Suluga'. Belento Tumpu Allah anu Daka' na kuasa nu belento, ka' kami mangadap hi belento mabuhuk hondo. Belento sabole-bole monginau' kami ka' saja' sabole-bole montoongi apaa na anu jinanji'mo nu Belento hi mian anu mongka'ima'i belento ka' sabole-bole montuluti palentah nu Belento.

NEHEMIA 4:14

Salatan tinoangku taalu' mian da'isan nabuhukmo ahi', pinoto'ingkumo hi aha ka' hi to tu'a-tu'anyo ka' hi to pola-polaya', “Boli mabuhuk hi sampobali'! Boli okolilimi na Tumpu anu mahoson ka' baani ka' pahampatemo, tinjohakon na to utu-utus nu belemiu, to ana-anak nu belemiu, bengkele' ka' laigan nu belemiu!”

NEHEMIA 9:32

O Tumpu Allah, Tumpu Allah mami anu mahoson hondo! Tumpu Allah anu daka' na kakuasa'annyo ka' opalias! Otoongi totu-totu'u nu Belento iwi-iwi' apaa na anu jinanji'mo nu Belento; iwi-iwi' na anu jinanji'Mo nu Belento ginanapanmo ka' binaumo nu Belento. Salatanmo pe'e to tomu-tomundo' nu aha Asyur nonsansalamo kami. Sampe uuka aiya nanjoo'mo hondo na kasansala'an anu ingoa'anmo mami. To tomu-tomundo' mami, imam, nabi tiba to tu'a-tu'anyo mami, ka' suele mompolee'mami ka' mule' aha mian da'isan nongoa'imo kasansala'an iwi-iwi'. Boli okolilimi na kasansala'an haha aijo'! Boli madi'mo o'inau' i uno nu pikilan nu Belento!

MAZMUR 27:1

Mazmur i Daud. Tumpu aijo'mo na jingkaku ka' kasalamatanku, madi'mo ko anu ku kabuhuk. Tumpu aijo'mo na benteng bau pihohunganku, aku madi'mo mabuhuk.

MAZMUR 46:11

Ia notatae, “Belentimo na mahampate; da osumbu' saba, Akumo aiya na Tumpu, Aku talasanggo madi' pokakana bansa-bansa, talasanggo isongko-songko na dunia.”

MAZMUR 46:5

Daagi' ko kaunyo anu mo ili mae mompolame'mo kota' nu Tumpu, tampat kajojoong nu Tumpu Anu Matangkas na Kuasa-Nyo.

MAZMUR 46:6

Tumpu jojoong kiita' mae, sahingga kota aijo' madi' hansun; Ia na montulungi mae salatan jingka bete'mo mae.

MAZMUR 46:7

Tumpu notataemo mae susumo gohung na onyi'nyo, sahingga tano' nohintutumo; to bansa-bansa kinalangkabutmo, to kara-karaja'an nahungku'mo.

MAZMUR 47:2

Pohapa'i lima lame-lame', o iwi-iwi' na bansa! Opuji' na Tumpu ka' pontaligalai!

MAZMUR 68:35

Akuimo na kakuasa'an nu Tumpu anu mongkuasai aha bansa Israel, kuasa-Nyo toka-toka kiita' mae i langit.

MAZMUR 89:8

Belento oholomati nu aha to mia-mian anu susi', nakabuhuk hondo nu aha iwi-iwi' anu montikubi mae Belento.

MAZMUR 95:3

Kalana Tumpu aijo'mo na Tumpu anu talasanggo hondo, Tomundo' anu baani, anu molingkudui iwi-iwi' na pilogot.

NOSABATMO 29:45

Aku jojoongmo hi aha bansa Israel ka' timbalimo Tumpu Allah nu aha.

DANIEL 9:4

Iwi-iwi' na dosa' nu bansangku ingakuankumo hi Tumpungku. Aku notatae, “O, Tumpu, belentomo na aku daka'na kakuasa'an, ka' kami mongangga'i Belento. Belento saja' mongganapi palajanjian nu Belento ka' nompotoamo mae kalibosan nu belento anu madi' ko kamingkotannyo hi aha anu mongkalibosi belento ka' mombau anu Nu palentahkon.

NOMBILANGMO 14:14

ka' aha monsisikje hi to mia-mian i lipu' aijo', anu nohongomo taalu' Belento, Tumpu, nonsangaluimo mae kami. Aha nohongomo mule' taalu' Belento, Tumpu, nanintoamo hi kami tempo'nyo Belento i lumajangmo namba momona hi kami i uno nu kundom de sinaamo, ka' i uno nu apu de pihimo.

NOMBILANGMO 14:42

Boli mamba! Belemiu nupatundu'mo nu anu monsampobali' belemiu kalana Tumpu madi' monsangalui belemiu.

NOMBILANGMO 14:9

Boli panggaga hi Tumpu, ka' boli mabuhuk hi mian haha aijo' anu jojoong i lipu' kiijo', kalana dengke na kita mompatundu' aha. Anu monjagai aha nompala'imo aha, panyo Tumpu na monsangalui ahi kita. Jadi, boli mabuhuk.”

NOMBILANGMO 16:3

Aha hingga-hinggat nambamo nangadap hi Musa ka' hi Harun ka notatae, “Sukupmo aijo', Musa! Iwi-iwi' na aha mian Israel samata-mata baumo kapalaluan nu Tumpu, ka' Tumpu daagi'mo aiya hi kita iwi-iwi'. Panyo kadaka' beleyum monsangkamo butong nu beleyum lebe ko angga'nyo molingkudui mian anu pinalesayamo hi Tumpu?”

NOMBILANGMO 21:34

Tumpu notataemo hi Musa, “Boli mabuhuk hi ia. Ku bee'ije kauntungan de mahampate na beleyum. Ohungku'ije nu beleyum na ia, iwi-iwi' na miannyo ka' lipu'nyo. Yayamo na mombau aha susumo anu binaumo nu beleyum hi Tomundo Sihon anu nompalentahmo kiijo' mae i Hesybon.”

NOMBILANGMO 23:21

Hi Yakub madi' tinoa na hahan anu ma'idek; hi Israel madi' tinoa na kasusa'an. Tumpu, Tumpu Allah nu aha, monsangalui aha. Aha lewa'mo noloboo'akon; Iamo na Tomundo!

NOMBILANGMO 9:20

Panyo toto minsan ola to pia-pian sinaa na kundom aijo' mohohungi Kemah aijo'. Maumo pa' mosia, palentah ahi' nu Tumpu na montantukan aha jojoong i sa'angu' na tampat kabai pa' mambamo.

1 KORINTUS 14:25

Hahan anu sulu-suluk i kinyonyoanyo osisikakonmo, sahingga ia madi'mo kobubuun, lantas monsombahmo Tumpu. Ia mangakumo taalu' totu-totu'u Tumpu daagi' ko anu itina' hi komiu.

PO'ULE' INGULIT 1:21

Belengku notatae: Uka komiu timokamo i da'erah bungkut nu mian Amori, tano anu bine'mo hi kita i Tumpu-Allahnto ka Allah mompole'to. Toa i ahop miu tala-tala na tano' aijo. Lako'mo patundui susumo anu pinalentah nu Tumpu. Bolimo bata-bata kabai mabuhuk.

PO'ULE' INGULIT 10:17

Tumpu Allah nu belemiu i bawo nu iwi-iwi' na pilogot ka' molingkudui iwi-iwi' na kuasa. Ia Tumpu Allah anu talasanggo ka' daka' na kuasa-Nyo ka' anu tionyo ahi' otuluti. Ia madi' mongka'ima'i momposambiha' ka' madi' mongka'oho' da otamboi asan opo'untung i palakala.

PO'ULE' INGULIT 20:1

“De belemiu mambamo mahampate mongewamo sampobali' nu belemiu, boli mabuhuk na montoa kareta anu nupake mae nu aha mahampate ka' ajahan nu aha manjoo' ka' suludadu nu aha anu konjoo'nyo molingkuduimo konjoo'nyo nu belemiu. Tumpu Allah nu belemiu anu nompobebasmo belemiu lengkat mae i Mesir, na montulungi belemiu.

PO'ULE' INGULIT 25:8

Lantas to pola-polaya' nu kota tionyo ahi' molaga mian aijo' ka' mompoto'i hi ia. De ia tataap madi' mongala,

PO'ULE' INGULIT 31:17

De aijo' obaumo, Ku tambuha'imo hondo-hondo na aha. Aha Ku pala'imo ka' Ku pateimo. Manjoo' na balaa' anu okabuhuk, montokaimo aha, lantas aha sinsumbu'je, ka' motatae taalu' anu jinadimo aijo' kalana Aku, Tumpu Allah nu aha madi'mo daagi' monsangaja'i aha.

YOSUA 3:10

De belemiu mokiijo'mo mongahopimo aha, matantumo na Tumpu molaa'mo aha mian nu Kana'an, Het, Hewi, Feris, Gergasi, Amori tiba Yebus. Ka' salatan Peti' Palajanjian nu Tumpu hau-haunyomo motaap i Kaunyo nu Yordan mamba momona, lantas belemiu imihi-mihije otoamo nu belemiu na Tumpu Allah anu tumuu' atina' hi belemiu.

YOSUA 8:1

Tumpu notataemo hi Yosua, “Posihuk mae na suludadu nu beleyum iwi-iwi', ka' lako'mo tiba aha mamba i Ai. Boli hente na kinyonyoa ka' boli mabuhuk! Ku bee'mo hi belemiu na tomundo nu Ai, kalana opatundu'mo nu belemiu na aha. Layatnyo, kota'nyo, lipu' nu aha opatundu'mo nu belemiu.

1 SAMUEL 4:8

Memang kita matemo! Ihe na moko ala momposalamat kita de kita mompaha bali'mo tiba pilogot haha kiijo' anu baani hondo? Temisa pilogotmo haha kiijo' na nompatei aha mian nu Mesir i padang bone'naipuan mae?