PO'ULE' INGULIT 7:16 - KITAB NU TUMPU ALLA LELE MA'IMAI'

¹⁶ Batu-batu bansa anu nubee'mo nu Tumpu Allah nu belemiu da okuasaimo nu belemiu tionyo ahi' opateimo nu belemiu; boli mompotoa kalibosan hi aha. Boli monsombah to pilo-pilogot nu aha, kalana kalakuan anu sumo aijo' mompotoka mae balaa' hi belemiu.

PO'ULE' INGULIT 7:16 ပူးပေါင်းရင်းမြစ်များ

MAZMUR 106:34

To bansa-bansa sangga'at madi'mo pinatean nu aha ingko-ingkot, susumo anu pinalentahkonmo nu Tumpu.

MAZMUR 106:36

Lantas aha nonsombahmo to pilo-pilogot ka' aijo'mo na nonsaduakon sanggo nu aha madi'mo na'ima'.

NOSABATMO 23:33

Boli mompobee' mian haha aijo' jojoong i lipu' nu belemiu da belemiu boli monsombah to pilo-pilogot nu aha, ka' baladosa'mo hi beleng-Ku. De belemiu monsombahmo pilogot nu aha haha aijo', belemiu nukonamo nu ponggoda nu aha sahingga belemiu silakamo.”

YEREMIA 21:7

Beleyum tiba aha mian anu kopangkatnyo ka' mule' anu madi' silaka i uno nu pahampatean, kasusa'an i anu okaan, tiba panyakit anu molele, iwi-iwi' Ku pojohokmo da nu hakop i Tomundo' Nebukadnezar tibamo sinin na sampobali' nu belemiu anu kahanda'mo mompatei belemiu. Nu pateimo i Nebukadnezar na belemiu iwi-iwi' madi'mo daagi' ko ampunnyo ka' mule' madi'mo daagi' kokalibosan. Aku, Tumpu notataemo.”

NOMBILANGMO 33:55

Panyo de anu jojoong i lipu' aijo' madi' o laa' nu belemiu mian haha aijo' anu sabole-bole jojoong ikiijo' saidi' mae momposusa'mo belemiu sumomo bone' i mata nu belemiu kabai hii' i tengke nu belemiu. Saidi' mae ahamo na mompahampateakon belemiu.

1 KORINTUS 15:33

Boli o akali! Po'imboan anu ma'idek mongidei kalakuan anu ma'ima'.

PO'ULE' INGULIT 13:8

boli o hongo na ia ka' boli opobee' na butong nu belemiu nupagala nusale'i nu aha. Boli mule' mongkalibosi kabai monsangaja'i mian aijo'.

PO'ULE' INGULIT 13:9

Ia tionyo ahi' opahambunu'akon nu batu sampe mate. Beleyum na tionyo ahi' momona mombunu' ia, lapas aijo' nubatukije nu mian da'isan. Mian anu ko sala'nyo aijo' tionyo ahi' opatei, kalana ia ko kahanda' mompojo'on belemiu hi Tumpu Allah nu belemiu anu nompobebasmo kita tempo'nyo binau botuan i Mesir.

PO'ULE' INGULIT 19:13

Boli mongkalibosi ia. Pobebas na Israel da boli opatei susumo aijo'; da mohumpak ka'ima'an.”

PO'ULE' INGULIT 19:21

Boli ko pikilan molibos i palakala haha aijo'. Hukumannyo aijo'mo: Nyawa bolosnyo nyawa, mata bolosnyo mata, bese' bolosnyo bese', lima bolosnyo lima ka' tengke bolosnyo tengke.”

PO'ULE' INGULIT 25:12

patagakon na lima nu boune aijo' boli mongkalibosi ia.

PO'ULE' INGULIT 7:2

De Tumpu Allah nu belemiu mombee'mo bansa haha aijo' da okuasaimo miu ka' opatundu'mo nu belemiu na aha, pateimo na aha iwi-iwi'. Boli mongkalibosi aha kabai mojanji' tiba aha.

PO'ULE' INGULIT 7:25

Opapui na to pato-patong nu pilogot anu nusombah nu aha. Boli mongkamilui salaka kabai mosoni' anu kona-kona hi aha ka' boli mongala bau kapalaluan nu posi butong miu. De olanggai miu na palentah aijo' belemiu suele silakamo, kalana Tumpu Allah nu belemiu mongka'ideki de monsombah patong nu pilogot.

YOSUA 11:20

Pinobaanimo nu Tumpu na aha da jukut na mahampate tiba aha mian nu Israel da aha ohopu'imo ka' opateimo iwi-iwi' madi'mo daagi' ko ampunnyo susumo anu pinalentahkonmo nu Tumpu hi Musa.

TO MIA-MIAN KOPIAN 2:3

Jadi, uuka aiya potombihing! Aku madi' molaa' to mia-mian nu lipu' aiya de belemiu mahampate tiba aha. Aha timbalimo sampobali' nu belemiu, ka' belemiu mohongo-hongomo apaa na anu nupoto'i nu aha, sahingga belemiu monsombahmo suele to pilo-pilogot nu aha.”

TO MIA-MIAN KOPIAN 3:6

Aha mian nu Israel nompaha oso-osoaimo bansa haha aijo' ka' suele nonsombahmo to pilo-pilogot nu aha.

TO MIA-MIAN KOPIAN 8:27

Mosoni' haha aijo', binau i Gideon sa'angu' na patong bapilogotan lantas pino'una'nyomo i kampungnyo, aijo'mo i Ofra. Aha mian nu Israel iwi-iwi' mamba mokiijo' monsombah patong bapilogotan sahingga aha madi'mo daagi' nontapali Tumpu Allah. Ka' aijo' tinimbalimo salaku sumo so'o hi Gideon tiba hi aha sa'anakan.