PO'ULE' INGULIT 7:15 - KITAB NU TUMPU ALLA LELE MA'IMAI'

¹⁵ Belemiu nujagai nu Tumpu da boli nukona nu panyakit ka' iwi-iwi' na balaa' nupojo'on nu Tumpu susumo anu tinoamo nu belemiu i Mesir, panyo balaa' haha aijo' nu pokona hi to mia-mian anu mompaha bali' tiba belemiu.

PO'ULE' INGULIT 7:15 ပူးပေါင်းရင်းမြစ်များ

MAZMUR 91:10

Sahingga beleyum madi'mo nutokai mae nu balaa', laigan nu beleyum madi'mo nutokai mae nu balaa'.

NOSABATMO 15:26

Tumpu nompoto'imo, “Tuluti na Aku totu-totu'u, ka' obau apaa na anu koong-Ku ma'ima', obau na aijo', tuluti iwi-iwi' na palentah-ngKu. De aijo' obau nu belemiu, belemiu madi' Ku hukum nu to panya-panyakit anu Ku pokona hi mian nu Mesir. Akumo na Tumpu anu nompo'alinmo belemiu.”

NOSABATMO 23:25

De belemiu monsombahmo Aku, Tumpu Allah nu belemiu, belemiu Ku balakatimo nu anu okaan ka' anu o inum ka' iwi-iwi' na panyakit Ku pojo'onmo hi belemiu.

NOSABATMO 9:11

Anu pa ilimu' madi'mo noko ala nangadap hi Musa, kalana songko-songko na butong nu aha kahomo bisun sumomo mian nu Mesir haha aijo' sangga'at.

PO'ULE' INGULIT 28:27

Tumpu mohukumo belemiu nu to bisu-bisun susumo anu binau-Nyomo hi aha mian nu Mesir. Butong nu belemiu nukonamo nu sagala anu saja' minana' ka' kumahut anu mombalasi, panyo madi' ko pakuli'nyo.

PO'ULE' INGULIT 28:60

To panya-panyakit anu okabuhuk anu tinoamo nu belemiu kiijo' mae i Mesir na mongkonamo belemiu, ka' madi'mo ma'alin na belemiu.

PO'ULE' INGULIT 30:7

Iwi-iwi' na kutuknyo aijo' nu pokonamo hi sampobali' nu belemiu iwi-iwi' anu mongkaddeki ka' monsansalaimo belemiu.