PO'ULE' INGULIT 7:14 - KITAB NU TUMPU ALLA LELE MA'IMAI'

¹⁴ Iwi-iwi' na bansa i dunia aiya, madi' ko sa'angu' pe'e na nohumpak balakat susumo aijo' na konjoo'nyo sumo anu i humpak nu belemiu. Belemiu iwi-iwi' ka' iwi-iwi' na potu'on nu belemiu sa'angu' pe'e madi' ko anu bu'a.

PO'ULE' INGULIT 7:14 ပူးပေါင်းရင်းမြစ်များ

MAZMUR 107:38

Tumpu nombalakatimo aha da nanjoo' na anak nu aha, ka' binatang potuu'on nu aha nompaka panjoo'mo.

MAZMUR 115:15

O' amalakon da belemiu nubalakati nu Tumpu anu nompotimbali langit ka' tano'!

MAZMUR 127:3

To ana-anak anu binee' nu Tumpu memang, aha aijo' sa'angu' na balakat.

IMAMAT 26:9

Ku balakatimo na belemiu, ka' momponjoo'je makumpu nu belemiu. Apaa na anu jinanji'-Kumo hi belemiu tionyo ahi' Ku ganapi.

NOMBILANGMO 22:12

Tumpu Allah notataemo hi Bileam, “Boli mamba tiba mian haha aijo' ka' boli mongkutuki bansa aijo', kalana aha binalakatan-Kumo.”

PO'ULE' INGULIT 28:11

Belemiu obalakatije da mohumpak anak manjoo'. Potuu'on nu belemiu timbalimo manjoo' ka' isi nu ale'miu molabi-labimo i lipu' anu jinanji'mo nu Tumpu hi mompolee' nu belemiu anu binee'mo hi belemiu.

PO'ULE' INGULIT 28:4

Obalakatimo na belemiu sahingga to ana-anak nu belemiu manjoo', isi nu ale 'miu molabi-labimo, ka' sapi' tiba mee', ka' domba nu belemiu mompaka pintuangmo.

PO'ULE' INGULIT 30:9

Tumpu Allah nu belemiu mompotimbalimo iwi-iwi' na anu obau miu ko hasinnyomo; belemiu mohumpakmo anak manjoo' ka' potuu'on manjoo'mo; ale' nu belemiu iwi-iwi' ko hasinnyomo manjoo' hondo. Sanangmo na kinyonyoa nu Tumpu mompotimbalimo belemiu da mongoa'imo kasanangan susumo Ia sinanangmo na nombee'imo kantumuu'an sanang hi mompolee' nu belemiu.

PO'ULE' INGULIT 33:29

Mohumpak kabilahian na beleyum, o Israel! Madi' ko bansa anu sumo beleyum nuposalamat nu Tumpu. Tumpu sumomo bajak ka' kantah atina' hi belemiu; monsangaja'i beleyum ka' mombee'i ka'untungan de mahampate na belemiu. Sampobali' nu belemiu iwi-iwi' tokamo mongkakase da okalibosi, panyo beleyum mompahampeja'akonmo aha.”