PO'ULE' INGULIT 7:13 - KITAB NU TUMPU ALLA LELE MA'IMAI'

¹³ Nu kalibosije ka' Nu balakatije na belemiu, sahingga anak nu belemiu manjoo'mo ka' konjoo'nyo mompaka pintuangmo. Nu balakatije na ale' nu belemiu iwi-iwi' sahingga mohasinakonmo gandum, anggur ka' lanya' nu zaitun. Nu balakatije na belemiu sahingga manjoo'mo na sapi' ka' mee' ka' domba nu belemiu. Iwi-iwi' na balakat aijo' ohumpakje nu belemiu i lipu' anu nubee'mo nu Tumpu hi belemiu, susumo anu jinanji'-Nyomo hi mompolee' nu belemiu.

PO'ULE' INGULIT 7:13 ပူးပေါင်းရင်းမြစ်များ

NEHEMIA 9:32

O Tumpu Allah, Tumpu Allah mami anu mahoson hondo! Tumpu Allah anu daka' na kakuasa'annyo ka' opalias! Otoongi totu-totu'u nu Belento iwi-iwi' apaa na anu jinanji'mo nu Belento; iwi-iwi' na anu jinanji'Mo nu Belento ginanapanmo ka' binaumo nu Belento. Salatanmo pe'e to tomu-tomundo' nu aha Asyur nonsansalamo kami. Sampe uuka aiya nanjoo'mo hondo na kasansala'an anu ingoa'anmo mami. To tomu-tomundo' mami, imam, nabi tiba to tu'a-tu'anyo mami, ka' suele mompolee'mami ka' mule' aha mian da'isan nongoa'imo kasansala'an iwi-iwi'. Boli okolilimi na kasansala'an haha aijo'! Boli madi'mo o'inau' i uno nu pikilan nu Belento!

AYUB 1:10

Ia, aha salaigan ka' iwi-iwi' na kakaya'annyo saja' nutoakon nu Belento. Kalajanyo nubalakati nu Belento, ka' ia obee'i nu Belento manjo' hondo na potu'on, lipu' songko-sogko nusongkohimo nu potu'onnyo.

AYUB 42:12

Tuha'nyo nu kantumuu'an i Ayub aijo', nolabi-labimo na Tumpu nombalakati, ilingkuduannyomo na u'utu mae ia ma'isa pe'e tinokan nu balaa'. I Ayub kino mee'mo ka' domba 14.000, unta 6.000, sapi' 2.000, ka'keledai 1.000.

MAZMUR 1:3

Apaa na anu nukahanda'i nu bau nu mian aijo' iwi-iwi' nu humpak; ia sumo kau' tumuu' i sohipi' nu kau'nyo anu mimbua' de tokamo na lonunyo ka' saja' madi' toho' mangkaluale na honnyo.

MAZMUR 107:38

Tumpu nombalakatimo aha da nanjoo' na anak nu aha, ka' binatang potuu'on nu aha nompaka panjoo'mo.

MAZMUR 11:7

Kalana Tumpu manonong ka' adin, Ia mongkalibosi mian anu mombau anu ma'ima' mian anu madi' tageo' na kinyonyoanyo montoa ka' monsumbu' Tumpu.

MAZMUR 127:3

To ana-anak anu binee' nu Tumpu memang, aha aijo' sa'angu' na balakat.

MAZMUR 146:8

ka' mian anu mapisok opo'alinmo sahingga moko alamo montoa. Ia na mohangkat mian anu tinohumpukmo, ka' mongkalibosi mian anu hodi' na kinyonyoanyo.

NOSABATMO 23:25

De belemiu monsombahmo Aku, Tumpu Allah nu belemiu, belemiu Ku balakatimo nu anu okaan ka' anu o inum ka' iwi-iwi' na panyakit Ku pojo'onmo hi belemiu.

AMSAL 10:22

Ola ahi' kalana balakat nu Tumpu na mian timbali kaya, panyo mokalaja makeke madi' moko ala montuangi halata.'

AMSAL 15:9

Tumpu mongka'ideki kalakuan nu mian anu duluhaka; panyo Ia mongkalibosi mian anu mompagala mombau apaa na anu Nu kahanda'i.

IMAMAT 26:9

Ku balakatimo na belemiu, ka' momponjoo'je makumpu nu belemiu. Apaa na anu jinanji'-Kumo hi belemiu tionyo ahi' Ku ganapi.

MATIUS 6:33

Jadi, o usahakon pe'e da Tumpu mompalentah i kantumuu'anum, ka' o bau na kahanda'-Nyo. Sahingga iwi-iwi' anu sangga'at nubee'je nu Tumpu suele hi beleyum.

YOHANES 14:21

Mian anu montalima to pale-palentah-ngKu ka' mombau, iamo na anu mongkalibosi Aku. Tuumang-Ku mongkalibosi mian anu mongkalibosi Aku. Aku mule' mongkalibosi mian aijo' ka' mompotoa butong-Ku hi ia.”

YOHANES 15:10

De komiu monjalanakon iwi-iwi' na palentah-ngKu, komiu saja' montuluti pongkalibosing-Ku, pokakana sumo Aku saja' montuluti pongkalibosi nu Tuuma, kalana monjalanakon palentah-Nyo iwi-iwi'.

YOHANES 16:27

Kalana posimo Tuuma na mongkalibosi komiu. Ia mongkalibosi komiu, kalana komiu mongkalibosi Aku, ka' palesaya saba' Aku lengkat mae hi Tumpu.

PO'ULE' INGULIT 1:8

Aku Tumpu; no janji'mo iwi-iwi na tano aijo toka hi mompolee' miu Abraham, Ishak ka'i Yakub ka' lee'nu aha. Jadi lokenmo jojongi na tano' aijo.’ ”

PO'ULE' INGULIT 13:17

Pakakas haha aijo' anu kinutukanmo madi'mo timbali opo'una' da bau pakakas miu, panyo tionyo ahi' o ideimo hondo totu-totu'u. Da madi'mo Tumpu motambuha' ka' Ia mongkalibosimo belemiu. Ia mongkanonongimo belemiu ka' mompotimbalimo belemiu bansa anu daka' susumo anu jinanji'-Nyomo hi mompolee' nu belemiu,

PO'ULE' INGULIT 28:1

“De belemiu montuluti Tumpu Allah nu belemiu ka' saja' obau ima-ima' na palentah iwi-iwi' anu ku bee' hi belemiu sinaa aiya saba' ia mompotimbalije belemiu bansa anu talalo hondo talasanggo i dunia.

PO'ULE' INGULIT 28:11

Belemiu obalakatije da mohumpak anak manjoo'. Potuu'on nu belemiu timbalimo manjoo' ka' isi nu ale'miu molabi-labimo i lipu' anu jinanji'mo nu Tumpu hi mompolee' nu belemiu anu binee'mo hi belemiu.

PO'ULE' INGULIT 30:5

Sahingga belemiu po'ule' mule' mongala tano' anu naipuan mae kinajojoonganmo nu mompolee' miu. Ka' belemiu lebemo mongoa'i kasanangan, ka' konjoo'nyo nu belemiu lebemo mintuang molingkuduimo mompolee' nu belemiu.

PO'ULE' INGULIT 7:7

Belemiu nu kanonongi ka' pinile'anmo nu Tumpu, misa' kalana belemiu lebe manjoo' molingkudui bansa-bansa sangga'at; memang belemiu bansa anu sangkiding hondo i dunia aiya.