PO'ULE' INGULIT 7:12 - KITAB NU TUMPU ALLA LELE MA'IMAI'

¹² “De o intomakon nu belemiu na palentah haha aijo' ka' obau ma'i-ma'ima' saba' Tumpu Allah nu belemiu suele sabole-bole momponyata' palajanjian-Nyo anu binau-Nyomo tiba belemiu. Nu potoaje na kalibosan-Nyo anu saja' Nu bau hi belemiu susumo anu jinanji'Nyomo hi mompolee' nu belemiu.

PO'ULE' INGULIT 7:12 ပူးပေါင်းရင်းမြစ်များ

1 TOMU-TOMUNDO' 8:23

ka' binalado'a, “O Tumpu, Tumpu Allah nu Israel! Aita' i langit kabai aiya i Tano' madi' ko anu pokakana sumo Belento!

NEHEMIA 1:5

“O Tumpu Allah anu daka' na kuasanyo kiita' i Suluga'. Belento Tumpu Allah anu Daka' na kuasa nu belento, ka' kami mangadap hi belento mabuhuk hondo. Belento sabole-bole monginau' kami ka' saja' sabole-bole montoongi apaa na anu jinanji'mo nu Belento hi mian anu mongka'ima'i belento ka' sabole-bole montuluti palentah nu Belento.

NEHEMIA 9:32

O Tumpu Allah, Tumpu Allah mami anu mahoson hondo! Tumpu Allah anu daka' na kakuasa'annyo ka' opalias! Otoongi totu-totu'u nu Belento iwi-iwi' apaa na anu jinanji'mo nu Belento; iwi-iwi' na anu jinanji'Mo nu Belento ginanapanmo ka' binaumo nu Belento. Salatanmo pe'e to tomu-tomundo' nu aha Asyur nonsansalamo kami. Sampe uuka aiya nanjoo'mo hondo na kasansala'an anu ingoa'anmo mami. To tomu-tomundo' mami, imam, nabi tiba to tu'a-tu'anyo mami, ka' suele mompolee'mami ka' mule' aha mian da'isan nongoa'imo kasansala'an iwi-iwi'. Boli okolilimi na kasansala'an haha aijo'! Boli madi'mo o'inau' i uno nu pikilan nu Belento!

MAZMUR 103:18

kona hi mian anu montoongi apaa na anu jinanji'-Nyomo, ka' anu tulu-tulutan mombau anu nu palentahkon.

MAZMUR 149:9

da ohukumo na to bansa-bansa kalana palentah nu Tumpu. Aijo'mo na ka'untungan nahampate na mian anu Nu kalibosi. O puji' na Tumpu!

NOSABATMO 15:26

Tumpu nompoto'imo, “Tuluti na Aku totu-totu'u, ka' obau apaa na anu koong-Ku ma'ima', obau na aijo', tuluti iwi-iwi' na palentah-ngKu. De aijo' obau nu belemiu, belemiu madi' Ku hukum nu to panya-panyakit anu Ku pokona hi mian nu Mesir. Akumo na Tumpu anu nompo'alinmo belemiu.”

YEREMIA 11:5

De nu baumo nu aha na aijo' iwi-iwi' saba' Kuganapimo ahi' na palajanjian-Ku anu bibinaung-Kumo hi mompolee' nu aha aijo'mo lipu' anu ma'omuk hondo ka' manjoo' na isinyo anu tempo' uuka aiya jinojoonganmo nu aha aijo' Ku bee'mo hi aha.” Aku nontaami, “Ma'ima'mo, Tumpu.”

DANIEL 9:4

Iwi-iwi' na dosa' nu bansangku ingakuankumo hi Tumpungku. Aku notatae, “O, Tumpu, belentomo na aku daka'na kakuasa'an, ka' kami mongangga'i Belento. Belento saja' mongganapi palajanjian nu Belento ka' nompotoamo mae kalibosan nu belento anu madi' ko kamingkotannyo hi aha anu mongkalibosi belento ka' mombau anu Nu palentahkon.

LUKAS 1:55

Tumpu madi' mongkolilimi janji'-Nyo, kinyonyoa-Nyo manonong hi Abraham ka' lee'nyo sampe toka sidu-sidutu'.”

PO'ULE' INGULIT 1:8

Aku Tumpu; no janji'mo iwi-iwi na tano aijo toka hi mompolee' miu Abraham, Ishak ka'i Yakub ka' lee'nu aha. Jadi lokenmo jojongi na tano' aijo.’ ”

PO'ULE' INGULIT 11:13

Jadi otuluti na palentah haha aiya anu ku poto'i hi belemiu sinaa aiya: Okanonongi, na Tumpu Allah nu belemiu, ka' sombah na Ia nu kinyonyoa anu totu-totu'u.

PO'ULE' INGULIT 5:10

Panyo Aku mompotoa kalibosan-Ku hi momada-madala na lee' nu to mia-mian anu mongkanonongi Aku ka' tulu-tulutan hi palentah-ngKu.

PO'ULE' INGULIT 7:11

Jadi, otuluti na atulan iwi-iwi' anu pinoto'ingkumo hi belemiu sinaa aiya.”

PO'ULE' INGULIT 7:9

Otutugi ahi' saba' Tumpu Allah nu belemiu ola sa'a-sa'angu'nyomo Ia na Tumpu Allah, ka' Iamo na Tumpu Allah anu talalo manonong. Tumpu mongganapimo apaa na anu jinanji'-Nyomo ka' nompotoamo kalibosan-Nyo sidu-sidutu' sampe samadala na lapisan nu lee'nyo nu aha mian anu mongkanonongi Ia ka' tulu-tulutan hi iwi-iwi' na palentah-Nyo.