PO'ULE' INGULIT 7:10 - KITAB NU TUMPU ALLA LELE MA'IMAI'

¹⁰ Panyo madi' ko madi'nyo Ia sabole-bole mohukum aha anu mongka'ideki Ia.

PO'ULE' INGULIT 7:10 ပူးပေါင်းရင်းမြစ်များ

NOSABATMO 20:5

Boli monsombah patong anu sumo aijo' kalana Akumo na Tumpu Allah nu belemiu, ka' Aku madi' mongka'oho' opokakanakon tiba maumo pa' apaa. To mia-mian anu mongka'ideki Aku, Ku hukum toka-toka i lee' ko totolu'nyo ka' ko opatnyo.

NOSABATMO 34:7

Aku saja' mongkalibosi momada-madala na lee' ka' mongampuni kasala'an tiba dosa'; panyo mian anu ko sala'nyo madi' ko madi'nyo sabole-bole Ku hukum, ka' Ku hukum mule' na to ana-anaknyo ka' to maku-makumpunyo toka-toka i lee' ko totolu'nyo ka' ko opatnyo kalana dosa' nu tu'anyo nu aha.”

AMSAL 11:31

De idunia aiya mian manonong suele ahi' saidi' mae mohumpak balosnyo; memang mantantumo na mian anu ma'idek na kinyonyoanyo, baladosa'mo saidi mae mohumpakmo hukuman.

YESAYA 59:18

Ia mombalosimo aha to sampo-sampo bali'-Nyo sitimbang tiba palabuatan nu aha. Ka' mule' to bansa-bansa i togong anu toto jo'o-jo'on madi' ahi' bebas ihukuman-Nyo.

YEREMIA 32:18

Belento nompotoamo kalibosan nu Belento anu sampe toka sidu-sidutu hi aha momada-madala na mian, panyo Belento mule' ahi' mohukum mian kalana dosa' nu tu'anyo nu aha. Belento Tumpu Allah anu talasanggo ka' baani; sanggo nu Belento Tumpu Anu Mahakuasa.

NAHUM 1:2

Tumpu madi' mongka'oho' ko anu molingkudui, mian anu molawan Ia tionyo mohumpak hukuman. Kalana talalomo pinusa, Ia nombalosimo kasala'an nu aha.

NOMBILANGMO 10:35

De Peti' Palajanjian aijo' oboamo, i Musa motataemo, “Jagai mae o Tumpu, ka' posubali' na anu monsampobali' Belento, da mian anu mongka'ideki Belento mopalaimo.”

NOMBILANGMO 14:18

‘Aku, Tumpu, madi' malia' pusa. Ku potoamo na kalibosan-Ku ka' kanonongan-Ku molabi-labi. Aku mongampuni mian anu baladosa' ka' anu panggaga hi beleng-Ku. Mau mule' sumo aijo', kasala'an nu tu'anyo saidi' mae Ku balosakonje hi to ana-anaknyo ka' hi to maku-makumpunyo, sampe toka i lee'nyo anu ko totolu'nyo ka' ko opatnyo.’

ROMA 12:19

To Utu-utusku! Boli hondo-hondo mombalosi ka'idekan, bakas da Tumpuje na mohukum. Kalana i uno nu Kitab nu Tumpu tinulismo, “Akuje na mombalosi. Akuje na mohukum na koonyo nu Tumpu.”

PO'ULE' INGULIT 32:25

Pahampatean monsaduakonmo kapatean i iwi-iwi' na jalan; hahan anu okabuhuk mongkonamo to mia-mian anu i laigan. To oli-olitau ka' to lalangkoyang anu tumimpasje opateimo, ka' suele bungamea' ka' mian anu langkai'mo ka' bengkele'mo.

PO'ULE' INGULIT 32:35

Tumpuje na mombalosakon ka' mohukum aha, madi'mo pin aha osilakaimo; aha osilakai madi'mo pin na tempo'nyo.

PO'ULE' INGULIT 32:41

Ku boitmo na bajak-Ku anu jongki-jongkilaban, ka' mompojalanmo hukuman. Ku balosakon na sampobali'-Ku iwi-iwi' ka' Ku hukummo iwi-iwi' na anu mongka'ideki mae Aku.

PO'ULE' INGULIT 5:9

Boli monsombah patong anu sumo aijo' kalana Akumo na Tumpu Allah nu belemiu ka' madi' mongka'oho' opokakanakon tiba maumo pa' apaa. To mia-mian anu mongka'ideki Aku Ku hukum toka-toka i lee' anu ko totolu'nyo ka' ko opatnyo.

PO'ULE' INGULIT 7:11

Jadi, otuluti na atulan iwi-iwi' anu pinoto'ingkumo hi belemiu sinaa aiya.”

PO'ULE' INGULIT 7:9

Otutugi ahi' saba' Tumpu Allah nu belemiu ola sa'a-sa'angu'nyomo Ia na Tumpu Allah, ka' Iamo na Tumpu Allah anu talalo manonong. Tumpu mongganapimo apaa na anu jinanji'-Nyomo ka' nompotoamo kalibosan-Nyo sidu-sidutu' sampe samadala na lapisan nu lee'nyo nu aha mian anu mongkanonongi Ia ka' tulu-tulutan hi iwi-iwi' na palentah-Nyo.