PO'ULE' INGULIT 7:1 - KITAB NU TUMPU ALLA LELE MA'IMAI'

¹ “Tumpu Allah nu belemiu momboamo belemiu mamba i lipu' anu saidi' mae ojojoongimo miu, ka' manjoo' na bansa anu Nu laa' mosabat ikiijo'. I ahop nu mata nu belemiu popitu' na bansa Nu laa' anu lebe daka' ka' lebe mahoson molingkudui belemiu, aijo'mo aha mian nu Het, Girgasi, Amori, Kana'an, Feris, Hewi ka' Yebus.

PO'ULE' INGULIT 7:1 ပူးပေါင်းရင်းမြစ်များ

1 TOMU-TOMUNDO' 16:31

Ma'isa na'osa na ia i kantumuu'annyo lewa' mombau dosa' susumo i Tomundo' Yerobeam, pakalaus ia nongosoai mule' i Izebel anak i Tomundo' Etbaal mian nu Sidon, ka' mule' ia nonsombahmo Baal.

1 TAWARIKH 1:14

I Kana'an suele mompolee' mae nu aha mian Yebusi, Amori, Girgasi

2 TAWARIKH 8:7

Iwi-iwi' na lee' mae nu aha bansa Kana'an anu madi' pinoko ala pinatean ingko-ingkot nu mian Israel tempo'nya aha nonjojoongimo lipu' aijo' ingatunmo i Salomo mombau pakalajaa'an ka' opakisa. Aha mian nu Het, Amori, Feris, Hewi ka' Yebus. Sampe tempo' uuka aiya lee' mae nu aha daagi' saja' binau posaihon.

EZRA 9:1

Salatan iwi-iwi' aijo' binaumo, pa' aha sangkuka na aha to tu'a-tu'anyo nu Israel tinokamo mae hi belengku. Pinoto'i nu aha tukoonyo mian da'isan nu aha Israel, tibamo to ima-imam, ka' to mia-mian nu aha Lewi madi' mosi po'iwi' da boli maninggalo' hi to bansa-bansa anu jojoong i kiijo', aijo'mo bansa Amon, Moab, Mesir, Kana'an, Het, Feris, Yebus ka' Amosi. Aitu mule' to ima-imam ka' to mia-mian nu aha Lewi suele nombaumo kalakuan anu ma'idek anu binaumo nu bansa haha aijo'.

NEHEMIA 13:23

Tempo'nyo aijo' tinoangkumo mule' manjoo' na mian nu Yahudi no'osoamo tiba to bou-boune anu lengkat mae i bansa Asdod, Amon ka' Moab.

MAZMUR 78:55

I ahop nu mian anu palesayamo hi ia, i laa'-Nyomo na mian anu jojoong i kiijo', lantas binagi-bagiakon-Nyomo na lipu' aijo' hi iwi-iwi' na tulunan nu bansa Israel mian anu palesayamo hi Ia sahingga aha nonjojoongimo iwi-iwi' na kema' nu sampobali' nu aha.

NOSABATMO 15:7

Tiba katalasanggoan nu Belento anu daka' hondo Belento nohopu'imo iwi-iwi' na anu nongewamo Belento Pusa nu Belento talalomo hondo kino juhu-juhut susumo apu ka' nompapuimo aha susumo hat.

NOSABATMO 23:28

Sampobali' nu belemiu Ku potimbalimo da madi' mosa'angu' ka' to bansa-bansa Hewi, Kana'an ka' Het Ku laa'mo da mompala'imo belemiu, da belemiu lumajang lau-laus.

NOSABATMO 23:32

Boli mombau palajanjian tiba mian haha aijo' kabai to pilo-pilogot nu aha.

NOSABATMO 23:33

Boli mompobee' mian haha aijo' jojoong i lipu' nu belemiu da belemiu boli monsombah to pilo-pilogot nu aha, ka' baladosa'mo hi beleng-Ku. De belemiu monsombahmo pilogot nu aha haha aijo', belemiu nukonamo nu ponggoda nu aha sahingga belemiu silakamo.”

NOSABATMO 33:2

Aku monsaije samian na malaekat da molaya' belemiu. Aku molaa'je bansa nu Kana'an, Amori, Het, Feris, Hewi ka' Yebus.

NOSABATMO 6:8

Iwi-iwi' na potuunon nu Tumpu aijo' pinotokamo i Musa hi bansa Israel, panyo aha madi' mongka'oho' mompajuli i Musa, kalana aha binotuanan aijo' tahahumo kinabisa'an, sahingga nonsaduakonmo aha ingise-ise'mo na kinyonyoa kalana madi'mo moko ala mombau apa-apaa.

IMAMAT 14:34

atulan haha aiya mongkona laigan anu kinonamo nu mapuk anu molele. Atulan haha aiya pinake salatan bansa Israel ninsoopmo i Kana'an, lipu' anu binee' nu Tumpu hi aha.

NOMBILANGMO 13:29

Mian nu Amalek jojoong sasu selatan i lipu' aijo'; mian nu Het, mian nu Yebus ka' Amori jojoong i da'erah puge'nyo; panyo mian nu Kana'an monjojoongi da'erah anu montuus ambai ka' montuusakon Kaunyo nu Yordan.”

NOMBILANGMO 14:31

Belemiu notataemo tukoonyo nu belemiu to ana-anak nu belemiu saidi' mae o hakopmo ka' oboamo. Padahan ahamo ahi' na anu Ku boa i lipu' anu madi'mo o ala nu belemiu aijo' ka' lipu' aijo' saidi' mae timbalimo tano' nu aha.

SISIKON NU TO RASUL-RASUL 13:19

Popitu' na bansa ginalisan-Nyo i lipu' Kana'an da o bagi-bagi na lipu' aijo' hi bansa Israel da lipu' aijo' timbalimo anu nu aha.

PO'ULE' INGULIT 11:29

De nuboamo nu Tumpu Allah nu belemiu na belemiu minsoop i lipu' anu saidi' mae ojojoongimo nu belemiu, balakat aijo' tionyo aha otaloakon nu belemiu aita' mae i Bungkutnyo nu Gerizim ka' kutuk aijo' aita' mae i Bungkutnyo nu Ebal. (

PO'ULE' INGULIT 20:1

“De belemiu mambamo mahampate mongewamo sampobali' nu belemiu, boli mabuhuk na montoa kareta anu nupake mae nu aha mahampate ka' ajahan nu aha manjoo' ka' suludadu nu aha anu konjoo'nyo molingkuduimo konjoo'nyo nu belemiu. Tumpu Allah nu belemiu anu nompobebasmo belemiu lengkat mae i Mesir, na montulungi belemiu.

PO'ULE' INGULIT 20:16

Panyo de kota aijo' i uno nu da'erah anu binee'mo nu Tumpu Allah nu belemiu hi belemiu, iwi-iwi' na anu jojoong ikiijo' tionyo ahi' opatei.

PO'ULE' INGULIT 31:20

Aha Ku boamo mamba i lipu' anu kaya ka' ma'omuk susumo anu jinanji'-Kumo hi mompolee' nu aha. Ikiijo' mae na aha tumuu'mo sanang ka' mohumpakmo ngangahan nu anu okaan apaa na anu nupalalui nu aha. Panyo lapas aijo' aha tolosule'mo ka' monsombahmo to pilo-pilogot sangga'at. Aha madi'mo mongala Aku ka' mompojalomo palajanjian-Ku,

PO'ULE' INGULIT 31:3

Posi Tumpu Allah-mo nu belemiu na lumajang mamba i momona ka' mompatei to bansa-bansa anu jojoong ikiijo' mae, sahingga belemiu timbalimo jojoong i tano' nu aha. I Yosuamo na timbali bau polaya' nu belemiu susumo anu tinaloakonmo nu Tumpu.

PO'ULE' INGULIT 4:38

Aha bansa-bansa anu lebe daka' ka' lebe mahoson i laa'-Nyo ka' nompala'imo belemiu kalana nolaya'mo belemiu mamba i lipu' nu aha, anu binee'-Nyomo hi belemiu, lipu' anu uuka aiya tinimbalimo anu nu belemiu.

PO'ULE' INGULIT 6:1

“Tumpu Allah nompokaumo aku da mompogulu' iwi-iwi' na atulan aiya hi belemiu da obau nu belemiu i lipu' anu madi'mo pin o jojoongimo nu belemiu.

PO'ULE' INGULIT 6:10

“Tumpu Allah nu belemiu binalajanji'mo hi mompolee' nu belemiu, i Abraham, i Ishak ka' i Yakub, tukoonyo Ia mombee'mo lipu' aijo' hi belemiu. Kota'nyo to daka-daka' hondo ka' lame', ka' misa' belemiu na nompotinjo'.

PO'ULE' INGULIT 6:19

ka' o laa'mo nu belemiu na anu monsampobali' belemiu susumo anu jinanji'mo nu Tumpu.

PO'ULE' INGULIT 6:23

Ia nompobebasmo kita lengkat mae i Mesir ka' binoa-Nyomo mae na kita i aiya ka' tano' aiya binee'-Nyomo hi kita susumo anu jinanji'-Nyomo hi mompolee'to.

PO'ULE' INGULIT 9:1

“Potombihing mae to Utu-utus! Sinaa aiya belemiu motaapmo i Kaunyo Yordan da monjojoongimo da'erah nu to bansa-bansa anu lebe daka' ka' lebe mahoson molingkudui belemiu. To kota-kota nu aha anu toto daka-daka' tiba pagannyo mesen anu matangkas toka-toka i langit.

PO'ULE' INGULIT 9:3

Panyo uuka aiya posi toaje nu belemiu mosia na Tumpu Allah nu belemiu lumajang momona lantas belemiu i mihi-mihije susumo apu anu mompapui. Ia na mompatundu' aha i ahop nu mata miu, sahingga belemiu moko ala molaa' ka' sangkinihap na monsilakai aha susumo anu jinanji'mo nu Tumpu.

PO'ULE' INGULIT 9:4

Noko laa' aha na Tumpu Allah nu belemiu, kalana monsangaja'i belemiu boli monsangka belemiu Nu boamo mokiijo' da mongalamo tano' aijo' kalana belemiu ma'ima' ka' nombaumo pongka'oho' nu Tumpu Allah miu, sahingga pantas na montalima. Totu-totu'u madi'! Tumpu nolaa'mo bansa haha aijo' kalana monsangaja'i belemiu, kalana aha ma'idek na gau'nyo. Tumpu nompobee'mo belemiu mongala tano' nu aha, kalana Ia ka'oho' mongganapi janji-Nyo hi mompolee' miu i Abraham, i Ishak ka' i Yakub.

YOSUA 11:3

Ia suele nonsai mian namba hi mian nu Kana'an sasu kinsoban ka' sasu kabete'an nu Yordan, namba hi mian nu Amori, Het, Feris, tiba aha mian nu Yebus i da'erah nu bungkutnyo, ka' mule' aha mian nu Hewi i tengke nu Bungkutnyo nu Hermon i da'erah nu Mizpa.

YOSUA 24:11

Lapas aijo' belemiu notaapmo i Kaunyo nu Yordan, ka' tinokamo i Yerikho. Aha mian nu Yerikho nompahampateakonmo belemiu sumo aitu mule' na aha mian nu Amori, mian nu Feris, Kana'an, Het, Girgasi, Hewi tiba mian nu Yebus. Panyo belemiu pino'untung-Kumo na nahampate nongewa aha iwi-iwi'.

YOSUA 3:10

De belemiu mokiijo'mo mongahopimo aha, matantumo na Tumpu molaa'mo aha mian nu Kana'an, Het, Hewi, Feris, Gergasi, Amori tiba Yebus. Ka' salatan Peti' Palajanjian nu Tumpu hau-haunyomo motaap i Kaunyo nu Yordan mamba momona, lantas belemiu imihi-mihije otoamo nu belemiu na Tumpu Allah anu tumuu' atina' hi belemiu.