PO'ULE' INGULIT 6:7 - KITAB NU TUMPU ALLA LELE MA'IMAI'

⁷ Opogulu'akon hi to ana-anak nu belemiu. Belemiu tionyo ahi' mombisalakon i uno nu laigan, kabai i sambiha'nyo nu laigan, tempo'nyo milawe ka' tempo'nyo mokalaja.

PO'ULE' INGULIT 6:7 ပူးပေါင်းရင်းမြစ်များ

KAJADIAN 18:19

Ia pinile'an-Kumo da mompalentah to ana-anaknyo ka' lee'nyo da montuluti Aku ka' mombau apaa na anu ma'ima' ka' adin. De han aijo' nubau nu aha, iwi-iwi' anu jinanji'-Kumo hi Abraham tionyo ahi' Ku podaagi'.”

AYUB 8:10

Potombihing na potatae nu mian anu toto pande-pande na bapikin naipuan mae, aha mompokinde'i sumo uuka hi beleyum,

MAZMUR 119:13

Ku daka-daka'i na potatae mompoto'i iwi-iwi' na atulan anu binee'mo mae nu Belento.

MAZMUR 119:46

Atulan nu Belento ku bebakonmo hi to tomu-tomundo' ka' aku madi'mo ma'ambang.

MAZMUR 129:8

To mia-mian anu motulu madi' montaloakon, “O'amalakon da beleyum nu balakati nu Tumpu kami mombalakati beleyum hi sanggo nu Tumpu.”

MAZMUR 37:30

Mian anu ma'ima na kinyonyoanyo motatae na pande ahi' saja' ahi' hodi' na ia motatae.

MAZMUR 71:17

O Tumpu, Belento nompokinde'imo mae aku salatanmo pe'e ma'isa i langkai' ka' binegkele', sangkut uuka aiya ku sisikakon na kalaja nu Belento anu okabangangi hondo.

AMSAL 10:21

Potatae nu mian anu manonong salakumo balakat kona hi mian da'isan. Panyo kaponga'an nu mian anu ponga' monsilakai posi butongnyo.

AMSAL 15:2

Potatae nu mian anu pande mombau da ilimu' lebe oka'ima'i panyo potaate nu mian anu ponga'isinyo ola ahi kaponga'an.

AMSAL 15:7

Potatae nu mian anu pande manjoo' na ilimu'nyo; panyo pikilan nu mian anu ponga' madi' sumo aijo'.

AMSAL 6:22

Pangajalan nu aha iwi-iwi' timbali molaya' beleyum de mamba moyaya, monjagai beleyum de pihimo ka' mombee'i pangajalan hi beleyum de beleyum mobulamo.

YESAYA 38:19

Ola mian anu daagi' tutuu' na mompuji' Belento, susumo anu kubaumo sinaa aiya. To tu'a-tu'anyo monsisikakon hi to ana-anaknyo kanonongan nu Belento anu taha-tahahumo hondo, o, Tumpu.

MALEAKHI 3:16

Lantas aha to mia-mian anu mongkabuhuk Tumpu notatae hi samian ka' samian. Nu hongo nu Tumpu ka' mule' nu palahatikan apaa na anu nu taloakon nu aha. To mia-mian anu moholomati Ia ka' mule' mongkabuhuk Ia otulismo na sanggo-Nyo, i sa'angu' na kitab anu bau pontulisan anu kiita i ahop-Nyo.

MATIUS 12:35

Mian anu ma'ima' montaloakon hahan anu ma'ima' kalana ia buke' nu ka'ima'an. Sumo aitumo na mian anu ma'idek montaloakon hahan anu ma'idek, kalana buke' nu ka'idekan.

LUKAS 6:45

Mian anu ma'ima' montaeakon hahan anu ma'ima', kalana kinyonyoanyo buke' nu ka'ima'an. Mian anu ma'idek montaeakon hahan anu ma'idek, kalana kinyonyoanyo buke' nu ka'idekan. Kalana apaa na anu otaeakon nu nganga', aijo' mosabat lengkat i kinyonyoa.”

EFESUS 4:29

De komiu basisik, boli montaeyakon potatae anu mahenyu. Anu otaeyakon potatae anu mompokopiani ka' anu montulungi mian sangga'at. Potatae sumo aijo' mompodaagi' ka'ima'an hi to mia-mian anu mohongo.

EFESUS 6:4

To Utu-utus anu timbalimo tuuma! Boli mompoposia to ana-anak miu, sahingga ma'idekanmo na kinyonyoa nu aha. Ola ahi' opidaka'i na aha nu atulan ka' pangajalan nu Tumpu.

PO'ULE' INGULIT 11:19

Opotinganakon hi to ana-anak nu belemiu. Osisikakon i uno nu laigan, i sambiha'nyo nu laigan tempo'nyo milawe, ka' tempo'nyo mokalaja.

PO'ULE' INGULIT 6:2

Belemiu ka' lee' nu belemiu tionyo ahi' mongadati Tumpu Allah nu belemiu i uno nu kantumuu'an nu belemiu ka' montuluti iwi-iwi' na atulan-Nyo anu binee'kumo hi belemiu, da belemiu pin na tumuu' i lipu' aijo'.

KOLOSE 4:6

Hahan anu otaloakon miu aijo' tionyo ahi' saja' momposanang kinyonyoa ka' nu ka'ima'i nu mian. Tionyo ahi' osumbu' miu mosia na sabenannyo komiu montaami hahan anu nu pokilawa nu mian.

1 PETRUS 3:15

Panyo i uno nu kinyonyoa miu, tionyo ahi' belemiu mongadati i Kristus anu samata-mata opotoka hi Ia, anu sitimbang tiba kakuasa'an-Nyo salaku Tumpu. Ka' tionyo ahi' belemiu saja' mosadia bau potaam hi batu-batu mian anu mompokilawa mongkona anu otaha'imani nu belemiu, anu itina'mo hi belemiu.

I RUT 2:12

Ku amalakon da Tumpu mombalosi iwi-iwi' na ka'ima'an nu beleyum. Ku amalakon da beleyum mohumpak apaa na anu patut obee' hi beleyum nu Tumpu, Tumpu Allah Israel, kalana beleyum tinokamo mae mompoita da Ia na monjagai.”

I RUT 2:4

Madi' pinin i Boas tinokamo lengkat mae i Betlehem ka' nontabea'i to mia-mian anu mompadak, “O amalakon da Tumpu monjagai belemiu,” na koonyo. To mia-mian anu mompadak nontaami, “O amalakon da Tumpu mombalakati belento Tuuma.”

I RUT 4:11

To tu'a-tu'anyo ka' mian sangga'at anu ikiijo' notatae, “Ii', kamimo na nonsakisi. O amalakon mami da Tumpu mompotimbali bengkele' nu beleyum aijo' sumo i Rahel ka' i Lea anu nohampeakon manjoo' na anak hi langkai'nyo nu aha i Yakub. O amalakon mami da beleyum kaya hi aha to mia-mian lee' mae i Efrata ka' o amalakon da beleyum talasanggo i Betlehem.