PO'ULE' INGULIT 6:5 - KITAB NU TUMPU ALLA LELE MA'IMAI'

⁵ Kanonongi na Tumpu Allah nu belemiu, nu kinyonyoa miu anu totu-totu'u; Opotoa i uno nu kantumuu'an nu belemiu ka' i uno nu ko langka-langkas.

PO'ULE' INGULIT 6:5 ပူးပေါင်းရင်းမြစ်များ

1 TOMU-TOMUNDO' 3:3

I Salomo mongkalibosi Tumpu ka' mombatuki iwi-iwi' na pokinde' nu tuumanyo panyo' ia daagi' mongkolot ka' monsombahkon binatang iyaya mae na tampat.

2 TOMU-TOMUNDO' 23:25

Ma'isa toho' ko tomundo' susumo i tomundo' Yosia anu palesaya hondo hi Tumpu, tiba mule' totu-totu'u na kinyonyoanyo ka' aijo' otoa i langkasnyo ka' kalakuannyo, madi' sala' tiba atulan anu i uno nu kitab i Musa. Salatan i Tomundo' Yosia madi'mo nompalentah, madi'mo daagi' kino tomundo anu sumo ia.

2 TAWARIKH 15:12

Aha binalajanji'mo hi Tumpu, koonyo nu aha, aha totu-totu'u mo na kinyonyoa tumuu' mombatuki pongka'oho' nu Tumpu. Tumpu Allah nu mompolee' nu aha.

MAZMUR 119:2

Mohumpak ka'ima'an na mian anu kantumuu'annyo montuluti palentah-Nyo, ka' totu-totu'u na kinyonyoanyo bala'usaha monsumbu' Tumpu.

MAZMUR 31:24

Ka'ima'i na Tumpu o iwi-iwi' na mian anu palesayamo hi Ia, Tumpu na monjagai mian anu tulu-tulutan hi Ia. Panyo mian anu takabun na Nu hukum ahi' madi' ka' madi'.

MATIUS 10:37

Mian anu mongkalibosi tumanyo kabai tinanyo molingkudui Aku, madi' pantas timbali anu mombatuki Aku. Sumo aitu mule' na mian anu mongkalibosi anaknyo mo'ane kabai boune, molingkudui Aku.

MATIUS 22:37

Tinaaman i Yesus, “Kalibosi na Tumpuum nu kinyonyoaum totu-totu'u, ka' iwi-iwi' na pikilannum.

MARKUS 12:30

Kalibosi na Tumpuum totu-totu'u na kinyonyoaum, tiba iwi-iwi' na butongum ka' tiba iwi-iwi' nu kapandeanum.’

MARKUS 12:33

Ka' mian tionyo mongkalibosi Tumpu tiba iwi-iwi' na kinyonyoa, ka' tiba iwi-iwi' na kapandeannyo, tiba iwi-iwi' na kahosonannyo. Ka' ia mule' tionyo mongkalibosi sangalunyo sumomo posi butongnyo. Aijo' lebe ma'ima' de me mule' mompalasombahkon palasombahan anu opapui ka' palasombahan-palasombahan sangga'atannyo hi Tumpu.”

LUKAS 10:27

Mian aijo' nontaami, “ ‘Kalibosi na Tumpu-Um nu kinyonyoaum iwi-iwi', ka' totu-totu'u na santuu'um, ka' kahosonanum, tiba iwi-iwi' na kapandeanum,’ tiba ‘Kalibosi na sangko kita mian, sumo beleyum mongkalibosi posi butongum.’ ”

PO'ULE' INGULIT 10:12

“Uuka aiya to Utu-utus, palahatikan apaa na anu nupoita nu Tumpu Allah nu belemiu hi belemiu: O'adati na Tumpu Allah nu belemiu ka' baumo iwi-iwi' na palentah-Nyo.

PO'ULE' INGULIT 11:1

“Kanonongi na Tumpu Allah nu belemiu, ka' saja' otuluti na palentah-Nyo iwi-iwi'.

PO'ULE' INGULIT 11:13

Jadi otuluti na palentah haha aiya anu ku poto'i hi belemiu sinaa aiya: Okanonongi, na Tumpu Allah nu belemiu, ka' sombah na Ia nu kinyonyoa anu totu-totu'u.

PO'ULE' INGULIT 13:3

boli montapali mian aijo'. Tumpu Allah nu belemiu mompake mian aijo' kahanda' da monsobai belemiu kalana ko kahanda' montoa pa' totu-totu'u na belemiu mongkalibosi Tumpu totu-totu'u kabai madi'.

PO'ULE' INGULIT 13:4

Mian anu susumo aijo' hukumannyo tionyo ahi' opatei, kalana kahanda'mo momposangkalinga belemiu da boli montuluti, jalan a nu pinalentahkonmo nu Tumpu Allah nu belemiu hi belemiu. Ia mian anu ma'idek kalana mompokaumo belemiu da motomuhuk hi Tumpu Allah nu belemiu anu nompobebasmo belemiu nompala'imo mae Mesir, tampat nu belemiu binotuanan. Jadi ia tionyo ahi' opatei, da anu ma'idek aijo' madi'mo saja' obau. Panyo belemiu tionyo ahi' mombatuki Tumpu Allah nu belemiu ka' mongadati Ia, otuluti na Ia, ka' obau na palentah-Nyo iwi-iwi'. Sabole-bole saja' otuluti ka' opalesaya na Ia.

PO'ULE' INGULIT 19:9

belemiu tionyo ahi' mompile'i mule' totolu' na kota' bau palaihan. (Lipu' aijo' obee'mo hi belemiu de belemiu mombaumo iwi-iwi' apaa na anu ku palentahkon hi belemiu sinaa aiya, ka' de belemiu mongkanonongi Tumpu Allah nu belemiu ka' tumuu' montuluti pangajalan-Nyo.)

PO'ULE' INGULIT 30:10

Panyo belemiu tionyo ahi' tulu-tulutan hi Tumpu Allah nu belemiu ka' montuluti atulan-Nyo iwi-iwi' anu tinulismo i kitab aiya, i kitab atulan nu Tumpu. Belemiu tionyo ahi' po'ule' minsusule' hi Ia ka' kinyonyoa nu belemiu totu-totu'umo ahi'.

PO'ULE' INGULIT 30:16

Sinaa aiya ku palentahmo na belemiu da mongkanonongimo Tumpu Allah nu belemiu ka' tulu-tulutanmo hi Ia ka' mule' mombaumo apaa na koonyo nu atulan-Nyo iwi-iwi' ka' palentah-Nyo da mongoa'imo kasanangan ka' timbalimo bansa anu daka'. Tumpu Allah nu belemiu mombalakatimo belemiu i lipu' anu madi'mo daagi' pin baumo kajojoongan nu belemiu.

PO'ULE' INGULIT 30:20

Kanonongi na Tumpu Allah nu belemiu, otuluti na Ia ka' obau apaa na anu pinoto'i-Nyomo. Sahingga belemiu ka' lee' nu belemiu mantan na umun i lipu' anu jinanji'mo nu Tumpu hi mompolee' nu belemiu, hi Abraham, hi Ishak ka' hi Yakub.”

PO'ULE' INGULIT 30:6

Belemiu ka' lee' nu belemiu obee'imo kinyonyoa anu mohongo-hongo sahingga belemiu mongkanonongimo Tumpu Allah nu belemiu totu-totu'u i uno nu kinyonyoa nu belemiu ka' sainjojoongmo i lipu' aijo'.

PO'ULE' INGULIT 4:29

Lantas belemiu moliomo Tumpu Allah nu belemiu, ka' de o lio miu totu-totu'u na kinyonyoa, tantu o humpak nu belemiu na Ia.

YOSUA 22:5

Ka' sabole-bole o inau' da belemiu saja' montuluti atulan anu pinalentahkonmo i Musa hi belemiu, aijo'mo kalibosi na Tumpu Allah nu belemiu, otuluti na pongka'oho'-Nyo, o hongo-hongo na palentah-Nyo iwi-iwi' boli panggagah hi Ia, ka' palesaya na Ia nu kinyonyoa totu-totu'u.”

1 YOHANES 5:3

Kalana mongkalibosi Tumpu alati'nyo tulu-tulutanmo i palentah-Nyo iwi-iwi'. Ka' palentah-Nyo iwi-iwi' madi' maboat hi kita,