PO'ULE' INGULIT 6:4 - KITAB NU TUMPU ALLA LELE MA'IMAI'

⁴ To utu-utus, jaga mae! Ola Tumpu, ka' ola Tumpu na Tumpu Allah-nto!

PO'ULE' INGULIT 6:4 ပူးပေါင်းရင်းမြစ်များ

1 TOMU-TOMUNDO' 18:21

Lantas i Elia nokiijo'mo hi mian da'isan ka' notatae, “Sampe toka hipian na tempo'nyo belemiu daagi' sabole-bole tataap mompo'ohua' kinyonyoa? De Tumpu aijo', Tumpu Allah, osombah na Tumpu! De Baal aijo' Tumpu Allah, osombah na Baal!” Mian da'isan anu sinilimu' i kiijo' ola nomohokot.

2 TOMU-TOMUNDO' 19:5

Salatan nohumpakmo potuunon lengkat mae hi Tomundo' Hizkia aijo',

1 TAWARIKH 29:10

I ahop nu mian da'isan, i Tomundo' Daud nompuji'mo Tumpu. Ia notatae “O Tumpu Allah anu nu sombah i Yakub mompolee' mami, o puji' na belento sampe toka sidu-sidutu'!

2 TAWARIKH 17:9

Aha namba noyaya nomboamo kitab Atula nu Tumpu nu aha, binoa i iwi-iwi' na kota i da'erah Yehuda ka' nompogulu'mo mian da'isan kiijo' mae.

NEHEMIA 9:6

Lapas aijo' mian da'isan nu aha Israel binalado'amo sumo uuka: “Belentomo na Tumpu, belentomo Sa'a-sa'angu'nyo na Tumpu Allah; pinotimbalimo nu Belento na mandala' iwi-iwi' aita' i langa, ka' suele ambai tiba tano' ka' iwi-iwi' na anu daagi' i unonyo, lantas pinotumuu'mo nu Belento ka' jinaganmo nu Belento. Iwi-iwi' na anu balakuasa aita i langit tolodadupu monsombah Belento; aha montuluti Belento ka' tina'alukmo.

MAZMUR 78:5

Hi bansa Israel binee'annyomo atulan-Nyo, ka' hi lee' i Yakub binee'an-Nyomo palentah. Ia nompokaumo mompolee'to da mompogulu'akon hi to ana-anak nu aha,

MAZMUR 86:10

Kalana Belento mahoson ka' baani ka' mombaumo hahan anu okabangangi, olamo samata-mata Belentomo na Tumpu.

YESAYA 42:8

Akumo na Tumpu, aijo'mo na sanggong-Ku; kaholomatan-Ku madi' Ku bee' maumo pa' hihe; katalasanggoan-Ku madi' suele Ku bee' hi patong.

YESAYA 44:6

Aiyamo na potatae nu Tumpu Anu Daka' na Kuasanyo, Tomundo' ka' anu monjagai aha Israel, “Aku Tumpu Anu Sa'a-sa'angu'nyomo, anu momonanyomo pe'e mae ka' anu saidi' mae imihinyo.

YESAYA 44:8

O, bansang-Ku, boli mabuhuk kabai tolokengkeng; temisa' salatanmo pe'e naipuan mae sampe uuka aiya, Aku nongkila-kilamo apaa na anu jadi saidi' mae? Belemiumo na to saki-sakising-Ku. Madi'ko anu sangga'at na monjagai, ka' mule' madi' ko anu Kusumbu' sangga'at.”

ZAKHARIA 14:9

Sahingga Tumpu mompalentahmo salaku tomundo' i songko-songko na dunia; toto samian monsombahmo Ia salaku Tumpu ka' monsumbu'mo Ia i uno nu sanggo anu pokakana.

MATIUS 22:37

Tinaaman i Yesus, “Kalibosi na Tumpuum nu kinyonyoaum totu-totu'u, ka' iwi-iwi' na pikilannum.

LUKAS 10:27

Mian aijo' nontaami, “ ‘Kalibosi na Tumpu-Um nu kinyonyoaum iwi-iwi', ka' totu-totu'u na santuu'um, ka' kahosonanum, tiba iwi-iwi' na kapandeanum,’ tiba ‘Kalibosi na sangko kita mian, sumo beleyum mongkalibosi posi butongum.’ ”

YOHANES 10:30

Aku tiba Tuuma sa'a-sa'angu'nyomo.”

YOHANES 17:3

Aiyamo na kantumuu'an kopian ka' toka sidu-sidutu'; da mian monsumbu' kita Tuuma, ola sa'a-sa'angu'nyomo na Tumpu anu totu'u, ka' monsumbu' i Yesus Kristus anu sinai mae nu kita Tuuma.

ROMA 3:30

Kalana Tumpu ola sa'angu'. Iamo na nombau da moko ala na to mia-mian Yahudi timbali mompaha ima' mule' tiba Tumpu kalana aha palesaya. Ka' Iamo mule' na nombau da moko ala na to mia-mian bansa sangga'at po'ule' mompaha ima' tiba Tumpu; aijo' suele kalana aha palesaya.

EFESUS 4:6

ka' sa'angu' na Tumpu anu timbali Tuuma nu iwi-iwi' mian. Iamo na Tumpu nu songko-songko na langa, anu nompotimbalimo iwi-iwi' ka' mongkuasai iwi-iwi'.

PO'ULE' INGULIT 4:39

Kalana aijo' soba ahi' tutugi sinaa aiya ka' bolimo okolilimi, ola Tumpu sa'a-sa'angu'nyomo na Tumpu Allah i langit ka' i dunia; madi' ko anu sangga'at.

PO'ULE' INGULIT 5:6

‘Akumo na Tumpu Allah nu belemiu anu nomboamo mae belemiu nosabat lengkat i Mesir, tampat nu belemiu binotuanan.

1 TIMOTIUS 2:5

Kalana, ola sa'a-sa'angu'nyomo na Tumpu, ka' ola samian na bau ponsumbu'an Tumpu manusia aitumo i Kristus Yesus.

YAKOBUS 2:19

Te madi' opalesaya miu Tumpu ola sa'angu'? Jadi to roh-roh ma'idek suele palesaya ka' nulakat nu kabuhukan na aha!