PO'ULE' INGULIT 6:22 - KITAB NU TUMPU ALLA LELE MA'IMAI'

²² Sinakisianmo mami na Tumpu nombau anu okabangangi ka' hahan anu okabuhuk hondo jinadimo hi aha mian Mesir ka' hi tomundo nu aha ka' suele hi iwi-iwi' na anu ko pangkatnyo.

PO'ULE' INGULIT 6:22 ပူးပေါင်းရင်းမြစ်များ

MAZMUR 135:9

Kiijo' mae Ia nombaumo manjoo' na anu okabangangi ka' tanda bau pohukum tomundo' ka' iwi-iwi' na pagawe-Nyo.

MAZMUR 136:4

Ola Ia na anu nombaumo han anu okabangangi toto daka-daka'; kalibosan-Nyo sampe toka sidu-sidutu'.

MAZMUR 91:8

De beleyum montoa atina' titikub hi beleyum beleyum montoamo mian anu ma'idek na kinyonyoanyo, kinonamo nu pombalosakon.

NOSABATMO 10:2

ka' da beleyum timbali monsisikakon hi lee' nu belemiu mosia na Aku nompahaikakonmo bansa Mesir nu anu okabangangi haha aijo'. Sahingga belemiu iwi-iwi' monsumbu'mo taalu' Akumo aiya na Tumpu.”

NOSABATMO 3:20

Panyo Ku pakeje na kakuasa'an-Ku, ka' mohukum Mesir nu to bala-balaa' anu okabuhuk anu ku pokona hi aha kiijo' mae. Lapas aijo' ia mompobee'je belemiu mamba.

PO'ULE' INGULIT 1:30

Tumpu Allah miu molaya'je komiu ka' mompagalakon komiu susumo pinositoa miu i Mesir

PO'ULE' INGULIT 3:21

Lantas aku notataemo hi Yosua: Beleyum nontoamo iwi-iwi' apaa na anu binaumo nu Tumpu Allah miu hi Sihon ka' hi Og, ohu-ohu'a na tomundo aijo'. Sumo aijo'mo na Ia mombau toto samian na tomundo anu kahanda'mo nu ala nu beleyum na tano'nyo.

PO'ULE' INGULIT 4:3

Pinosi toamo nu belemiu apaa na anu binaumo nu Tumpu Allah miu i Bungkutnyo nu Peor. Batu-batu mian anu monsombah Baal i tampat kiijo' pinatean-Nyomo,

PO'ULE' INGULIT 4:34

Pa' toho'mo kino pilogot anu baani nongala sa'angu' na bansa, hi aha to bansa-bansa anu aiya i dunia lantas nompotimbalimo aha mian anu pinalesayamo hi Ia, susumo anu binaumo nu Tumpu Allah miu hi belemiu kiijo' mae i Mesir? Pinosi toamo nu belemiu mosia na Tumpu Allah nompotoka balaa' ka' pahampatean, ka' nombaumo hahan anu okabangangi ka' mule' nombaumo hahan anu opalias kalana kahosonannyo anu tahahumo hondo aijo'.

PO'ULE' INGULIT 6:21

Sahingga belemiu tionyo ahi' montaami sumo uuka, ‘Naipuan mae kita tinimbalimo botuan i tomundo Mesir, lantas Tumpu nompobebasmo kita nu kuasa-Nyo anu daka' hondo.

PO'ULE' INGULIT 6:23

Ia nompobebasmo kita lengkat mae i Mesir ka' binoa-Nyomo mae na kita i aiya ka' tano' aiya binee'-Nyomo hi kita susumo anu jinanji'-Nyomo hi mompolee'to.

PO'ULE' INGULIT 7:19

O' inau' na to bala-balaa' anu okabuhuk hondo anu pinosi sakisianmo nu belemiu, batu-batu anu okabangangi, ka' kakuasa'an anu daka' na binaumo nu Tumpu Allah nu belemiu, kalana kahanda' mompobebas belemiu. Sumo aijo' suele na Tumpu Allah mombau iwi-iwi' na bansa anu okabuhuk miu.