PO'ULE' INGULIT 6:18 - KITAB NU TUMPU ALLA LELE MA'IMAI'

¹⁸ Obau apaa anu koonyo nu Tumpu ma'ima' ka' adin, sahingga belemiu mohumpak ka'ima'an. Tano' anu ma'omuk anu jinanji'mo nu Tumpu hi mompolee' nu belemiu timbalimo anu nu belemiu,

PO'ULE' INGULIT 6:18 ပူးပေါင်းရင်းမြစ်များ

MAZMUR 19:11

Atulan nu Tumpu lebe ko angga'nyo molingkudui mosoni' anu madi' ko galo'nyo, lebe matami' molingkudui juu' nu uwani' anu madi' ko galo'nyo.

NOSABATMO 15:26

Tumpu nompoto'imo, “Tuluti na Aku totu-totu'u, ka' obau apaa na anu koong-Ku ma'ima', obau na aijo', tuluti iwi-iwi' na palentah-ngKu. De aijo' obau nu belemiu, belemiu madi' Ku hukum nu to panya-panyakit anu Ku pokona hi mian nu Mesir. Akumo na Tumpu anu nompo'alinmo belemiu.”

YESAYA 3:10

Tumpu notatae, “Poto'i hi mian anu tulu-tulutan hi beleng-Ku, saba aha mohumpakmo kantumuu'an ma'ima' ka' salamatmo. Nu lasaimo nu aha na lawe nu pakalaja'an nu aha.

YESAYA 38:3

“Tutugiakon mae na aku aiya nontulutimo hondo-hondo Belento nu kinyonyoangku anu sahodi-hodi'nyo. Aku saja'mo binala usaha nontuluti pongka oho' nu Belento.” Lantas i Hizkia ihumangmo ka' talalomo hondo nolibos.

YEHEZKIEL 18:19

Panyo ugaat ahi' daagi' ko mian anu mompokilawa, kadaka' anak aijo' madi' suele ahi' montanggung hukuman nu dosa' iwi-iwi' anu binaumo nu tuumanyo. Bau pontaami aijo'mo, kalana anak aijo' manonong ka' madi' tageo' na kinyonyoanyo. Ia tulu-tulutan hi atulan-Ku iwi-iwi' ka' nu bau na aijo' ijalannyo anu sahondo-hondonyo, sahingga ia tataap ahi' tumuu'.

YEHEZKIEL 18:21

De mian anu ma'idek na kinyonyoanyo madi'mo daagi' mombau dosa' ka' sola'mo montuluti iwi-iwi' na atulan-Ku ka' mombaumo palabuatan anu ma'ima' ka' anumo ahi' sahondo-hondonyo ia na madi' ahi' silaka.

YEHEZKIEL 18:27

Panyo de mian anu ma'idek na kinyonyoanyo madi' daagi' mombau dosa' panyo lewa'mo mombau palabuatan anu sahondo-hondonyo ka' anu ma'ima', saba' nyawanyo salamatmo.

YEHEZKIEL 18:5

Bisuanyo daagi' ko mian anu manonong, adin ka' mule' hodi' na kinyonyoanyo.

YEHEZKIEL 33:14

Memang ahi' Aku nompokinde'imo mian anu palabuatannyo ma'idek aijo' silakamo. Panyo de ia madi'mo mombau dosa' ka' mombaumo palabuatan anu ma'ima' ka' anu mingkona, umpamanyo ia monsule'akonmo balang anu pinogade nu mian hi ia, kabai balang anu tinomangnyo mae ka' montulutimo atulan totu-totu'u anu momboa ia saidi' mae i kantumuu'an, saba' ia madi'mo daagi' silaka.

YEHEZKIEL 33:16

Aku madi'mo daagi' monginau' iwi-iwi na dosa' anu toho'mo binaunyo, ka' ia tumuu'mo kalana ia nombaumo apaa na anu mingkona ka' ma'ima'.

YEHEZKIEL 33:19

De mian anu palabuatannyo ma'idek madi'mo mombau dosa' ka' mombaumo apaa na anu ma'ima' ka' anu mingkona, ia tumuu'mo kalana palabuatannyo ai-aijo'.

HOSEA 14:9

Mian nu Israel mongalinmo iwi-iwi' na patong nu pilogot nu aha aha Ku jagaimo ka' mule' Ku talimamo na do'a nu aha. Susumo kau' anu tambok na honnyo, Kujagaimo na aha. Akumo na polengkatan mae nu balakat, iwi-iwi' anu nu humpak nu aha. Akumo na Tumpu anu notataemo.

YOHANES 8:29

Ka' Ia anu nonsai mae Aku daagi' poja-pojajalan tiba Aku. Ia madi' toho' mompojohok Aku sausa', kalana Aku saja' mombau apaa na anu momposanang kinyonyoa-Nyo.”

ROMA 12:2

Boli mombatuki sonto' nu dunia aiya. Bee' da nupotimbali nu Tumpu na butongum timbali bu'ou, da komiu mongabali'. Tiba jalan aijo' yo komiu moko ala monsumbu' pongka'oho' nu Tumpu Allah – aijo'mo apaa na anu ma'ima' tiba anu momposanang kinyonyoa-Nyo ka' anu talakana'.

PO'ULE' INGULIT 12:25

De otuluti nu belemiu na palentah aijo' Tumpu sanangmo ka' belemiu tiba lee' nu belemiu mohumpakmo ka'ima'an.

PO'ULE' INGULIT 12:28

Opalahatikan ima-ima' iwi-iwi' apaa na anu pinalentahkonkumo hi belemiu sahingga belemiu mombaumo anu ma'ima' ka' nusitujui nu Tumpu Allah nu belemiu sahingga belemiu ka' lee' miu mohumpak kasalamatan ka' ka'ima'an sampe toka sidu-sidutu'.”

PO'ULE' INGULIT 13:18

asan belemiu montuluti totu-totu'u iwi-iwi' na palentah-Nyo anu pinotokakonkumo hi belemiu sinaa aiya, ka' mombau iwi-iwi' apaa na anu Nu ka'ima'i.”

PO'ULE' INGULIT 4:40

Tuluti iwi-iwi' na atulan anu ku bee' sinaa aiya hi belemiu, da belemiu ka' lee' nu belemiu mohumpak kabilahian ka' motuus na tumuu' i lipu' anu binee'mo nu Tumpu Allah nu belemiu da belemiu na tumpunyo sampe toka sidu-sidutu'.”

PO'ULE' INGULIT 5:29

Soba de aha saja' ko pikilan sumo aijo'! Soba de aha saja' mongadati Aku ka' montuluti palentah-ngKu iwi-iwi', sahingga aha ka' lee' nu aha mohumpak ka'ima'an sampe toka sidu-sidutu'!

PO'ULE' INGULIT 5:33

Bau iwi-iwi' apaa na anu pinalentahkonmo nu Tumpu Allah nu belemiu hi belemiu da belemiu mohumpak ka'ima'an ka' moko ala tataap i lipu' anu saidi' mae o jojoongimo nu belemiu.”

PO'ULE' INGULIT 6:10

“Tumpu Allah nu belemiu binalajanji'mo hi mompolee' nu belemiu, i Abraham, i Ishak ka' i Yakub, tukoonyo Ia mombee'mo lipu' aijo' hi belemiu. Kota'nyo to daka-daka' hondo ka' lame', ka' misa' belemiu na nompotinjo'.

PO'ULE' INGULIT 6:19

ka' o laa'mo nu belemiu na anu monsampobali' belemiu susumo anu jinanji'mo nu Tumpu.

PO'ULE' INGULIT 8:11

“Ojagai ima-ima' boli saidi' mae belemiu mongkolilimimo Tumpu Allah nu belemiu; boli okolilimi maumo pe'e ola sa'angu' na atulan-Nyo aijo' anu binee'kumo hi belemiu sinaa aiya.